Новости за 15.10.2019

Кореяи Ҷанубӣ ба гуштигирони тоҷик, ки бояд моҳи ноябри имсол дар мусобиқаи ҷаҳонӣ дар Чҳонҷу иштирок кунанд, раводид ё виза надодааст. Mасъулони Федератсияи самбои Кореяи Ҷанубӣ ба ҳамкорони тоҷики худ гуфтаанд, соли 2016 чаҳор гуштигири тоҷик ба Корея рафта, дигар барнагаштанд ва мақомоти он кишвар аз такрори ин рӯйдод хавф доранд. Се сол пеш чӣ иттифоқ афтода буд ва гуштигироне, ки дар Кореяи Ҷанубӣ монданд, кӣ ҳастанд? Видеои гуфтугӯ бо Маҳмуди Абдулло, дабири кулли Федератсияи самбои Тоҷикистонро дар ин ҷо бинед.

Кормандони Оҷонсии зидди фасод рӯзи 15-уми октябр дар як амалиёти вижа роҳбари дастгоҳи ҳокимияти ноҳияи Мастчоҳ Муҳаммад Идизодаро бо гумони гирифтани ришва боздошт кардаанд. Наздикони ӯ мегӯянд, номбурда ҳамагӣ ним сол пеш ба ин мақом таъйин шуда, дасти пок дошт ва ин боздошт зимни туҳмат анҷом ёфтааст. Аммо як манбаъ дар Оҷонсии зидди фасод гуфт, Муҳаммад Идизода бар пояи баёноти як шаҳрванд боздошт шудааст. Дар ҳамин ҳол, як шоҳиди воқеа ба Радиои Озодӣ гуфт, амалиёти кормандони Оҷонсии зидди фасод бо дуруштӣ ва зиёдаравӣ ҷараён ёфта... Читать дальше...

Дастаи мунтахаби футболи Тоҷикистон дар марҳилаи интихобии қаҳрамонии ҷаҳон-2022 аз мунтахаби Ҷопон бо ҳисоби 0:3 шикаст хӯрд. Ин бозии даври чаҳорум дар гурӯҳи "F" 15-уми октябр дар Варзишгоҳи марказии Душанбе бо ҳузури 19 ҳазор тамошобин баргузор шуд. Бисёре аз корбарони шабакаҳои иҷтимоӣ, аз шеваи бозии аъзои мунтахаби Тоҷикистон ва амалкарди сармураббӣ Усмон Тошев танқид кардаанд. Яке аз корбарони Фейсбук навиштааст, "футбол дар Тоҷикистон нисбат ба чанд сол қабл як каме пеш рафтааст", вале дигаре гуфтааст... Читать дальше...

Президенти Русия бо сафари аввалини худ ба кишвари Халиҷи Форс дар даҳсолаи охир ба Имороти Муттаҳидаи Араб рафт. Владимир Путин рӯзи 15-уми октябр аз Арабистони Саудӣ ба Абу-Дабӣ парвоз кард ва ӯро дар фурудгоҳ шоҳзода шайх Муҳаммад бин Зайд Ал-Наҳён пешвоз гирифт. Путин дар Риёз бо шоҳ ва валиаҳди Арабистони Саудӣ гуфтугӯ кард. Раиси ҷумҳури Русия ва шоҳ Салмон маросими имзои як қатор қарордодҳои миллиарддолларии  сармоягузориро миёни ду кишвар роҳбарӣ мекарданд, ки бахшҳои монанд ба фазонавардӣ... Читать дальше...

Узбекистон дар ҳамоиши сарони кишварҳои туркзабон дар Боку расман ба Шӯрои туркӣ пазируфта шуд. Ин шӯро дар моҳи октябри соли 2009 бо ширкати Озарбойҷон, Туркия, Қазоқистон ва Қирғизистон таъсис ёфта буд. Узбекистон моҳи гузашта барои узвият дар ин созмон ариза дод. Дар ҳамоиши гузаштаи сарони кишварҳои туркзабон дар Қирғизистон дар соли 2018 Маҷористон ҳамчун нозир ба ин эътилоф пазируфта шуд. Ҳамоиши нав дар ҳоле ҷараён мегирад, ки Туркия дар шимоли Сурия амалиёти ҳарбӣ анҷом медиҳад ва барои... Читать дальше...

Чаҳор блогери тоҷик, ки ба нашри навор дар бораи занони "танфурӯш" муттаҳам дониста мешаванд, дар нахустин мурофиаи додгоҳӣ гуфтанд, дар ин қазия худро гунаҳкор меҳисобанд. Ин дар ҳолест, ки онҳо пештар гуфта буданд, ҷиноят содир накардаанд, балки воқеиятро гуфтаанд.  Моҳи июни имсол пас аз нашри як навор дар бораи занҳои "танфурӯш" аз сӯи чаҳор блогери тоҷик -- Рустам Ашӯров, Беҳрӯзи Шарифӣ, Шаҳриёр Ҷалилов ва Юсуфҷони Давлатмурод -- ба зидди онҳо бо моддаи 144-и Кодекси ҷиноӣ парванда боз гардид. Читать дальше...

