Факелијада на српски навивачи во Вишеград - град каде беа извршени масовни злосторства во БиХ
На мостот Мехмед Паша Соколовиќ во градот Вишеград, каде што илјадници бошњачки цивили беа убиени за време на војната во 1990-тите, денеска беше организирано палење на факли, на празник кој се слави како Ден на Република Српска (РС) и покрај фактот што беше прогласен за неуставен.
Факелијадата во Вишеград кој се наоѓа на истокот на Босна и Херцеговина, го организираа навивачите на белградскиот клуб „Црвена звезда“ од Вишеград.
Тие развија и транспаренти на кои пишува „Божјата рака е посилна од судот“ и „Единствената Српска си ти“.
За време на војната во деведесеттите, беа убиени околу 3.000 Бошњаци од Вишеград.
Во хашките пресуди беше истакнато дека Вишеград бил подложен на „една од најнемилосрдните кампањи на етничко чистење во босанскиот конфликт“ и дека повеќе од 60 отсто од Вишеградските Бошњаци биле убиени само во мај и јуни 1992 година.
Досега 18 лица се осудени на вкупно 247 години затвор за злосторства извршени во овој град, од кои тројца пред Хашкиот трибунал.
Централната манифестација на Денот на РС се одржа во Источно Сараево.
Претседателот на Република Српска Милорад Додик денеска присуствуваше на прославата на државниот празник на Република Српска, кој забранет од страна на Уставниот суд, во Источно Сараево.
Властите на РС го слават 9 јануари, датумот кога во Сараево во 1992 година тогашното Собрание на српскиот народ во БиХ ја донесе Декларацијата за прогласување народот на Републиката на српскиот во БиХ како независен ентитет во Босна и Херцеговина.
Целта беше тој дел од Босна и Херцеговина да се припои кон Југославија, која во тоа време се распаѓаше.
Самопрогласената република беше предводена од Радован Караџиќ, Билјана Плавшиќ и Момчило Крајишник, кои беа осудени во Хашкиот трибунал за воени злосторства.
Претставниците на Бошњаците и Хрватите не учествуваа во изготвувањето на декларацијата.
Овие два народи на 9 јануари гледаат почеток на војната во Босна и Херцеговина и почеток на етничко чистење, воени злосторства и геноцид врз несрпското население на територијата на РС.
Уставниот суд на Босна и Херцеговина не го оспори правото на одбележување на Денот на РС со тоа што одлучи дека 9 јануари е неуставен како Ден на РС, но утврди дека „Денот на РС“ не може да биде 9 јануари.