Вооружени напаѓачи киднапираа 30 лица од железничка станица во Нигерија
Вооружени напаѓачи киднапирале повеќе од 30 луѓе во напад на железничка станица во јужна Нигерија, соопштија полицијата и локалните власти.
Киднапирањата се вообичаени во Нигерија, особено во северозападните и централните делови на најнаселената африканска земја.
Во март 2022 година, вооружени напаѓачи разнесоа дел од железничката линија меѓу главниот град Абуџа и градот Кадуна на северот на земјата.
Потоа убија осум лица и киднапираа неколку десетици патници, кои беа пуштени во следните месеци со откуп.
Нападот на железничката станица се случи на 7 јануари.
Напаѓачите отвориле оган пред да ги киднапираат патниците кои го чекале возот.