Новости за 04.08.2020

(Казан, 4 август, «Татар-информ»). Россиядә автомобиль, мотоцикл һәм башка транспорт чаралары номерлары өчен яңа стандарт үз көченә керде. Бу хакта РИА Новости агентлыгы хәбәр итә. Техник регуляция һәм метрология федераль агентлыгында (Росстандарт) белдерүләренчә, билгеләрнең төп төрләрендәге шрифтлар һәм форматы үзгәрешсез калачак. Шулай да беркетү урыны стандарт булмаган транспортка үз билгесе биреләчәк, дип искәрттеләр ведомствода. Моннан тыш, мотоцикллар өчен табличкаларның зурлыгы киметелгән... Читать дальше...

(Казан, 4 август, «Татар-информ», Эвелина Киселёва). Татарстан мәктәпләре 1 сентябрьдә укучыларны гадәти форматта кабул итәргә әзерләнә. Роспотребнадзорның ТР буенча идарәсе башлыгы урынбасары Любовь Авдонина «Татар-информ» агентлыгында узган матбугат конференциясендә шулай дип белдерде. «Бүгенге вазгыять шундый ки, мәктәпләр яңа уку елыннан гадәти режимда эшләр дип планлаштырабыз, шуның өчен бүгенге көндә аларны әзерләү эшләре бара. Бу хакта җентекләбрәк Татарстан Республикасы Мәгариф һәм фән министрлыгындагы хезмәттәшләребез сөйләячәк. Читать дальше...

(Казан, 4 август, «Татар-информ»). Ташкентта Үзбәкстан Республикасының Югары аттестация комиссиясе утырышы нәтиҗәләре буенча, Болгар ислам академиясе тарафыннан Миродил Хәйдәровка бирелгән ислам фәннәре докторы дипломын тану һәм аны фәлсәфә докторы (PhD) дәрәҗәсенә тиңләү турында карар кабул ителде. Бу турыда Татарстан Диния нәзарәтенең матбугат хезмәте хәбәр итте. Нострификация процедурасын иҗтимагый һәм дини оешмалар белән хезмәттәшлек итү мәсьәләләре буенча Үзбәкстан Президентының Дәүләт киңәшчесе... Читать дальше...

(Казан, 4 август, «Татар-информ», Динара Прокопьева). Татарстан Президенты Рөстәм Миңнеханов Мәскәүдә узачак республика Мәдәнияте көннәрендә катнашу өчен 18 августта Россия башкаласына бара. ТР мәдәният министры урынбасары Дамир Натфуллин ТР Министрлар Кабинетындагы утырышта шулай дип белдерде. «Татарстан Мәдәнияте көннәре 18 августта төгәлләнә, бу көнне Президент катнашында төрле чаралар узачак, шуларның берсе — Мәскәү халыкара музыка йортындагы ТАССРның 100 еллыгына багышланган сәнгать осталары концерты», — диде ул. Читать дальше...

(Казан, 4 август, «Татар-информ», Гөлнар Гарифуллина). 2020 елда Нурлат, Мөслим Биектау районнарында өч бассейн пәйда булачак. Бу хакта Татарстан Министрлар Кабинеты уздырган брифингта республиканың спорт министры Владимир Леонов хәбәр итте. «Республика программалары буенча, бездә боз сарайлары, йөзү бассейннары, универсаль спорт мәйданчыклары төзелә. Татарстанда 85 универсаль спорт мәйданчыгы бар. Быел Буа, Сарман, Мамадыш, Яшел Үзән, Тукай, Кукмара районнарында алты универсаль спорт залы, алты чаңгы базасы төзелә», — диде министр. Читать дальше...

(Казан, 4 август, «Татар-информ», Гөлнар Гарифуллина). Августта Татарстанда дүрт зур манежны файдалануга тапшыру ниятләнә. Бу хакта Татарстан Министрлар Кабинеты уздырган брифингта республиканың спорт министры Владимир Леонов хәбәр итте. «Былтыр ук шундый карар кабул ителгән иде. ТАССРның 100 еллыгы кысаларында, республикада 3 футбол, 1 футбол-регби манежы барлыкка киләчәк. Алар ел әйләнәсендә эшләячәк. Икесе Казанда Чуйков, Танковая урамнарында булачак, Чаллыда һәм Түбән Камада берәр манеж ачылачак», — диде министр. Читать дальше...

