په کنفرانس کې د افغانستان لپاره د اروپايي اتحادیې سفیر اندریاس وون براندت هم برخه درلوده. هغه وویل چې په افغانستان کې د بشري بحران نور ژورېدو څخه مخنيوي لپاره ضروري ده چې له افغانانو سره مرسته وشي.
د قرغزستان حکومت وايي، ۱۵۰۰ افغان قرغزیان چې د بدخشان په پامیر کې مېشت دي، قرغزستان ته لېږدوي او هلته به د ژوند امکانات ورته برابر کړي. د قرغزستان د کار، ټولنیزو چارو او کډوالو وزیر خدایبېرګېن بازاربایف د جولای په ۱۵مه د دې هېواد په پلازمېنې بشکېک کې یوې خبري غونډې ته ویلي، پلان لري چې په راتلونکو دوو کلونو کې په پامیر کې مېشت قرغز وګړي قرغزستان ته انتقال کړي. هغه وویل، دوی پلان لري چې له ۲۰۲۲ کال نه تر ۲۰۲۴ کاله پورې په پامیر کې مېشتې ۴۰۰ قرغزي کورنۍ قرغزستان ته انتقال کړي او په دې خاطر بودیجه... Читать дальше...
پاکستان ته تللیو یوشمېر افغان خبریالانو په اسلام اباد کې د پرېس کلب مخې ته مظاهره کړې. دوی د جولای پر ۱۷مه د احتجاج پر مهال په لاسونو کې بینرونه نیولي ول چې پکې یې د کاناډا له حکومته غوښتنه کوله چې تر ۳۵۰ زیات افغان خبریالان دې هغه هېواد ته وروغواړي. په اسلام اباد کې د کاناډا سفارت لا په دې اړه څه نه دي ویلي خو د هغه هېواد حکومت تېر کال په اګست کې پر افغانستان د طالبانو له واکمنېدو راهیسې ګڼ افغانان بیولي او د نورو هغو د لېږد ژمنه یې هم کړې. ویډیويي رپورټ.
د کابل ساحلي فوټبال لیګ پچهاچونه تېره ورځ ترسره وشوه. د افغانستان د فوټبال فدراسیون په یوې خبر پاڼه کې لیکلي، چې د کابل ساحلي فوټبال لیګ پچه اچونه د ساحلي کمېټې مسوول احسانالله شېرزاد او د حاضرو لوبډلو د استازو په ګډون ترسره شوه. د دغه فدراسیون په وینا، په دغو سیالیو کې ۱۰ لوبډلې د یو بل پر وړاندې لوبې کوي. دا سیالۍ د سه شنبې پر ورځ د چنګاښ پر ۲۸ د افغانستان فوټبال فدراسیون په ساحلي فوټبال لوبغالي کې کېږي او لومړۍ لوبه یې د مازیګر په ۴ بجو د رامکي او افغان کلپ تر منځ ده. د دې لوبو هدف د ساحلي فوټبال وده ښودل شوې.
د طالبانو د واکمنۍ په سیوري کې د شپږیزې لیګ پیل شو. د دې لیګ لومړنۍ لوبه د بند امیر او کابل بازانو لوبډلو ترمنځ د کابل په نړیوال لوبغالي کې د مینه والو د شور او هیجان په غږونو کې پیل شوه. د نن ورځې د لومړۍ لوبې په پای کې کابل بازانو لوبډلې بند امیر ښامارانو ته په ۶ وېکټو ماتې ورکړه او د شپږیزې لیګ لومړۍ لوبه یې وګټله. د افغانستان د کرکټ بورډ ادارې ویاند فرید هوتک د شپږیزې لیګ د پیلېدو په اړه ازادي راډيو ته وویل: "د اتصالاتو شپږیزې لیګ نن په کابل کې پیل شو او د کرکټ زرګونه ځوان مینه وال لوبغالي ته راغلي دي چې لوبډلې او لوبغاړي تشویق کړي. Читать дальше...