Чаҳор блогери тоҷик, ки ба нашри навор дар бораи занҳои "танфурӯш" муттаҳам дониста мешаванд, дар нахустин мурофиаи додгоҳии худ гуфтанд, дар ин қазия худро гунаҳкор меҳисобанд. Ин дар ҳоле аст, ки онҳо қаблан гуфта буданд, фақат хостанд воқеиятро бигӯянд ва ҷинояте содир накардаанд.​

оиб президенти Иёлоти Муттаҳидаи Амрико мегӯяд, раисиҷумҳури кишвар Доналд Трамп даъват кардааст, дар Сурия оташбаси фаврӣ эълон шавад. Ин пешниҳод бо президенти Туркия Раҷаб Таййиб Эрдуғон дар миён гузошта шудааст.

Рӯзи 15-уми аз таъсиси Ҷумҳурии Шӯравии Сотсиалистии Тоҷикистон дар ҳайати Иттиҳоди Шӯравӣ, 90 сол сипарӣ шуд. Дар як ҳамоиши илмӣ таърихшиносон дар бораи бурду бохт аз чунин шакли давлатдорӣ изҳори назар карда, изҳор доштанд, ки маҳз ба ҷумҳурии ҷудогона аз Ҷумҳурии Узбекистон табдил шудани Тоҷикистон, заминаро барои касби истиқлол дар соли 1991 фароҳам кардааст. 15-уми октябри соли 1929 дар бинои "Хонаи деҳқон", ки сипас ба Театри русии ба номи Владимир Маяковский табдил дода шуд, ҳайати шӯроҳои... Читать дальше...

Иёлоти Муттаҳида дар посух ба ҳамлаи низомии Анкара ба шимоли шарқи Сурия ба вазири дифои Туркия ва ду вазири дигар таҳримҳо ҷорӣ кард. Вазири мудофиа Ҳулуси Акар, вазири корҳои дохилӣ Сулаймон Сойлу ва вазири энержӣ Фатиҳ Донмез ба рӯйхати сиёҳи таҳримҳои хазинадории Амрико ҷой дода шуданд. Дороиҳои онҳо дар Иёлоти Муттаҳида баста ва доду гирифти онҳо бо Амрико ё баръакс боздошта шудааст. Вазорати хазинадорӣ рӯзи 14-уми октябр гуфт, вазоратҳои дифоъ ва энержӣ низ бо таҳримҳо рӯбарӯ шуданд. Стивен Мнучин... Читать дальше...

Муҳокимаи блогнависони тоҷик дар Душанбе, марги дку сарбози узбек дар майдони пахтачинӣ, пешниҳоди оташбаси фаврӣ дар Сурия, арзёбии суду зиёни узвият дар Иттиҳоди иқтисодии Авруосиё ва матолиби дигар.

Аз оғози фаъолияти "Ширкати давлатии қарздиҳӣ" дар Қирғизистон 4371 хонавода тавассути қарзҳои боимтиёз соҳиби манзил шудаанд. Дар ин бора ҳукумати Қирғизистон хабар дод. Ба иттилои ҳукумати он кишвар, барои таъмини хонаводаҳо бо манзил қарзҳои ширкати мазкур 3 баробар кам карда шудааст. "Дар соли 2016 аз 12-14 фоиз ба 10-12 поин оварда шуд. Дар соли 2017 то 8-10 фоиз ва дар соли 2018 ба 7-9 фоиз расид. Дар ҳоли ҳозир ба сатҳи 6-8 дарсад расонидан корҳо давом доранд", - хабар медиҳад ҳукумати Қирғизистон. Читать дальше...

Ҳукумати вилояти Оқтеппаи Қазоқистон рӯзи 14 октябр эълом кард, ки бо ҷониби Чин гуфтугӯ мекунад. Ин гуфтугӯ дар ҳоле сурат мегирад, ки коргарони ширкати нафткаши муштараки Қазоқистону Чин "СНПС-Оқтеппамунайгаз" ахиран даст ба эътироз зада буданд. Коргарони ширкати мазкур аз миёнаҳои моҳи сентябри соли ҷорӣ ба ин тараф афзоиши маошашонро талаб доранд. "Ҳайати Чин мегӯяд, даромади ширкат аз фармоишгарон вобаста аст. Давоми 10 соли охир тарофаҳои ширкат тағйир наёфтаанд. Дар ин муддат дар кишвар беқурбшавии асъор сурат гирифт... Читать дальше...

