Махсус операциядә катнашучыларга хәрби хәрәкәтләр ветераны электрон таныклыгы биреләчәк
Махсус хәрби операция катнашучыларына хәрби хәрәкәтләр ветераны электрон таныклыгы бирәчәкләр. Алар гадәти пластик карталар төсле була. Мондый карар РФ саклану министры Сергей Шойгу указы белән кабул ителгән. Ул аны РФ Саклану министрлыгы коллегиясе утырышында белдергән.
Шуңа бәйле рәвештә, Россиянең барлык субъектлары хәрби комиссарларына запаска килүчеләргә электрон таныклык һәм аны алу турында аңлатырга кушылды.
Махсус хәрби операция ветераннарына моңа кадәр бирелгән барлык ташламалар документның кәгазь версиясен дә, электрон таныклыкны күрсәтеп тә биреләчәк.
Электрон таныклыкларны «ПСБ банк»ка гариза биреп алырга мөмкин була.