داسې مهال چې طالبانو له شپږم ټولګي پورته د نجونو ښوونځي تړلي، د ښځو لپاره اسیايي پوهنتون د افغان نجونو او ښځو لپاره د لوړو زدهکړو ۱۷۰ بورسیې اعلان کړي دي. مروې په افغانستان کې لوړې زدهکړې کړي، خو غواړي له هېواده بهر خپلو زده کړو ته دوام ورکړي. هغه په کابل کې اوسېږي او د هغو پالیسو په اړه چې طالبانو د نجونو او ښځو د زدهکړو په برخه کې وضع کړې دي، اندېښمنه ده. مروه وايي، هغه هڅه کوي سکالرشېب واخلي، خو دې ته اندېښمنه ده چې له هڅو او کوښښ سره سره به طالبان اجازه ورنه کړي چې بې له محرمه له افغانستان ووځي. Читать дальше...
د طالبانو ځواکونو په پنجشېر ولایت کې یوه ښځه وژلې ده. په پنجشېر ولایت کې طالب چارواکي تاییدوي، چې یوه ښځه د یکشنبې په ورځ د دوی ځواکونو په ابشار ولسوالۍ کې وژلې ده. د دې ولسوالۍ د پرنګال سيمې اوسېدونکې ٣٥ کلنه شريفه له خپل مېړه سره د څارويو د څرولو لپاره غره ته تللې وه، چې د وسله والو طالبانو په ډزو کې ووژل شوه. په پنجشېر کې د طالبانو د والي ویاند ابوبکر صدیق نن ازادي راډيو ته وویل، چې دا وژنه تصادفي وه او دوی مني چې دا ښځه بې ګناه وه. هغه وویل: "دا ښځه په غلطۍ ووژل شوه. هغه کس چې ډزې یې... Читать дальше...
تمه ښوول شوې چې د جولای ۱۸مې انتخابات به د واکمن بارتیا جنتا ګوند نومانده دروپدي مورمو وګټي. مخالفه ګوندونو یشونت سېنها د ولسمشرۍ لپاره نوماند کړی دی.
په پنجشېر ولایت کې طالب چارواکي تاییدوي چې یوه ښځه د دوی ځواکونو په ابشار ولسوالۍ کې وژلې ده. د دې ولسوالۍ د پرنګال سيمې اوسېدونکې ٣٥ کلنه شريفه له خپل مېړه سره د څارويو د څرولو لپاره غره ته تللې وه، چې د وسله والو طالبانو په ډزو کې مړه شوه. په پنجشېر کې د طالبانو د والي ویاند ابوبکر صدیق نن ازادي راډيو ته وویل چې دا وژنه تصادفي وه او دوی مني چې دا ښځه بې ګناه وه. هغه وویل چې د پېښې عامل نیول شوي او تحقیقات روان دي.
کابل ته د سوداګریزو اړیکو د پیاوړتیا په هدف پاکستانی پلاوی به هڅه وکړي چې له افغانستانه، پاکستان ته په دوامداره توګه د ډبرو سکرو د صادراتو په اړه طالب چارواکو سره خبرې وکړي. کابل ته نن مازیګر یو پاکستانی لوړ پوړی پلاوی راځي، څو له طالب چارواکو سره په سوداګرۍ، ټرانزیټ او په ځانګړي ډول پاکستان ته د ډبرو سکرو د صادراتو په اړه خبرې وکړي. دا سفر درې ورځنی دی او پهکې د پاکستان د سوداګرۍ وزیر، د کورنیو چارو، سوداګرۍ خونې، د لوجیستیک دولتي ادارې او د خصوصي سکټور ځیني استازي شامل دي. پاکستانۍ ډان رسنۍ... Читать дальше...