(Казан, 4 август, «Татар-информ», Рузилә Мөхәммәтова). Музыка белгече, профессор, фольклорчы галим, Татарстанның атказанган сәнгать эшлеклесе, Габдулла Тукай исемендәге Дәүләт бүләге лауреаты, сугыш ветераны Мәхмүт Нигъмәтҗанов вафат. Бу мәгълүматны галимнең хатыны Альбина ханым раслады. Мәхмүт Нигъмәтҗановка 90 яшь тулган иде. «Соңгы атнада хәле бик авыр иде. Бүген төнлә китеп барды. Иртән Осиново бистәсе зиратына җирләдек. Үзе шулай әйтеп калдырды. Ул зиратта минем әниләр җирләнгән», — диде галимнең тормыш иптәше. Читать дальше...

(Казан, 4 август, «Татар-информ», Динара Прокопьева). Татарстанның уңышы республикада яшәүче һәр кешегә һәм эшкуарга бәйле. Татарстан вице-премьеры Васил Шәйхразиев республика Министрлар Кабинеты утырышында шулай дип белдерде. «Күркәм гадәткә кергәнчә, без ай нәтиҗәләре буенча товар җитештерүчеләргә «ТАССРның 100 еллыгы» мәгълүмати билгесен файдалануны раслый торган сертификатлар тапшырабыз, аларга тагын бер мәртәбә рәхмәт әйтәбез», - диде Шәйхразиев. Ул билгеләп үткәнчә, «ТАССРның 100 еллыгы» логотибы ... Читать дальше...

(Казан, 4 август, «Татар-информ», Гөлнар Гарифуллина). Быел Татарстанның тугыз районында ГТО комплекслары барлыкка киләчәк. Бу хакта ТР Министрлар Кабинетының Чирәмдәге хоккей үзәгендә узган брифингында республиканың спорт министры Владимир Леонов хәбәр итте. «Спорт — тормыш нормасы» федераль проекты кысаларында, Татарстанның тугыз районында «Хезмәт һәм оборонага әзер» (ГТО) комплекслары җиһазландырылачак. Шул рәвешле, быел сентябрьдә Азнакай, Апас, Биектау, Кама Тамагы, Минзәлә, Теләче, Әтнә, Ютазы... Читать дальше...

(Казан, 4 август, «Татар-информ», Эвелина Киселёва). «Александр Суворов» теплоходында коронавирус инфекциясе таралуы ачыкланган, су транспортында Татарстаннан җиде кеше булган. Роспотребнадзорның ТР буенча идарәсе башлыгы урынбасары Любовь Авдонина «Татар-информ» агентлыгында узган матбугат конференциясендә шулай дип белдерде. «Пассажирлар арасында Татарстан Республикасында яшәүчеләр дә бар. Бүген теплоходта пассажирлар юк. Анда экипаж әгъзалары тикшеренү уза. Экипаж да, теплоход та безнеке түгел», - дип искәртте спикер. Читать дальше...

(Казан, 4 август, «Татар-информ», Гөлнар Гарифуллина). «Ак Барс» кара-каршы көрәш сарае, Спортның судагы төрләре сарае, «Ак Барс Арена» стадионы, фигуралы шуу үзәге, пляж спорт төрләре үзәген үз эченә алган спорт паркын булдыру ниятләнә. Бу хакта Министрлар Кабинетының Чирәмдәге хоккей үзәгендә узган брифингында республиканың спорт министры Владимир Леонов сөйләде.  «Без үзенә күрә спорт кластерын булдырырга телибез, киләчәктә спорт паркы булачак. Әле реконструкциялисе, төзекләндерәсе бар. Бу концепцияне презентациягә әзерлибез»... Читать дальше...

(Казан, 4 август, «Татар-информ», Эвелина Киселёва). Татарстанда соңгы тәүлектә Covid-19 коронавирус инфекциясе йоктыруның 29 яңа очрагы ачыкланган. Роспотребнадзорның ТР буенча идарәсе башлыгы урынбасары Любовь Авдонина «Татар-информ» агентлыгында узган матбугат конференциясендә шулай дип белдерде. «Узган тәүлектә республикада яңа коронавирусның 29 очрагы теркәлде. Шул рәвешле, республикада әлеге инфекцияне йоктыручылар 5 мең 723 кешегә җитте», — дип хәбәр итте спикер. Аның сүзләренчә, бер тәүлек... Читать дальше...

(Казан, 4 август, «Татар-информ», Эльвира Зәйнуллина). Татарстанның Тукай районы Башкарма комитеты җитәкчесенең төзелеш, архитектура һәм халыкның тормыш-көнкүрешен тәэмин итү буенча урынбасары Илсөяр Абзалова үз теләге белән вазифасыннан китте. «Илсөяр Абзалова вазифасыннан үз теләге белән китте. Якын көннәрдә яңа кандидат билгеләнәчәк», - дип белдерделәр муниципаль берәмлек Башкарма комитетында. «Татар-информ» агентлыгы Тукай районы Башкарма комитеты җитәкчесен агач кисүгә бәйле афераларда гаепләп тоткарлаулары хакында хәбәр иткән иде инде.