Кореяи Ҷанубӣ ба гуштигирони тоҷик, ки бояд моҳи ноябри имсол дар мусобиқаи ҷаҳонӣ дар Чҳонҷу иштирок кунанд, раводид ё виза надодааст. Варзишгарон инро як ноҳаққӣ нисбати худ тафсир мекунанд. Масъулони Федератсияи самбои Кореяи Ҷанубӣ ба ҳамкорони тоҷики худ гуфтаанд, соли 2016 чаҳор гуштигири тоҷик ба Корея рафта, дигар барнагаштанд ва мақомоти он кишвар аз такрори ин рӯйдод хавф доранд. ​Дар сафорати Кореяи Ҷанубӣ дар Душанбе аз суҳбат дар ин бора худдорӣ карданд. Масъулони сафорат гуфтанд,... Читать дальше...

Доналд Трамп, президенти ИМА аз ҳамтои туркаш Раҷаб Эрдуғон хост, бо гуруҳҳои курд дар шимолу шарқи Сурия созишномаи оташбас имзо кунад. Дар ин бора ноиб-президенти ИМА Майк Пенс иттилоъ дод. Ду президент ахиран суҳбати телефонӣ анҷом додаанд. Пенс ҳамчунин гуфт, дар фурсатҳои наздик ҳайати амрикоиро дар сафари Туркия роҳбарӣ мекунад. Ин ҳайат талош хоҳад кард, ки ҷанги байни туркҳо ва курдҳои Сурия қатъ шавад. Пештар аз ин мақомоти ИМА зидди вазирҳои дифоъ, энержӣ ва корҳои дохилӣ, инчунин нисбати вазоратҳои дифоъ... Читать дальше...

Ду сарбозе, ки барои пахтачинӣ ба ноҳияи Боёвути вилояти Сирдарёи Узбекистон сафарбар шуда буданд, 13 октябр зери чархи трактор монда, ҷон бохтанд. Онҳо аз вилояти Фарғонаи Узбекистон ба хидмати ҳарбӣ ҷалб шуда буданд. Як масъули Раёсати тандурустии вилояти Сирдаё бо тасдиқи ин хабар гуфт, сарбозон дар натиҷаи як "ҳодисаи нохуш" ҷон бохтанд. "Сарбозон, ки 20 солӣ доштанд, дар ҷӯйборе дар пахтазор хоб рафтаанд. Тракторе, ки пахта мекашонд, онҳоро пахш кардааст. Ҷавонон дар тан либоси низомӣ доштанд. Читать дальше...

"Ҷомеаи ҷаҳонӣ ба қазияи шиканҷа ва бадрафторӣ бо зиндониёни маҳбаси № 64/4 дар Қизилтеппаи вилояти Навоӣ фавран бояд дахолат кунад",-омадааст дар изҳороти Анҷумани ҳуқуқи инсон дар Осиёи Марказӣ (AHRCA), ки мақарраш дар Фаронса аст. Ба огаҳии анҷуман, панҷ маҳбус дар вилояти Навоии Узбекистон ба хотири ҷалби таваҷҷуҳи ҷомеаи ҷаҳонӣ 10 октябри соли равон гуруснанишинӣ эълом карданд. Даҳ зиндонии маҳбаси № 64/4, ки дар корхонаи хиштбарорӣ кор мекарданд, аз маъмурияти зиндон дархост кардаанд, ба онҳо дастпӯш ва пояфзолҳои нав диҳанд. Читать дальше...

"Тоҷикистон кай узви Иттиҳоди иқтисодии АвруОсиё мешавад?" Ҳар рӯз чандин нафар ҷавоби ин суолро аз Радиои Озодӣ мепурсанд. Корбарон дар шабакаҳои иҷтимоӣ низ саволҳои мушобеҳеро ба миён мегузоранд. Чаро як бахше аз шаҳрвандон моиланд, ки Тоҷикистон ба ин иттиҳод бипайвандад?  Аксари онҳое, ки чунин суол мегузоранд, муҳоҷирони кориянд. Онҳо мепиндоранд бо пайвастани Тоҷикистон ба ин созмони зери назари Русия, вазъи зиндагии онҳо дар ин кишвар беҳбуд меёбад ва аз гирифтани патенту пардохти пули ҳармоҳаи он озод мешаванд. Читать дальше...

"Тоҷикистон кай узви Иттиҳоди иқтисодии АвруОсиё мешавад?" Ҳар рӯз чандин нафар ҷавоби ин суолро аз Радиои Озодӣ мепурсанд. Корбарон дар шабакаҳои иҷтимоӣ низ саволҳои мушобеҳеро ба миён мегузоранд. Чаро як бахше аз шаҳрвандон моиланд, ки Тоҷикистон ба ин иттиҳод бипайвандад? Назари сокинонро дар видео бинед.