روسي پولیسو د ( چینل ۱ ) ټلوېزیون هغه خبریاله توقیف کړې چې په ژوندۍ ټلوېزیوني خپرونه کې یې د جګړې په ضد اعتراض کړی و. مرینا اوفسیانیکوا ( Marina Ovsyannikova ) تېره مارچ میاشت کې له یوې تابلو سره تلوېزیون کې څرګنده شوه او وې ویل " په تبلیغاتو باور مه کوی او جګړه و دروی". د روسیې د چینل۱ تلوېزیون خبریالې مرینا اوفسیانیکوا پر خپله انسټاګرام پاڼه لیکلي چې په کراسنوسیلسکي سیمه کې د پولیسو ماموریت ته بیول شوې ده. د هغې مدافع وکیل هم ویلي چې موکله یې د پولیسو له خوا توقیف شوې ده. مرینا لیکلي، نوموړې... Читать дальше...
د پنجاب واکمن ګوند مسلم ليګ (ن) د ټاکنو نتيجې منلې دي. د ګوند مرستيالې مشرې مريم نواز د جولای پر ۱۷مه نېټه پر ټوېټر ليکلي چې مسلم ليګ (ن) بايد د انتخاباتو نتيجې ومني او د ولس پرېکړې ته سر ښکته کړي. د دې په وينا، په سياست کې ګټل او بایلل وي.
په کوټه کې د پي ډي اېم اې مشر نصیر احمد ناصر د جولای پر ۱۷مه مشال راډيو ته وويل چې بارانونو د بلوچستان په ۲۲ ضلعو کې تاوانونه اړولي دي خو ډېر نقصان په کوټه، پښین، ژوب، دوکۍ، ګوادر، تربت، کلا سیف الله او پنجګور کې اوښتی.
د طالبانو د حکومت په مشرۍ د افغانستان بانک غواړي ۱۲ میلیونه ډالره د لیلام په بڼه وپلوري. دغه بانک په خپل ټویټر پاڼه لیکلي چې دا کار به دوی د سې شنبه په ورځ وکړي. یاد بانک له ټولو سوداګریزو بانکونو، صرافیانو او د پولي خدمتونو له شرکتونو څخه چې په شرایطو برابروي، غوښتنه کړې چې په دې داوطلبۍکې ګډون وکړي. د طالبانو په مشرۍ د افغانستان بانک ویلي، د داوطلبۍ ګټوونکي اړ دي څو خپل حسابونه د لیلام د ورځې تر پایه پورې تصفیه کړي. دا په داسې حال کې ده چې یاد بانک پرون هم ۱۲ میلیونه ډالرو لیلام کړي وو. Читать дальше...
د مالیزیا هېواد ۱۰ سکټوري ادارې غواړي په افغانستان کې له افغان پانګوالو او یوشمېر سکټوري ادارو سره خپلې تجربې شریکې کړي. د طالبانو حکومت د صنعت او سوداګرۍ وزارت په خپل تویټر پاڼه لیکلي، چې دواړو خواو په همدې موخه نن دوشنبه په کابل کې درې ورځیني ورکشاپ پیل کړی. د وزارت په خبره، دغه ورکشاپ په پرانیست غوڼده کې، دواړو خواو ټینګار کړی چې یاد ورکشاپ به د سوداګرۍ او همداراز د پانګونې په برخه کې د دواړو هېوادونو اړیکې ښې کړي. سره له دې چې د طالبانو د صنعت او سوداګرۍ وزارت د دغو سکټوري ادارو نومونه... Читать дальше...
پښتون ژغورنې غورځنګ (پي ټي اېم) د جولای پر ۱۷مه په کوټه کې یوه جرګه جوړه کړې وه چې ورته سیاستوالان او فعالان ورغلي ول. پي ټي اېم په جرګه کې غوښتنه وکړه چې په سیند کې دې د پښتنو حقونه خوندي شي او د بلوچستان په زیارت او هنه وړک کې دې د خلکو ځورونې ودرېږي. دا په داسې حال کې ده چې په حیدراباد کې د یوه سیندي وګړي تر وژنې وروسته د تاوتریخوالي پېښې شوې دي او پکې د پښتنو چایخانې او رستورانونه په زور تړل شوي. په زیارت کې امنیتي ځواکونو تر هغې وروسته د لټون عملیات کړي چې د پوځ یو کرنل وتښتول شو او د جولای پر ۱۴مه یې مړی وموندل شو. Читать дальше...
