Новости за 28.07.2022

د پښتون ژغورنې غورځنګ مشر منظور پښتین ویلي دي چې د پاکستان حکومت په تېرو څه د پاسه ۱۵ کلونو کې له وسله والو ډلو سره یوشمېر موافقې کړې دي چې نتیجه یې نه ده ورکړې بلکې له ماتېدو سره یې تاوتریخوالی لا زیات شوی دی. دا خبره نوموړي د جولای پر ۲۷مه د امریکا غږ اشنا راډیو په ټېلېوېژني خپرونه اتصال کې کړې. پښتین وویل، د تېر په څېر اوسمهال هم د حکومت او تحریک طالبان پاکستان (ټي ټي پي) ترمینځ پر اوربند سربېره د ولسي وګړو هدفي وژنې روانې دي. دا په داسې حال کې ده چې روانه اوونۍ د پاکستان د دیني عالمانو یو پلای... Читать дальше...

په خیبر پښتونخوا کې هندوان او سیکان وايي، حکومت دې یې په قانوني ډول د ودونو ثبتولو ستونزه هواره کړي. هندوان وايي، په صوبه کې د هغوی د ودونو ثبتېدو قانون شته خو نه عملي کېږي. اخوا سیکان وايي، یوازې په پنجاب کې د ودونو ثبتېدو لپاره قانون شته او د خیبر پښتونخوا حکومت ورته پام نه کوي. هندوان او سیکان وايي، د ودونو نه ثبتېدو له وجې د اړینو اسنادو په ترلاسه کولو کې له ستونزو سره مخامخ دي. د خیبر پښتونخوا حکومت په دې اړه څه وايي؟ ځواب یې په رپورټ کې.

د افغانستان د بدني روزنې او ورزش ریاست په خپل فېسبوک پاڼه لیکي چې د واليبال دغه سيالۍ ٤٥ ورځې وړاندې د خوست مرکز او ولسواليو، د کابل او خيبر پښتونخوا نه د يوې يوې لوبډلې په ګډون سره تېره ورځ د فيضو لوبډلې په اتلولۍ سره پاى ته ورسېدې. د یاد ریاست په وینا، په دغو سیالیو کې ٣٦ لوبډلو ګډون درلورد چې د خوست په يوه ورزشي لوبغالې کې پيل شوې وې. ددې ریاست په وینا، دغه سيالۍ د خوست ورزشي امريت له لورې د واليبال فدراسيون په استازيتوب د خوست والي په مالي ملاتړ ترسره شوې، په پاى کې اتلې لوبډلې ته ٤٠ زره... Читать дальше...

د فوټبال دوستانه سياليو په دوام کې پاریس سنټ جرمن  'ګامبا اوساکا' ته ماتې ورکړه. د ورزشي اژانسونو د راپورونو له مخې، دفوټبال دوستانه سیالیو په دوام کې د پاریس سنټ جرمن فوټبال لوبډلې د جاپان تمریناتي لوبو په لړ کې په خپله درېیمه لوبه کې بیکا شپه د ګامبا اوساکا پر وړاندې لوبه وکړه او په پای کې یې ۲-۴بریا خپله کړه. د دې لوبې په ۳۲مه دقیقه کې (نیمار) او په ۳۷مه دقیقه کې لیونل مسي د پاریس لوبډلې لپاره ګولونه وکړل او لوبه د پاریس لوبډلې په ګټه تمامه کړه.

د طالبانو مشر په یوه نوي فرمان کې امر کړی چې ټولې پرېکړې دې د اسلامي شریعت له مخې ترسره شي او د بشر له خوا جوړ شوي قوانین دې نه پلي کېږي. هغه ادعا کړې، چې په تېرو شلو کلونو کې په جمهوري نظام کې د اسلامي نظام او شریعت پر ضد ډېر تبلیغات شوي دي. خو د جمهوري نظام د اساسي قانون په درېیمه ماده کې چې د افغانستان د ټولو قوانینو اساس دی، راغلي چې په افغانستان کې هېڅ قانون به، د اسلام د سپېڅلي دین د ارشاداتو او احکامو خلاف نه وي. د طالبانو مشر ملا هبت الله اخندزاده په قندهار کې له والیانو سره په کتنه... Читать дальше...

