Чаллыда берничә җиңел автомобиль катнашындагы авариядә ике кеше зыян күргән
Чаллыда өч җиңел автомобиль катнашында җитди авария булган, дип хәбәр итте «Татар-информ» агентлыгына шаһитлар.
Юл-транспорт һәлакәте Машина төзүчеләр урамында урнашкан «Мегастрой» сәүдә үзәге каршында килеп чыккан.
Якынча мәгълүматлар буенча, BMW автомобиленең йөртүчесе, идарәсен югалтып, «Лада» һәм Renault машиналары белән бәрелешкән. Соңгы автомобильдәге ике кеше төрле тән җәрәхәтләре алган.