"برع" چې د جګړې د نڅا په نوم هم یادېږي، په یمن کې تر ټولو مشهوره ولسي نڅا ده چیرې چې قبایلي خلک خپل بدني حرکتونه د نغارو له غږونو سره همغږي کوي او تاوېږي .په تاریخي توګه، د نغارو غږول به په یمن کې د راتلونکو جګړو د اعلان لپاره د رسم د یوې برخې په توګه کارول کیده خو اوس دا نڅا د ودونو یو لازمي برخه جوړه شوې ده. مجید بابر د رويټرز خبری اژانس ويډیو نه دا راپور جوړ کړی دی.
د روسیې د چنل یو ټلوېزیون خبریاله مارینا اوفسیانیکووا په مسکو کې د پولیسو له خوا ونیول شوه. هغه چې د جګړې خلاف د ژوندیو خپرونو په وړاندې کولو مشهوره ده، په مارچ میاشت کې په یوه ژوندۍ ټلوېزیوني خپرونه کې یو شعار په لاس کې راڅرګنده شوه چې پرې لیکل شوي وو، "پر پروپاګند باور مه کوئ. جګړه ودروئ." اوفسیانیکووا پرون د انسټاګرام په یوه مطلب کې ویلي د مسکو په کراسنوسیلسکي کې د پولیسو ماموریت ته بېول شوې ده. د هغې مدافع وکیل هم د هغې نیول کېدل تایید کړي دي. هغې وروسته لیکلي، د یوې وروستۍ مرکې له کبله... Читать дальше...
د اروپايي کمېسیون مشره، اورزلا وان دیر لاین نن په داسې حال کې باکو ته سفر کوي چې اروپا غواړي له اذربایجان څخه د طبیعي ګازو انتقال زیات کړي. هدف د روسیې پر انرژۍ د اتکا کمول ښوول شوي دي. اروپايي کمېسیون په یوه ټویټ کې ویلي، په داسې حال کې چې روسیې د خپلې انرژۍ تامینول تسلیحاتي کړي، د اروپايي ټولنې لپاره د انرژۍ د وارداتو متنوع کول یو لومړیتوب دی. رویټرز خبري اژانس راپور ورکړی چې د اروپايي کمېسیون د یوه سند په مسوده کې وړاندیز شوی، چې د اروپايي ټولنې غړي هېوادونه دې د طبیعي ګازو د وارداتو زیاتولو... Читать дальше...
له څه کم یو کال راهیسې، په افغانستان کې د منځنیو ښوونځیو او لېسو زده کوونکې نجونې له زده کړو بې برخې دي. د افغانستان لپاره د ملګرو ملتونو د ځانګړي استازي مرستیال مارکوس پوتزل تېره ورځ د طالبانو له چارواکو سره په کتنه کې یو ځل بیا په دې اړه اندېښنه وښوده او د نجونو د تعلیم د دوام پر اړتیا یې ټینګار وکړ. په ناروې کې د افغانستان پخوانۍ سفیره او د ښځو د حقونو فعاله شکریه بارکزۍ په دې باور ده چې نړیوال د افغان نجونو په برخه کې مسوولیت لري. له احمدتکل سره د مرکې په پیل کې مېرمن بارکزۍ دې پوښتنې ته... Читать дальше...
