«Крокус»тагы теракт корбаннары саны 143 кешегә җиткән
РФ Гадәттән тыш хәлләр министрлыгы «Крокус Сити Холл»да терактта һәлак булучыларның яңартылган исемлеген чыгарды. Анда 143 кеше.
Мәскәү өлкәсендәге концерт залына һөҗүм җомга кичендә, 22 мартта ясалды. Элегрәк, терактта 139 кеше, шул исәптән өч бала һәлак булуы хәбәр ителгән иде. 182 кеше яраланды.
Хәзерге вакытта теракт турындагы эшнең унбер тоткарланган фигурантының сигезе Мәскәүнең Басман суды карары буенча ике айга кулга алынган. Җинаять эшен тикшерү дәвам итә.