Байтемировдордун үй-бүлөсү Ат-Башынын алыскы Ак-Сай өрөөнүнө жыл сайын мал багып, жайлап келет. Азыр алар 500дөн ашык кой, бир үйүр жылкы жана он чакты уй багып жатышат. Алыскы жайлоонун бир күнү тууралуу айтып беребиз.
Италиянын коргоо министри Гуидо Крозетто өлкөнүн мурдагы өкмөтүн төрт жыл мурун Кытайдын "Бир кур - бир жол" долбооруна кошулуу чечимин сындап, андан Италиянын экспортуна пайда келбегенин белгиледи. Reuters жазгандай, Гуидо Крозетто Италиянын Кытай менен макулдашуулардан чыгуу жолдорун карап жаткан администрациянын өкүлү. Италия бул долбоорго батыштан кошулган жалгыз өлкө. "Бир кур - бир жол" долбоору Кытайдын Борбор Азия жана Африка өлкөлөрү менен байланыш инфраструктурасын ири инвестициялоонун эсебинен кеңейтүүгө багытталган. Читать дальше...
Ушул тапта Беларуста турган Орусиянын "Вагнер" жеке аскер компаниясынын жүздөн ашык жоочусу Польша менен Литванын чек арасындагы Сувалки коридоруна жеткирилди. Бул тууралуу 29-июлда Польшанын премьер-министри Матеуш Моравецкий билдирди. Моравецкий эмнеге таянып, мындай маалымат бергенин ачык айткан жок. Ал "вагнерчилер" Беларустун Гродно шаарына жайгашканын айтып, "бул Польшага чабуулга кадам" деп белгиледи. Польшанын Сувалки шаарынын атынан "Сувалки коридору" деп аталган аймак Польша менен Литваны бириктирген 100 чакырымдай жер. Читать дальше...
Окумуштуулардын изилдөөсүндө айтылгандай, 2023-жылдын июль айы метеобайкоо жүргүзүлө баштагандан берки тарыхтагы эң ысык ай болду. Быйыл Кыргызстанда дагы күн адаттан тыш ысып, айрым жерлерде сугат суу маселеси жаралды. "Глобалдык ысыктан глобалдык кайноого" 27-июлда БУУнун баш катчысы Антониу Гуттериш “Дүйнөдө глобалдык жылуунун доору аяктап, глобалдык кайноо доору башталганын” жар салды. Ал бул сөзүн Эл аралык метеорологиялык уюм жана Климаттын өзгөрүүсүнө байкоо салган Европа комиссиясынын... Читать дальше...
Бүгүн, 30-июлда Бишкектеги Чүй жана Ибраимов көчөлөрүнүн кесилишинде жүргүнчү ташыган кичиавтобус менен Ford Mustang үлгүсүндөгү машине кагышты. Жол кыймылынын коопсуздугун камсыздоо башкармалыгы жабыркагандар жок деп маалымдады. Акыркы айларда Кыргызстан башкалаасында коомдук транспорт катышкан бир нече жол кырсыгы катталды. 19-июлдагы Бишкектин четиндеги Ак-Ордо-23 конушундагы жол кырсыгында эки адам мерт болгон. 22 киши ар кандай жараат алган. Анын алдында, 16-июлда Бишкектин сыртындагы... Читать дальше...
31-июлда түнкүсүн Ысык-Көл, Нарын облустарынын айрым жерлеринде, Ош облусунун тоолуу райондорунда өткүн өтүп, күн күркүрөйт, калган аймактарда жаан-чачын жаабайт. Күндүз Ысык-Көл облусунун көпчүлүк аймактарында, Нарын облусунун айрым жерлеринде, Чүй облусунун тоо этектеринде жана тоолуу райондорунда, Талас, Ош, Жалал-Абад, Баткен облустарынын тоолуу райондорунда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрден, күндүз айрым жерлерде 15-20 метрге жетиши күтүлөт. Читать дальше...