په بلوچستان کې له قدرتي ناورینونو سره د مبارزې اداره (پي ډي اېم اې) وايي، په لسبېله ضلع کې په سېلاوونو کې بندې لسګونه کورنۍ ژغورلې دي. د ادارې په خبره، په ځینو ځایونو کې د امنیتي ادارو کښتۍ او هېلېکاپټرونه هم کارولي دي او خلک یې خوندي ځایونو ته لېږدولي دي. په بلوچستان کې د جون له میاشتې راهیسې په بارانونو او سېلاوونو کې تر ۱۰۰ زیات کسان مړه شوي دي. د اسوشيېټډ پرېس اژانس له ویډیو جوړ رپورټ.

پي ډي اېم اې د جولای پر ۲۷مه نېټه په خپل تفصيلي رپورټ کې، چې مشال رېډيو هم ترلاسه کړی، ويلي چې په وژل شويو کې ۳۹ سړي، ۴۶ ماشومان او شپږ ښځې دي.

دا خبره شریف د جولای پر ۲۷مه قامي اسمبلۍ ته په وینا کې تر هغې یوه ورځ وروسته کړې چې د پاکستان سپریم کورټ د مشر قاضي په مشرۍ درې کسیزه جرګګۍ د پنجاب اعلاوزیر انتخاب د پایلو په اړه د اسمبلۍ د مرستیال سپیکر دوست محمد مزاري امر لغوه کړ او د حمزه شهباز پر ځای یې پروېز الهي د هغې صوبې اعلاوزیر اعلان کړ.

په کندهار کې تېره شپه د زیاتو اورښتونو له امله راوتلو سېلابونو د یوې مېرمنې په ګډون اته ماشومان مړه او څلور نور ټپیان کړي دي. سېلابونو دغه راز په ژړۍ، شاولیکوټ، ارغنداب او سپین بولدک ولسوالیو کې ګڼ کورونه تخریب کړي او په زرګونه جریبه د انګورو باغونه او کرهنیزه ځمکه له‌منځه وړې. نور تفصیل د صادق رښتیني په راپور کې د لاندې غږيز فايل په کليک کولو اورېدلی شئ:

د افغانستان په شمال ختیځ واخان کې د پاکستان له‌خوا د افغانستان په خاوره کې د سرحدي نښو د جوړېدو په اړه په ټولنیزو رسنیو کې د ویډیوګانو له خپرېدو وروسته، دې موضوع پراخ غبرګونونه را پورته کړي. د افغانستان د پخواني ولسي جرګې یو شمېر غړي چې اوس له افغانستانه بهر انلاین غونډې کوې، له طالبانو غواړي چې د پاکستان د دې مغرضانه حرکت په وړاندې ودرېږي. د افغانستان د جمهوري غوښتونکو خوځښت هم یوه اعلامیه کې لیکلي، پاکستان په افغانستان کې د یوه کمزوري، تر لاس لاندې او تابع واکمنۍ په رامنځ‌ته کولو سره د نورو... Читать дальше...

د مرګ ژوبلې د رامنځته کېدو دا پېښه په ګیزاب ولسوالۍ کې شوې او دغو کسانو ته هغه وخت مرګژوبله اوښتې چې موټر یې اوبو وړی. دا خبره د ګیزاب ولسوال علي مرجان ذاکر ازادي راډيو ته وکړه. له تېرې يوې اوونۍ راهیسې دارزګان په بېلابېلو سيمو کې د سېلابونو راوتلو له امله خلکو ته ځاني او مالي زيانونه اوښتي دي. د افغانستان د هوا پېژندنې ادارې چې د طالبانو تر ولکې لاندې ده، د چهارشنبې په ورځ اعلان وکړ، چې په نورستان، کونړ، لغمان، ننګرهار، میدان وردګ، لوګر، خوست، پکتیکا، پکتیا، غزني، زابل، کندهار، هلمند، نیمروز... Читать дальше...

