Мөслимдә хәрбиләрнең хатыннары, әниләре, әбиләре белән очрашу булды
Мөслимдә «Мизгел» яшьләр үзәгендә махсус хәрби операциядә катнашучы егетләрнең әниләре, дәү әниләре, хатыннары белән очрашу узды. Бу хакта «Мөслим-информ» хәбәр итә.
Район башлыгы Альберт Хуҗин махсус хәрби операциядә катнашучы ир-егетләрнең әниләре, дәү әниләре, хатыннарын якынлашып килүче 8 март бәйрәме белән котлады. Ул аларга батыр уллары, ирләре өчен рәхмәт сүзләрен җиткерде.
Яшь армиячеләр чәчәк бәйләмнәре тапшырды. Хәрбиләрнең якыннары өчен бәйрәм концерты, котлаулар яңгырады. Кичә чәй өстәле артында дәвам итте.