(Казан, 4 август, «Татар-информ», Полина Шевчук). Казанда ике җиңел автомобиль бәрелешү нәтиҗәсендә бала зыян күргән. Бу хакта «Татар-информ» агентлыгына әлеге аварияне күргән кешеләр сөйләде. Алар әйтүенчә, авария бүген иртән иртәнге тугызынчылар киткәч Мамадыш трактында булган. Биредә бер җиңел автомобиль икенчесен «куып» җиткән. Ике машинага да җитди зыян килгән. Көмеш төсендәге автомобиль кузовының алгы өлеше ватылган, капоты һәм бамперы изелгән. Ак төстәге машинаның исә арткы тәрәзәсе коелып төшкән һәм бамперы яньчелгән. Читать дальше...

(Казан, 4 август, «Татар-информ»). Россиялеләрнең курортлардан әйләнеп кайтуы яңа төрдәге Covid-19 коронавирус инфекциясенең кабат таралуына сәбәпче булырга мөмкин. Россия халыклар дуслыгы университетының йогышлы авырулар кафедрасы мөдире Галина Кожевникова шулай дип белдерде. Бу хакта «Известия» газетасы яза. Сентябрь аенда инфекция йоктыручыларның артуы ихтимал. Эксперт сүзләренчә, Россия курортларында профилактика чараларын үтәмәү шуңа китерергә мөмкин. «Әмма үсеш сизелерлек булмаячак. Биредә... Читать дальше...

(Казан, 4 август, «Татар-информ», Полина Шевчук). Татарстанда Мәскәүдән килүче автомобиль трассадан читкә чыккан һәм әйләнеп капланган, шоферы һәлак булган. Бу хакта «Татар-информ» агентлыгына әлеге аварияне күргән кешеләр сөйләде. Алар әйтүенчә, авария кичә иртәнге унберләр тирәсендә республиканың Апас районында булган. Мәскәү номерлары куелган «Шевроле Нива», зур тизлектә хәрәкәт итү нәтиҗәсендә идарәсен югалтып, трассадан читкә чыккан һәм әйләнеп капланган. «Без шунда ук шоферга ярдәмгә ашыктык. Читать дальше...

(Казан, 4 август, «Татар-информ», Ксения Перепеченова). ТР Хөкүмәте, татарстанлыларга дәүләт һәм муниципаль сервислардан файдалану уңайлырак булсын өчен, клиентларга үзәктән цифрлы хезмәтләр күрсәтү буенча дәүләт мәгълүмат системасын яңартырга ниятли. Әлеге эшләрне башкаручыны бәйге нәтиҗәләре буенча табу күздә тотыла. Шул хактагы карарны ТР Министрлар Кабинеты бастырып чыгарган. «Системаны яңартуның максаты, цифрлы технологияләр кулланып, Татарстан Республикасында дәүләт муниципаль хезмәтләр күрсәтүнең... Читать дальше...

(Казан, 4 август, «Татар-информ», Рифат Каюмов). Татарстан мәктәпләре яңа уку елында балаларны кабул итәргә әзерләнә. Куркынычсызлык һәм саклану чаралары эпидемиологик вәзгыятькә нигезләнеп көчәйтеләчәк. Бу хакта «Татар-информ» агентлыгына ТР Мәгариф һәм фән министрлыгы матбугат хезмәте җитәкчесе Алсу Мөхәммәтова хәбәр итте. «Махсус җиһазлар таләп итмәгән дәресләрдән кала, барлык башка фәннәрне һәр сыйныф үзенә беркетелгән кабинетта гына үзләштерәчәк. Балалар арасында контактларны киметү максатыннан... Читать дальше...

(Казан, 4 август, «Татар-информ», Гөлнар Гарифуллина). Бүгеннән Татарстанда барлык спорт мәктәпләре эшен башлый. Бу хакта ТР Министрлар Кабинетының Чирәмдәге хоккей үзәгендә уза торган брифингында республиканың спорт министры Владимир Леонов әйтте. «Спорт мәктәпләре тиешле куркынычсызлык нормаларын үтәп, эшкә керешәчәк. Бу күптән көтелгән яңалык», — диде ул. Владимир Леонов Татарстанда «Спорт — тормыш нормасы» федераль проектын гамәлгә ашыру сөйләде. Аның төп максаты — 2024 елга Россиядә физик... Читать дальше...

