Алтын бәясе тарихи рекордны яңартты - РИА
Алтын бәясе яңа тарихи максимумга күтәрелеп, троя унциясе өчен 2153 доллардан артып китте. Бу хакта сәүдә мәгълүматлары дәлилли, дип хәбәр итә РИА Новости.
Мәскәү вакыты белән 17.39 сәгатькә Нью-Йоркның Comex биржасында алтынга апрель ае фьючерсының хакы 9,45 долларга яки 0,44 процентка артып, троя унциясе 2151,35 долларга җитте. Ә бер минут кына элек әле бу күрсәткеч максималь рәвештә 2 153,55 долларга җиткән иде һәм бу яңа тарихи рекорд булды, диелә хәбәрдә.