په بلوچستان کې په جون او جولای کې تر ورښتونو او سېلاوونو وروسته د نس ناستي او قي ناروغي یا هیضه خپره شوې ده چې له وجې یې ځینې کسان مړه شوي هم دي. سېلاوونو په یوشمېر ښارونو کې ګڼو خلکو ته مالي او ځاني زیانونه واړول. د اسوشيېټېډ پرېس اژانس له ویډیوګانو جوړ رپورټ.
کرېملېن په بیا بیا هغه دعوې رد کړې دي چې ګواکې پوتین سرطان یا د پارکېنسن ناروغي او یا هم دواړه رنځونه لري.
که څه هم د چین په شينجيانګ (سینکیانګ) صوبه کې د حکومت له خوا د یوغور (اویغور) مسلمانانو د ځورونو راپورونه ورکول کېږي او هغه خلک له یو شمېر مذهبي بنديزونو سره مخامخ دي، خو د ځينو کلتوري هلو ځلو اجازه لري چې يوه يې د "اسماني اسونو" د ځغاستې دوديزې سیالۍ دي. دا سیالۍ له خوا و شا ۲،۰۰۰ کلونو راهیسې دوام لري چې دا ځل څه باندې ۱۰،۰۰۰ اسونو برخه پکې اخيستې وه.
د دغه ډله يیزو ودونو تنظیمونکي وايي، له دې کار څخه د دوی موخه له ناوړه دودونو سره مبارزه ده. په دې ودونو کې ګډون کوونکي جوړې، هم د ودونو د دا ډول مراسمو له ترسره کېدو هرکلی کوي. دا هغه کسان وو، چې د اقتصادي ستونزو له امله یې د واده کولو توان نه درلود. ددغو مراسمو یو ګډون وال چې ویس علي نومیږي او څلور کاله یې له کوژدې تېر شوي و، وايي د واده کولو توان یې نه درلود. نوموړی له کورنیو غواړي چې په ودونو کې له لوړ ولور او زیات مصرف څخه ډډه وکړي. هغه وويل: "که موږ خپل ژوند د پور او پیسو نه پیل کړو،... Читать дальше...
د فېسبوک له اصولو سره سم هېڅوک تشدد ته هڅوونکي مواد او له تشدده ډک تصوير يا ويډيو نه شې خپرولی. د طالبانو حکومت د فېسبوک دا کار د بیان ازادۍ خلاف بللی دی او له هغه شرکته یې د خپلو پاڼو ازادولو غوښتنه کړې.
تېره مې میاشت په ابادان جنوب لویدیځ ښار کې د یوې ودانۍ په نړېدو سره لږ تر لږه ۴۳ کسان ووژل شول. د می په ۲۳ مه د میټروپول د نیمه تمامې لس پوړیزې ودانۍ د نړېدو پېښه د دې لامل شوه چې خلک د قربانیانو له کورنیو سره د خواخوږۍ او پیوستون په هدف قهرجنو مظاهرو باندې لاس پورې کړي او حکومتي چارواکي یې په غفلت او فساد تورن کړل. د ایران د لوی درستیز مرستیال غلام عباس ترکي نن (د جولای په ۲۱ مه) وویل چې د ابادان ښاري مدیریت چې د میټروپول په پروژه کې یې ۴.۵ سلنه ونډه درلوده، د دې پېښې لویه برخه مسوولیت په غاړه لري. Читать дальше...
د افغانستان د فوټبال فدارسیون دیوې خبرپاڼې په خپرولو سره ویلي، چې د کابل ساحلي فوټبال غوره لیګ سیالیو پرانیستې مراسم د چهارشنبې په ورځ تر سره شو. دغه فدراسیون ویلي چې ددغو مراسمو په پرانیستې سره لومړۍ لوبه د رامکي او افغان کلپ لوبډلو ترمنځ وشوه چې رامکي لوبډلې ۲-۰ بریا خپله کړه. په دغو سیالیو کې ۱۰ لوبډلې لوبېږي او ۲۴ ورځې به دوام وکړي. د دې لوبو هدف ورزش ته د ځوانانو هڅول ښودل شوي.