(Казан, 4 август, «Татар-информ», Полина Шевчук). Казанның Үзәк универмагы янында Россиядә беренче хатын-кызлар парковкасы ачылды. «Үзәк универмаг» сәүдә үзәгенең үсеш һәм арендаторлар белән эшләү бүлеге башлыгы Михаил Шутов «Татар-информ» агентлыгына шулай дип белдерде. Михаил гүзәл затлар өчен каралган мондый парковканы Европада күреп кайткан, анда мондый паркинглар белән беркемне дә гаҗәпләндерә алмыйсың. Аның башка парковкалардан төп аермасы — машина кую урынының киңрәк булуында. Әгәр гадәти парковканың киңлеге 2,5 метр тәшкил итсә... Читать дальше...

(Казан, 4 август, «Татар-информ»). Татарстан укучыларын «Мәктәп, мин сине сагынам!» дигән Бөтенроссия рәсемнәр бәйгесендә катнашырга чакыралар. Гариза бирү кампаниясе 28 августка кадәр дәвам итәчәк, дип белдерә оештыручылар. Конкурста гомуми белем бирү учреждениеләре, сәнгать, якшәмбе мәктәпләрендә укучылар, гаиләгә йөз тоткан иҗтимагый оешмаларда тәрбияләнүчеләр (6 яшьтән 14 яшькә кадәрге балалар) үз көчләрен сынап карый ала. «Мәктәп, мин сине сагынам!» дигән Бөтенроссия рәсемнәр бәйгесе укучыларның иҗади сәләтләрен ачу... Читать дальше...

(Казан, 3 август, «Татар-информ»). Нурлат шәһәрендә Куйбышев урамы, 48 адресы буенча ишегалды якын арада үзгәрәчәк. Биредә «Безнең ишегалды» президент программасы кысаларында төзекләндерү планлаштырыла. Бу хакта «Дружба» газетасы яза. Бу көннәрдә йортта яшәүчеләр законсыз төзелеш корылмаларын җимерү белән мәшгуль. Программада катнашучыларның күпчелеге бу мәсьләне мөстәкыйль рәвештә хәл итә. Алар корылмаларны сүтә һәм аларны махсус техника белән озата. Якын арада капиталь ремонт тәмамланачак йортта яшәүчеләр сөенечләрен яшерми. Читать дальше...

(Кукмара, 4 август, «Татар-информ», « Хезмәт даны», Алсу Сәләхетдинова). Кукмараның үзәкләштерелгән китапханәсендә капиталь ремонт төгәлләнеп килә. Төзекләндерү өчен 18 миллион сумнан артык акча сарыф ителә. Бу турыда район басмасы хәбәр итә. «Азат Нәбиев җитәкчелегендәге „Домострой“ оешмасы егетләре 10 мартта эшкә тотындылар, ә инде август башларында төгәлләргә планлаштыралар. Мин аларның хезмәтеннән бик канәгать. Төзекләндерү 18 миллионнан күбрәк сумга төшә, 3 миллион 700 мең сумлык җиһаз (укучылар өчен ноутбуклар... Читать дальше...

(Казан, 4 август, «Татар-информ»). Чистайда 3 августтан «Яшел фитнес-2020» проекты кысаларында шәһәр халкы өчен яшел парклар, скверлар һәм Кама яр буе мәйданчыкларында бушлай тренировкалар башланды. Бу хакта «Чистопольские известия» хәбәр итә. Бу атнада чистайлылар Скарятин паркында һәм Кама яр буенда («Ракушка») тренировкаларга кушыла алалар. Профессиональ тренерлар Инна Төхвәтуллина, Елена Лукина, Лариса Лихачева сальса биергә өйрәтәчәкләр, йога буенча һәм башка дәресләр үткәрәчәкләр. Расписание... Читать дальше...

(Казан, 4 август, «Татар-информ»). 5 августта Кәрим Тинчурин исемендәге театр ачык һавада спектакльләр күрсәтә башлаячак. Татар дәүләт драма һәм комедия театры артистлары беренче тапкыр үз тамашачылары өчен мондый форматта уйнаячак. Моның өчен театр ишегалдында махсус сәхнә җиһазландырылган. Бу хакта ТР Мәдәният министрлыгының Матбугат хезмәте хәбәр итә.  Ачык һавада куелган һәр спектакльне бер үк вакытта йөз кеше карый алачак. Тамашачылар иминлеге өчен 1,5 метрдан да ким булмаган дистанция сакланачак, урыннар шахмат тәртибендә урнашачак. Читать дальше...