Түбән Кама балалар бакчасы коллективы хәрбиләргә гуманитар ярдәм җыйды
Түбән Каманың 13нче балалар бакчасы хезмәткәрләре махсус операция зонасындагы хәрбиләр өчен гуманитар ярдәм җыю оештырды.
Мәктәпкәчә учреждение коллективы окоп шәмнәре өчен парафин һәм тимер банкалар әзерләгән. Шулай ук 20дән артык ир-ат киемнәре, 100 пар оекбаш җыелган.
Балалар бакчасы хезмәткәрләре мондый акцияләрдә даими катнашалар. Бу юлы алар җыелган бар нәрсәне территориаль иҗтимагый үзидарә советы рәисенә тапшырган.
Буш вакытларында активистлар коры душ җыелмалары ясыйлар.
«Хезмәткәрләр үз инициативалары белән ир-ат киемнәре, медикаментлар, гигиена чаралары комплектлары китерә», - дип билгеләп үтте 13нче балалар бакчасы мөдире Елена Астахова.
Махсус хәрби операция РФ Президенты Владимир Путин карары буенча 2022 елның 24 февраленнән үткәрелә. Хакимиятләр аның куелган максатларга ирешкәнче дәвам итәчәген, шул исәптән Россиянең иминлеген гарантияли торган шартлар булдыруны да белдерә.