یو شمېر خبریالانو او د رسنیو کارکونکو نن په کابل کې، د یو شمېر بنستونو له خوا د خبریالانو له نومونو د نا سمې استفادې په تړاو اعتراض وکړ. دا خبریالان او د رسنیو کارکوونکي، چې شمېر یې د دوی په خبره ۲۰۰ کسانو ته رسېده، یو شمېرو یې ازادي راډیو ته وویل، ځني بنسټونه له خبریالانو د ملاتړ په نوم د ژورنالېستانو امتیازونه هغو کسانو ته ورکوي، چې د دوی په خبره یو ورځ یې هم خبریالي نه وي کړي. خبریال او د دغه اعتراض یو ګډونوال رقیب فیاض ازادي راډیو ته وویل: "مونږ له نړیوالو بنسټونو وغوښتل، چې په هېواد کې دننه... Читать дальше...
د طالبانو تر کنټرول لاندې باختر اژانس نن خبر ورکړی چې په جوزجان کې تر دې دمه نږدې اوه زره کسان(۶۹۵۰) په کولرا اخته شوي دي. د جوزجان د عامې روغتیا یوه مسوول خالص قادري ویلي چې په کولرا له اخته کسانو څخه ۱۲ تنه روغتونو ته تر رسېدو مخکې مړه شوي. تر دې مخکې په کندهار، هلمند، زابل او څو نورو ولایتونو کې سلګونه کسان په کولرا اخته شوي او لسګونه کسان مړه شوي دي. روغتیاپالان ټینګار کوي چې د کولرا د خپرېدو د مخنیوي لپاره روغتیايي سپارښتنې او پاکوالی رعایت او په تېره بیا جوش کړې یا تصفیه شوې اوبه وڅښل شي.
د پکتیکا د ګیان او برمل ولسوالیو یو شمېر اوسېدونکي وايي، په دې سیمه کې له تېرې یوې میاشتې راهیسي پرلپسې زلزلو له کار او ژونده ویستلي دي. دوی په افغانستان کې له واکمن نظامه غواړي، چې د یادې سیمې اوسېدونکي دې د نورو احتمالي خطرونو نه د مخنیوي په هدف نورو سیمو ته انتقال کړي. د ګیان ولسوالۍ اوسېدونکي فکر کوي چې ښايي دغلته په غرونو کې د لاوا یا اتش فشان د راپيدا کېدو خطر موجود وي. دوی وايي د زلزلو پرلپسې والي او نورو شواهدو ته په کتو فکر کېږي چې ښايي په سیمه کې لاوا یا اتش فشان راپیدا شي، چې د راپیدا... Читать дальше...
د شمالي وزيرستان دوو اوسېدونکو مشال راډيو ته وويل چې اکثر وژل شوي هغه کسان دي چې د ترهګرۍ پرضد او د امن لپاره یې غږ پورته کړی دی.
د اعلاوزیر د انتخاب امر د پاکستان سپریم کورټ د جولای پر لومړۍ نېټه تر هغې وروسته کړی وو چې پاکستان تحریک انصاف او مسلم لیګ (ق) د اوسني اعلاوزیر حمزه شهباز انتخاب چیلېنج کړی وو.
د طالبانو حکومت د کرنې اوبو لګولو او مالدارۍ وزارت وایي، چې د خوړو نړیوالې ادارې «WFP» په مالي همکارۍ د لغمان ولایت د الینګار په ولسوالی کې د شاخوا ۶۵ میلیونه او افغانیو په لګښت څلور بنسټیزې پروژې پیلوي. دغه وزارت په یوې خبر پاڼه کې لیکلي چې ددغو پروژو له پیل سره به شاوخوا ۹۴۰ کسانو ته دکار زمینه برابره شي. د وزارت د معلوماتو له مخې، دغه پروژې په یو شمېر نورو ولسوالیو کې هم پلي کېږي. د کرنې وزارت وړاندې لیکلي چې په یادو پروژو کې استنادي دېوالونه، سړکونه او همدا راز کانالونه شامل دي.
د افغانستان او اسټرالیا د سوداګرۍ او پانګونې ګډې خونې لومړۍ ناسته کې د دواړو هېوادونو د سوداګریزو اړیکو پر پیاوړتیا خبرې شوي. د افغانستان د سوداګرۍ او پانګونې خونې په یوې خبرپاڼه کې ویلي، چې د دواړو هېوادونو د سوداګرۍ خونو مسولینو د یوې انلاین غونډې په ترڅ کې د صادراتو او وارداتو په برخه کې د اسانتیاو، افغان سوداګرو ته په اسانه ډول د ویزو د ورکړې او همداراز د افغانستان او اسټرالیا ترمنځ د ښو سوداګریزو اړیکو په پراختیا ټینګار شوی. د خبر پاڼې په حواله، د غونډې ګډونوالو د یادو انلاین غونډو په دوام ټینګار کړی. Читать дальше...