د روسيې چارواکو د دې هېواد په لیرې پرته ختیځه ټاپووزمه کمچتکا کې د یوه هیلیکوپټر د سقوط په پېښه کې د دریو کسانو د مړینې خبر ورکړی. چارواکو ویلي دي چې د دې هیلیکوپټر سوځېدلې ټوټې یې پرون د اوسون په اور غورځوونکې ساحه کې موندلې دي. سيمهيیزو رسنیو راپور ورکړی چې دا هیلیکوپټر د یو ډول ژمنیو لوبو د نړیوال اتل ایګور مالینوفسکي د پلار د خصوصي شرکت اړونده وه. د نوموړي کورنۍ تایید کړې ده چې ایګور مالینوفسکي د پېښې د مړو په ډله کې دی. چارواکو د شنبې په ورځ د بدې هوا له کبله د دې هیلیکوپټر د تري تم کېدو خبر ورکړی و.
هفینګټن پوسټ: هفینګټن پوسټ ورځپاڼې په دې عنوان یوه مقاله خپره کړې ده: "طالبانو زرګونه هزاره افغانان بې ځایه کړي دي چې اوس د خوړو او سرپناه څه نه لري." په دې مقاله کې راغلي، چې په بلخاب ولسوالي کې تېره میاشت طالبانو خپل نظامي کمپاین پیل کړ چې له کبله یې د دې ځای اوسېدونکي خپلو کورو پرېښودو ته اړ شول. مقالې د بلخاب ولسوالي د یوه اوسېدونکي جعفر له قوله لیکلي چې ادعا کوي، طالبان د دوی سیمې ته ننوتل او بې ګناه خلک یې ووژل او د دوی دوکانونه یې لوټ کړل. خو طالبان د خلکو د بې ځایه کېدو او دغه شان... Читать дальше...
د ایران د لوی مذهبي مشر یو جګپوړی سلاکار وايي د ده هېواد د اټومي وسلې د جوړولو توان لري خو د دې وسلو د جوړولو پرېکړه تر اوسه نهده شوې. کمال خرازي پرون له الجزیرې ټلوېزیون سره په مرکه کې وویل ایران یورانیوم په سلو کې شپېته غني کړي په داسې حال کې چې د ۲۰۱۵ کال د اټومي موافقې له مخې تهران د یورانیمو د غني کولو کچه له ۳،۶۷ نهشي لوړولای. د اټومي بم د جوړولو لپاره د غني شویو یورانیمو کچه باید په سلو کې ۹۰ وي. خرازي دا څرګندونې وروسته له هغه کوي چې ولسمشر جوبایډن اسراییل او سعودي عربستان ته د سفر... Читать дальше...
په کندهار کې د طالبانو سيمهييز چارواکي په دې ولایت کې د اوبو د دریو بندونو د رغونې د پیل خبر ورکوي. د طالبانو یوه سیمهييز مشر ملا عبدالخالق باختر خبري اژانس ته ویلي چې دا بندونه په شاه ولي کوټ او سپین بولدک ولسوالیو کې رغول کېږي. د طالبانو د حکومت د کرنې وزارت وايي، د سپین بولدک د اوبو بند د ۳۵ میلیون افغانیو په لګښت رغول کېږي او د ۲،۳ میلیون مکعب متره اوبو د زېرمه کولو ظرفیت لري. د کندهار مهم کرنیز محصولات انګور او انار دي چې د وچکالۍ له وجې یې په تېرو کلونو کې حاصلات کم شوي وو.
د خوړو نړیوال پروګرام یا WFP وايي، سږکال یې له نژدې ۱۰ میلیون افغانانو سره د خوړو د موادو او د مسلکي زده کړو مرسته کړې ده. دې ادارې پرون (د چنګاښ ۲۶مه) پر خپل ټویټر لیکلي، بې سرپرسته ښځې د افغاني ټولنې تر ټولو زیانګالې برخه ده چې ژوند یې د تاوتریخوالي، اقتصادي کړکېچ او وچکالۍ له کبله له کړاو سره مخامخ دی. د WFP د ارقامو له مخې نژدې ۲۳ میلیون افغانان غذايي خوندیتوب نهلري او د دوی له ډلې نژدې ۹ میلیون کسان د خوړو بېړنیو مرستو ته اړتیا لري.