Раиси ҷумҳури Русия ва подшоҳи Арабистони Саудӣ дар ҷараёни сафари Владимир Путин ба Риёз, ҳудуди 20 созишномаи чандмиллиарддолларӣ имзо карданд.  Ин созишномаҳо рӯзи душанбеи 14-уми октябр ба имзо расид ва шомили тиҷорат, сармоягузорӣ дар бахшҳои фазоӣ, фарҳанг, беҳдошт, технологияи пешрафта ва зироат мебошад. Кремл гуфт, ҳадафи сафари Путин ҷалби сармоя ба Русия аст. Сафари Владимир Путин ба Арабистони Саудӣ дар ҳоле сурат мегирад, ки танишҳо дар минтақа рӯ ба афзоиш аст. Маскав аз муттаҳидони... Читать дальше...

Дар шаҳри Алматои Қазоқистон ду фирории Шинҷон - Кастер Мусохон ва Мурагер Алимулиро баъди он боздошт карданд, ки онҳо аз мақомоти Қазоқистон дархости паноҳандагӣ карданд. Кастер Мусохон ва Мурагер Алимулӣ пештар аз ин бо нашри наворе дар шабакаҳои иҷтимоӣ гуфтанд, ки ба далели таъқиби мақомоти Чин тасмим гирифтаанд, фирор кунанд. Гулҷон Токтасинқизӣ, як фаъоли иҷтимоӣ гуфт, ду қазоқтабори Шинҷонро мақомоти амниятии Қазоқистон боздошт карданд. Мусохон ва Алимулӣ дар нимаи аввали рӯзи 14 октябр нишасти матбуотӣ баргузор карда буданд. Читать дальше...

Консулгарии Узбекистон дар шаҳри Санкт-Петербурги Русия занозании рӯзи 11 октябрро дар ноҳияи Калинини ин шаҳр тасдиқ кард. Дар ҷараёни он занозанӣ шаҳрванди Узбекистон Ш.И. кушта шудааст. "Дар куштори Ш.И. бародарзодаи вай Ф.К. айбдор мешавад. Зидди Ф.К. парванда боз шудааст",-хабар дод вазорати корҳои хориҷии Узбекистон. Консулгарии Узбекистон дар шаҳри Санкт-Петербург вазъро зери назар гирифта, аз мақомоти тафтишотии Русия дархости иттилои бештар кардааст.

ИМА зидди Туркия барои амалиёти нерӯҳои низомиаш дар шимоли Сурия таҳрим эълом кард. Дар изҳороти котиби давлатии ИМА Майк Помпео омадааст, Вазорати молия ва Департаменти давлатӣ бар пояи фармоне, ки президент Доналд Трамп имзо кард, метавонанд зидди ниҳодҳои давлатии Туркия ва шахсони алоҳида барои даст доштан дар амалиёте таҳрим эълом кунанд, ки сулҳу субот дар шимоли Сурияро ба ҳам мезанад. Зидди вазоратҳои энерживу дифои Туркия ва раҳбаронашон бо шумули вазири умури дохилии ин кишвар таҳрим ҷорӣ шудааст. Читать дальше...

Валиаҳди Арабистони Саудӣ Муҳаммад ибни Салмон рӯзи душанбе бо президенти Русия Владимир Путин расман дидору гуфтугӯ кард. Бино ба иттилои хабаргузории "SPA"-и Арабистони Саудӣ, ҷонибҳо равобити дуҷониба, ташаннуҷи авзоъ дар Яману Сурияро баррасӣ ва ба зарурати мубориза бо терроризму ифшои манбаъҳои сармоягузории созмонҳои тундрав таъкид карданд. Путин 14 октябр дар пасманзари афзоиши ташаннуҷи авзоъ дар Халиҷи Форс бо мақсади имзои як созишномаи нафтӣ ба Арабистони Саудӣ сафар кард. Кремл гуфт... Читать дальше...

Сооронбой Ҷеенбеков, президенти Қирғизистон рӯзи 14 октябр бо сафари корӣ ба Озарбойҷон рафт. Ҷеенбеков дар саммити Шӯрои ҳамкориҳои кишварҳои туркзабон ширкат мекунад. Дар ин сафар президенти Қирғизистон бо ҳамтои озариаш Илҳом Алиев, бо ҳамтои туркаш Раҷаб Эрдуғон ва президенти пешини Қазоқистон Нурсултон Назарбоев мулоқот хоҳад кард. Ҷеенбековро дар ин сафар шахсони дигари расмии Қирғизистон ҳамроҳӣ мекунанд. Саммити кишварҳои туркзабон 15 октябр баргузор мешавад. Шӯрои ҳамкории кишварҳои туркзабон созмони байналхалқиест... Читать дальше...