کابل ته د یو پاکستاني سوداګریز پلاوي تر سفر ورسته، اوس د طالبانو حکومت وايي، له هغه هېواد سره د سوداګریزو اړیکو د لا پراختیا په هدف هوکړه شوې، چې له دې وروسته به د دواړو هېوادونو باربري لارۍ اجازه ولري چې د افغانستان او پاکستان ټولو سیمو ته ازاد تګ راتګ وکړي. په دې اړه د طالبانو د حکومت د ویاند ذبیح الله مجاهد له لوري په خپره شوې اعلامیه کې راغلي دي، دغه شان به د سیمهيیز اتصال په هدف د افغانستان، پاکستان او ازبکستان درې اړخیزه ناسته په مناسب وخت کې ترسره شي. د طالبانو د حکومت له لوري په دې اړه... Читать дальше...
د پاکستان تحریک انصاف ګوند یوه مخکښ مشر اسد عمر، د سیند پخواني ګورنر عمران اسماعیل او جماعت اسلامي د بلدیاتي انتخاباتو پر ځنډولو خواشیني ښوولې او دا یې د واکمن پیپلز ګوند او ملګرو "سازش" بللی دی. صوبايي حکومت د دې تور په غبرګون کې څه نه دي ویلي.
د خيبر پښتونخوا د سوات په بېلا بېلو کليو کې اوس هم خلک د اوبو په ژرندو دانې اوړه کوي. ځايي اوسېدونکي وايي چې د ژرندې اوړه که يو خوا پاک وي نو بلخوا د بازار پرتله ارزانه ورته پرېوځي ځکه زياتره خلک خپلې هغه دانې ورباندې اوړه کوي چې د دوی په پټو کې شوې وي. د مشال راډيو خبريال نياز احمد خان د سوات د چار باغ يو کلي ته تللی او د ژرندې په اړه يې ويډيو راپور جوړ کړی دی.
د اوکراین ولسمشر پر روسیې د اروپايي ټولنې د بندیزونو پر اووم پړاو انتقاد وکړ او ناکافي یې وبلل. ولودمیر زلنسکي تېره شپه په یوه ویډیويي پیغام کې وویل: زه په ښکاره خپلو شریکانو ته وایم، چې دغه بندیزونه کافي نه دي. ولسمشر زلنسکي ویلي روسیه باید په اوکراین کې د خپلې پیل کړې جګړې درنه بیه پرې کړي چې سولې ته مجبوره شي. پرون تر دې مخکې د اروپايي ټولنې سفیرانو پر اوکراین د یرغل له کبله پر روسیه یو لړ تازه بندیزونه تصویب کړل. په دغو بندیزونو کې د روسیې د سرو زرو پر وارداتو بندیز او په اروپايي ټولنه... Читать дальше...
د امریکا د متحدو ایالتونو دفاع وزیر لوئد اسټین پرون وویل، چې هېواد به یې د هایمرس په نوم د توغندیو څلور پرمختللې دستګاوې اوکراین ته ولېږي. دا اعلان وروسته له هغې وشو چې د روسیې د بهرنیو چارو وزیر سرګی لاوروف وویل، په اوکراین کې اوس د مسکو پوځي ماموریتونه د اوکراین د ختیځ دونباس له حدود هاخوا مخکې تګ دی. اسټین په پنټاګون یا دفاع وزارت کې خبریالانو ته وویل، امریکا چې تر اوسه د هایمرس کومې دستګاوې اوکراین ته لېږلي، دغه هېواد ورڅخه ډېر ښه کار اخیستی، چې اغېزې یې د جګړې په میدان کې محسوسې دي. هایمرس... Читать дальше...
د تهران پولیسو له هغو پولیسو سره د انضباطي چلند خبر ورکړ، چې په وروستیو کې یې یوه نجلۍ د حجاب نه رعایتونو له کبله نیولې ده. هغه ویډیو چې د پولیسو د یوې ډلې له خوا د دې نجلۍ نیول کېدل ښېي او په ټولنیزو شبکو کې لاس په لاس شوې، د ډېرو کسانو د غوسه ناک عکس العمل سبب شوې ده. په دې ویډیو کې د نجلۍ مور په ژړا او واویلا سره له پولیسو غواړي چې لور یې خوشې کړي، ځکه چې ناروغه ده. په ۱۹۷۹م کال په ایران کې تر اسلامي انقلاب وروسته په عام محضر کې تر ۹ کلنو پر لوړ عمرلرونکو نجونو د حجاب اغوستل اجباري شوي، خو زیاتو ایرانۍ ښځو د دې قانون خلاف عمل کړی دی.