د ننګرهار په سپین غر ولسوالۍ کې د یوه کور چت پرېوتی چې له کبله یې ۷ تنو ته مرګ ژوبله اوښتې ده. د باختر اژانس د خبر له مخې دغه پېښه بیګاه د ننګرهار سپین غر ولسوالۍ په مامند داونۍ سیمه کې په یوه کور کې د واده د مراسمو پر مهال شوې چې لامل يې ورښت او د کور د چت زوړوالی ښودل شوي. په پېښه کې د یوې کورنۍ ۴ غړي مړه او ۳ نور ټپیان شوي دي. څو ورځې وړاندې هم د تېزو بارانونو له کبله د سپین غر ولسوالۍ په ګډون د ننګرهار په یو شمېر نورو ولسوالیو کې سخت سېلابونه راوتلي وو چې د نورو ګڼو زیانونو ترڅنګ یې ۵ تنه وژلي او ۵ نور ټپیان کړي وو.

د امریکا د متحد ایالتونو د کانګرس یوې غړې له امریکایي چارواکو سره تر یوې غونډې وروسته وویل چې په اوکراین کې تر اوسه تر پنځه اویا زره ډېرو روسي پوځیانو ته مرګ ژوبله اوښتې ده. دا شمېره د هغو ټولو روسي پوځیانو نژدې نیمایي ده چې د فبروري له وروستیو را په دې خوا یې په اوکراین کې په جګړه کې برخه اخیستې ده. له میشګان څخه د ډیموکرات ګوند استازې الیسا سلاتکین د امریکا د متحد ایالتونو د ولسمشر د ادارې له یوه پلاوي سره تر محرمانه غونډې وروسته دا شمېرې له رسنیو سره شریکې کړې او ویې ویل چې دا ډېره لوړه شمېره ده. Читать дальше...

د پاکستان د پارلېمان هغې جرګې دا پرېکړه لیک تر هغې وروسته منظور کړی دی چې د جولای پر ۲۶مه سپریم کورټ د پنجاب اعلاوزیر انتخاب د پایلو په اړه د اسمبلۍ د مرستیال سپیکر دوست محمد مزاري امر لغوه کړ او د حمزه شهباز پر ځای یې پروېز الهي د هغې صوبې اعلاوزیر اعلان کړ.

د اوکراین دفاعي چارواکي وایي، روسي ځواکونه د دې هیواد په جنوب کې د هغې سیمې په ګډون چې اوکراین یې پر ضد تهاجهمي عملیات پیل کړي، د پراخو ځواکونو د ځای پر ځای کولو پر چارو لګیا دي. د اوکراین د امنیتي شورا منشي اولیکسي دانیلوف دغه څرګندونې پرون چهارشنبې د اوکراین ټلوېزیون ته وکړې او ویې ویل چې دغه ځای پر ځای کیدا د خیرسون، میلیتوپول او زاپوریژیا د سیمو پر لور ترسره کېږي او روسیه نور ځواکونه ځای پر ځای کوي. تر دې مخکې د اوکراین د جنوب د عملیاتي مرکز ویاندې ناتالیا هومینیوک ویلي و چې په جنوب کې د اوکراین تهاجمي عملیات پرمختګ کوي.

