Лајчак по разговорите со Курти: се договоривме да се спроведат сите досегашни договори

Специјалниот претставник на Европската унија за дијалогот меѓу Белград и Приштина, Мирослав Лајчак, објави дека се согласил со премиерот на Косово Албин Курти и вицепремиерот Бесник Бислими дека мора целосно да се спроведат сите претходно постигнати договори во дијалогот. „Се вратив во Косово за да продолжам со искрени, отворени и интензивни разговори со премиерот Курти и вицепремиерот Бислими за следните чекори и напредок во нормализацијата на односите со Србија“, објави Лајчак на Твитер.

Лајчак: нацрт-планот за нормализација на односите меѓу Србија и Косово содржи 11 точки

„Се договоривме и дека сите претходно постигнати договори во дијалогот мора целосно да се спроведат“, додаде Лајчак, со фотографија од вечерата со Курти и Бисљими. Лајчак синоќа за приштинската телевизија Клан на Косово изјави дека германско-францускиот план во суштина е план за нормализација на односите меѓу Србија и Косово и дека содржи 11 точки. Лајчак рече дека очекува Косово и Србија да го прифатат и да го потпишат планот, додавајќи дека со договорот Косово добива многу, а ништо не губи.