وروسته له هغې چې د اوکراین پوځ د اوکراین په جنوب کې د مسکو تر اشغال لاندې پر یوه ستراتیژیک پله د حملې او زیانمنولو لپاره د لویدیځ ساخت عصري وسله وکاروله، د روسیې د بهرنیو چارو وزیر خبرداری ورکړ، چې مسکو د اوکراین په خاوره کې داسې وسلو ته اجازه نه ورکوي، چې د روسیې قلمرو ته څرګند خطر بلل کېږي. سرګي لاوروف پرون چهارشنبه په مسکو کې د روسیې دولتي ټلویزیون ته وویل: "په هغه ساحه کې چې د اوکراین د ولسمشر زلینسکي یا د هغه د هر ځایناستي په ولکه کې وي داسې وسلو ته اجازه نه ورکوو، چې زموږ خاورې او هغو جمهوریتونو... Читать дальше...
د ایمرجنسي روغتونو موسسه وايي، په تېرو درېیو اوونیو کې یې د پکتیکا په برمل ولسوالۍ کې یې د ۳۳۰۰ ټپیانو درملنه کړې ده. دغې ادارې پرون په خپل رسمي ټویټر کې خبر ورکړی، چې دغه کسان د تېرې میاشتې تر زلزلې وروسته تداوي شوي دي. ایمرجنسي موسسه وايي، دوی اوس هم د افغانستان په زلزله ځپلو سیمو کې اغېزمنو شویو کسانو ته په بېلابېلو برخو کې روغتیايي خدمات وړاندې کوي. تېره میاشت په پکتیکا کې د سختې زلزلې له کبله تر ۱۰۰۰ زیات کسان مړه شول، لا هم په ځینو سیمو کې د زلزلې ټکانونه حس کېږي.
د طالبانو د حکومت یوه ویاند د افغانستان د بشري حقونو په اړه د ملګرو ملتونو د مرستندوی ماموریت یا یوناما تازه راپور رد کړ. ذبیح اله مجاهد پرون په یوه صوتي پیغام کې چې د طالبانو تر ولکې لاندې ملي راډیو ټلوېزیون خپور کړی، وویل: "موږ لږ موارد لرو، چې له بده مرغه په ځینو ولسوالیو او کلیو کې د شخصي عقدو او شخصي دښمنیو له مخې ځینې کارونه شوي، چې شمېر یې تر ۱۷ زیات نه دی، هغه موارد هم څېړل شوي دي." د یوناما د راپور له مخې، د طالبانو د سرپرست حکومت غړیو د اګست له پنځلسمې د جون تر پنځلسمې نېټې پوري د پخواني... Читать дальше...
د پاسپورټونو په تازه نړیواله درجه بندۍ کې د افغانستان پاسپورټ تر ټولو د لږ اعتبار لرونکي پاسپورټ په توګه پېژندل شوی او د فهرست په پای کې راغلی دی. د هنلي او شرکا شرکت د دې درجه بندۍ له مخې چې پرون خپره شوې، د جاپان پاسپورټ چې لرونکي یې کولی شي د نړۍ ۱۹۳ هېوادونو ته له ویزې پرته سفر وکړي، په سر کې راغلی دی. د افغانستان یو پخواني ډیپلومات غوث جانباز وايي، د اعتبار له مخې د پاسپورټونو درجه بندۍ کې خاص ټکي په پام کې نیول کېږي. نوموړی وايي: "د هغه هېواد چې پاسپورټ په وروستۍ کرښه کې راغلی، د هغه... Читать дальше...
د پاکستان یو هیئت چې افغانستان ته تللی و، د کابل او اسلام اباد ترمنځ پر سوداګرۍ او نورو مسایلو بحث وکړ. په کابل کې د پاکستان سفارت وايي، دغه هیئت د سوداګرۍ، ټرانزیت د پیاوړتیا او د ستونزو د حل لپاره د طالبانو له چارواکو سره خبرې وکړې. د پاکستان د دغه هیئت مشري د پاکستان د سوداګرۍ وزارت مرستیال، محمد صالح احمد فاروقي کوله، چې پرون او وړمه ورځ په کابل کې و. دغه هیئت د افغانستان او پاکستان ترمنځ د سوداګرۍ او ټرانزیت پر موضوع د طالبانو د صنعت او سوداګرۍ له سرپرست وزیر نور الدین عزیزي او د بهرنیو چارو له سرپرست وزیر، امیر خان متقي سره وکتل. Читать дальше...