څلورو امریکايي سناتورانو د ملګرو ملتونو له سرمنشي غوښتي، چې له طالبانو په افغانستان کې د بشري حقونو د نقض له امله حساب وغواړي. د امریکا د کانګرس څلورو مشهورو سناتورانو پرون د "جولای په ۲۷مه" د ملګرو ملتونو سرمنشي انتونیو ګوتریش ته یو لیک لېږلی او په‌کې یې لیکلي، طالبان د افغان مېرمنو او نجونو د بشري حقونو د له منځه‌وړو په هڅه کې دي او باید مخه یې ونیول شي، هغه ادعا چې طالبان یې ردوي. د امریکا متحده‌ایالاتو د کانګرس د بهرنیو اړیکو د کمېټې مشر جیم‌رش، سناتورې جین شاهین، د بهرنیو اړیکو د کمېټې سناتور... Читать дальше...

په افغانستان کې د طالبانو په بیا ځلې واکمنۍ سره له دغه هېواده د کډوالۍ څپه پیل شوه، ډېری کسانو چې په تېر یو کال کې يې هېواد پرېښی دی، باسواده، متخصصین او د فني او مسلکي ادارو کارکونکي وو. په دوی کې اکثرو خلکو د طالبانو له وېرې او یا هم د روښانه راتلونکي په هیله کډوالۍ ته مخه کړه. د هرات په پوهنتون کې د ادبیاتو د پوهنځي د انساني علومو پخوانی رئیس احمد غني خسروي چي شل کاله د اکاډومیکو زده کړو په برخه کې تجربه لري، په هند کې یې د دوکتورا تر کچې زده کړې کړې دي او د ژبې او تاریخ په برخه کې شنونکی هم دی. Читать дальше...

په قرغیزستان کې د روایتي جامو یوه فیشن شو شوی چې پکې د نړۍ د ۲۰ هېوادونو په لسګونو ډیزاینزانو برخه واخیسته. په فیشن شو کې د روسیې د تېوا سیمې د سیتین دور لباس د خلکو نندارې ته وړاندې شو. تفصیل د اسوشيېټډ پریس اژانس په ویډیويي راپور کې چې ملیحه امیرزاده یې درته وړاندې کوي

سپینه ماڼۍ وايي، د امریکا د متحدو ایالتونو ولسمشر جو بایډن د کرونا تازه ټیسټ منفي ختلی او خپل د سخت قرنطین پالیسي به پای ته ورسوي. دی تېره اوونۍ د جولای پر ۲۱مه په کرونا وایروس اخته شوی و، چې خفیف علایم یې درلودل. د بایډن معالج ډاکټر، کیوین او کانار په یوه یادښت کې پرون چهارشنبه ویلي، چې ولسمشر تبه نه لري او د کوویډـ۱۹ ناروغۍ تقریباً هېڅ ډول نښې نه په کې ښکاري. د ده په وینا، ولسمشر به بیا هم کله چې د نورو کسانو تر څنګ وي د احتیاط لپاره د ۱۰ ورځو لپاره ماسک وکاروي.

د امریکا د متحدو ایالتونو د بهرنیو چارو وزیر انتوني بلینکن وايي، که مسکو دوه امریکايي وګړي خوشې کړي، واشنګټن ورته د پام وړ پېشنهاد په پام کې نیولی. د پاول ویلان (Paul Whelan) او مېرمن بریتني ګرینر (Brittney Griner) په نوم دوه امریکايي وګړي په هغو تورونو په روسیه کې بندیان دي، چې امریکا یې انګېزه سیاسي ګڼي. بلینکن پرون په بهرنیو چارو وزارت کې یوه خبري کنفرانس ته د خبرو پر مهال د پېشنهاد شوي موافقې په باب نور جزییات څرګند نه کړل. ده ویلي دغه پېشنهاد څو اوونۍ مخکې شوی او تمه لري چې په دې اړه د... Читать дальше...

د اغاخان فرهنګي بنسټ چارواکي وايي، لېواله دی، په راتلونکي کې د غزني ځینې تاریخي ابدې بیا ورغوي. د دغه بنسټ یو پلاوی چې د چهارشنبې په ورځ غزني ته تللی و، هلته یې ځینې لرغوني ساحې وکتل. د طالبانو تر ولکې لاندې باختر اژانس د راپور له مخې د دغه پلاوي مشري اجمل میوندوال کوله. د خبر پر اساس ښاغلي میوندوال د هیواد تاریخي ابدې د افغانستان معنوي سرمایه او افتخار وبلل او د هغو په ښې ساتنې یې ټینګار وکړ.

