Россиядә ана капиталы күләмен 1 миллион сумга кадәр арттырырга тәкъдим иттеләр
Думаның берничә фракциясе вәкилләре икенче һәм өченче балалары туган гаиләләргә ана капиталы күләмен 1 млн сумга кадәр күтәрергә тәкъдим итә торган закон проектын әзерләгәннәр. Документ текстын Дәүләт Думасының Хезмәт комитеты рәисе һәм либерал-демократлар фракциясе әгъзасы Ярослав Нилов бастырып чыгарган.
Ул инициативаның фракцияара булуын, аны инде ЛДПР, КПРФ һәм «Гадел Россия – Дөреслек өчен» депутатлары имзалаганын әйткән.
«2025 елның 1 февраленнән башлап беренче балага ( уллыкка алынган) 756 712 сум түләнә. Икенче бала туган (уллыкка алынган) очракта, 2025 елның 1 февраленнән башлап, беренче бала 2025 елның 1 февраленнән туган (уллыкка алынган) очракта, ана капиталы күләме 243 288 сумга арта һәм 1 млн сум тәшкил итә», - диелә документ текстында.
Исегезгә төшерәбез, быел 1 февральдән Россиядә ана капиталы 7,5 процентка индексацияләнде. Хәзер беренче балага 631 мең сум, икенчесенә 834 мең сум яки, әгәр элек гаилә беренче балага түләү алган булса, 203 мең сум түләнә.