Өзбекстандын Эмгек жана жакырчылыкты кыскартуу министрлиги быйылкы алты айга карата өлкөдөгү жакырчылыктын деңгээлин аймактарга жараша аныктады. Ага ылайык, Каракалпакстан 19,7% менен эң жакыр аймактардын сап башына чыккан. Андан кийин 19,5% менен Сырдарыя жана Хорезм (19,1%) облустары аталды. Жакырчылыктын эң төмөнкү көрсөткүчү Ташкент облусунда - 8,5%. Өзбекстанда жакырчылыктын деңгээли жалпы 14,1% түзөт. Өлкөдө 1 млн 307,8 миң жакыр жашаган үй-бүлө катталган. Өкмөт жакырчылыктын деңгээлин жыл аягына чейин 12%... Читать дальше...
“Мамлекеттик тил жөнүндөгү” конституциялык мыйзам расмий тилди басмырлоо максатында эмес, эгемен өлкөнүн мамлекеттик тилинин деңгээлин көтөрүү максатында кабыл алынды. Мындай пикирин “Азаттыкка” курган маегинде президенттин алдындагы мамлекеттик тил жана тил саясаты боюнча улуттук комиссиянын төрагасы Каныбек Осмоналиев билдирди. Ал жаңы мыйзамды ишке ашыруунун жол-жоболорун белгилеп, Орусиянын тышкы иштер министри Сергей Лавровдун дооматына пикирин айтты. Күттүргөн мыйзам иштейби? - Каныбек мырза... Читать дальше...
Кыргызстандын Улуттук банкы санкцияга кабылган орусиялык "Юнистрим" акча которуу системасына байланыштуу маалыматтарга комментарий берди. Башкы банк өлкөнүн улуттук төлөм системалары белгиленген эрежелерге, форматтарга жана тарифтерге ылайык штаттык режимде иштей турганы айтылат. Мындан тышкары, Улуттук банк банктардын, банктык эмес финансы-кредит уюмдарынын жана Улуттук банктын көзөмөлү алдындагы башка юридикалык жактардын учурдагы ишине кийлигишпесин белгилейт. Билдирүүдө ошондой эле Кыргызстандагы... Читать дальше...
29-июлда тергөө абагынан үй камагына чыккан саясатчы Равшан Жээнбековдун жубайы Салкынай Алимбаева боюнча уулу Азат Равшан билдирүү таратты. Анда апасы оор операциядан кийин үйүнө чыгарылганы, анын абалы начар экени, мындан ары да дарылоону талап кылары айтылат. Азат Равшан мындай билдирүүнү "Азаттыкка" да ырастап, апасына байланышкан буга чейинки маалыматтарды төгүндөдү. "Мен апам менен сүйлөштүм. Так айта алам, апам эч кимге акча берген жок, эч кимден жер жана акча алган жок. УКМК ошондой маалымат таратыптыр. Читать дальше...
Прага шаарында өтө турган WTA (Аялдар теннис ассоциациясы) мелдешине катышуу үчүн келген орусиялык теннисчи Анастасия Павлюченкова Чехияга киргизилген жок. Бул тууралуу ал өзү Инстаграммдагы баракчасына жазды. Теннисчи эми АКШда өтө турган мелдештерге даярданып жатканын белгилеп, "Кошмо Штаттардын Цинциннати шаарында өтө турган Ачык чемпионатта көрүшөбүз" деп жазды. Павлюченкова ошондой эле WTAнын билдирүүсүн жарыялады. Анда бир нече теннисчи бейтарап макамга ээ экенине карабай, өлкөгө киришине Прага уруксат бербегени айтылат. Читать дальше...
Эл аралык республикалык институттун (IRI) жаңы сурамжылоосу жарыяланды. Ага катышкандар өлкөдө жумушсуздук жана кымбатчылыкты негизги көйгөй деп аташкан. Президент баш болгон саясатчыларга баа берилген. "Кимге көбүрөөк ишенесиз?" IRI соңку изилдөөсүндөгү "саясатчылардын же коомдук ишмерлердин кимисине көбүрөөк ишенесиз" деген суроого респонденттердин 35% президент Садыр Жапаровду атаган. Былтыр бул көрсөткүч 38% болгон. Кийинки сапта Улуттук коопсуздук кызматынын төрагасы Камчыбек Ташиевге 14% ишеним көрсөтүлгөн. Читать дальше...