د کرېکټ د شپږیزې لیګ سيالۍ چې په کابل کې روانې دي، نن پنجشنبه هم دوې لوبډلې يو د بل په وړاندې لوبه کوي. د افغانستان د کرېکټ بورډ ویاند، فرید هوتک ازادۍ راډیو ته وویل: "ټاکل شوې نن د اتصالاتو د شپږیزې لیګ سیالیو په لړ کې د مس عینک اتلان او د امو نهنګان دغه راز د کابل بازان د پامیر زلمي له لوبډلې سره د سیالۍ ډګر ته لاړ شي. دا مهال بست ټیم په لومړي مقام کې دی." دغه لیګ چې اته لوبډلې په‌کې برخه لري د اګست میاشتې تر پنځمې دوام کوي. د افغانستان شپږيزه کرېکټ سيالۍ چې کابل کې روانې دي يو شمېر بهرني لوبغاړي هم په‌‌کې لوبيږي.

لاس انجلس ټایمز: لاس انجلس ټایمز ورځپاڼه د بخښنې د نړیوال سازمان وروستي راپور ته په اشاره لیکي، د طالبانو له خوا د افغان ښځو او نجونو د حقونو ځپنې، افغان ښځې زیندۍ کړي دي. په دغه راپور کې چې پرون خپور شوی، ویل شوي چې د ۲۰۲۱ کال په اګست کې پر افغانستان د طالبانو له بیا واکمنېدو وروسته د ښځو او نجونو ژوند د طالبانو له خوا د دوی د بشري حقونو د ځپلو له کبله تباه شوی. په راپور کې راغلي٬ چې طالبان د زیندۍ کولو تر کچې د ښځو د ځپلو په وسیله د افغان ښځو او نجونو ژوند تباه کوي. د لاس انجلس ټایمز په... Читать дальше...

د کډوالو په چارو کې د ملګرو ملتونو لویې کمېشنرۍ ویلي، تېره میاشت یې په پکتیکا او خوست ولایتونو کې ۱۱زره زلزله ځپلو ته اضطراري سرپناه برابره کړې ده. دغې ادارې پرون په خپل ټویټر کې د خطرونو د مدیریت او تطابقت په چارو کې د UNHCR سلاکارې تاکاشیما یومیلکو (Takashima Yumiko) وینا را اخیستې چې ویلي یې دي، دوی په پام کې لري، چې دغه زلزله ځپلو ته نوي کورونه جوړ کړي. په پکتیکا او خوست کې د چنګاښ/ سرطان پر ۲۷مه یوې زورورې زلزلې تر زرو زیات کسان مړه او په زرګونو کورونه یا تخریب یا هم ویجاړ کړل. د راپورونو... Читать дальше...

په افغانستان کې د ملګرو ملتونو مرستندوی ماموریت یا یوناما وايي چې د یوناما سرپرست مارکُس پوتزل د تاشکند غونډې د برخوالو هېوادونو له استازو سره پر افغانستان بحث وکړ. یوناما پرون په یوه ټویټ کې ویلي، د ازبکستان د پلازمېنې تاشکند د غونډې په څنډه کې ثبات او اقتصادي سوکالۍ ته د رسېدو په هدف د افغانستان د هڅو د ملاتړ لپاره اجماع موجوده وه. په دې غونډه کې چې وړمه ورځ وشوه، د طالبانو د هیئت مشري د دوی د بهرنیو چارو سرپرست وزیر، امیر خان متقي کوله چې د افغانستان د ملیاردونو ډالرو په ارزښت د کنګل شویو شتمنیو د ازادېدو غوښتنه وکړه. Читать дальше...