Израел ослободи Палестинец со најдолг затворски стаж

Палестинскиот затвореник Карим Јунис денеска излезе на слобода по завршувањето на 40-годишната затворска казна. 60 годишниот Јунис беше осуден за киднапирање и убиство на израелскиот војник Аврахам Бромберг во 1983 година во Голанската висорамнина окупирана од Израел. Тој ја отслужи најдолгата континуирана казна од кој било Палестинец, велат од Здружението на палестински затвореници. Во неговиот роден град, израелското арапско село Ара, Кунис доби херојски пречек. Обвиткан во традиционален палестински шал, тој беше пречекан од семејството, пријателите и поддржувачите, скандирајќи го и носејќи го низ улиците на нивните рамена.

Итен состанок на Советот за безбедност поради посетата на израелски министер на светилиште во источен Ерусалим

„Многу сум горд што сум еден од оние кои се жртвуваа за Палестина и бевме подготвени да жртвуваме повеќе за доброто на каузата на Палестина“, рече Јунис. Арапите во Израел сочинуваат околу една петтина од населението и повеќето се потомци на Палестинците кои останаа во новооснованата држава по нејзината војна за независност во 1948 година. Палестинците ги сметаат браќата затворени од Израел како херои во борбата за државност на териториите што Израел ги зазеде во војната на Блискиот Исток во 1967 година. Израел ги смета за терористи осудените за насилство врз своите граѓани.