Новости за 02.03.2024

Россиядә махсус хәрби операция катнашучылар өчен «Время героев» кадрлар программасы сайты эшли башлады. времягероев.рф порталы 1 мартта Мәскәү вакыты белән 18.00 сәгатьтә эшли башлады. Моңа кадәр Кремльнең рәсми вәкиле Дмитрий Песков шулай дип белдергән иде.

Бүген, 2 мартта, Татарстанда көндез антициклон йогынтысы нәтиҗәсендә җылы һава торышы көтелә. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

2023 елда Татарстанның Экология һәм табигать ресурслары министрлыгы гражданнардан килгән 11 844 мөрәҗәгатьне караган, аларның яртысыннан күбрәге – 6 297 – «Мәктәп экопатруле» системасы аша кабул ителгән. Әлеге хәл мәктәп укучыларының әйләнә-тирә мохитне саклау мәсьәләләрендә активлыгын күрсәтә. Бу хакта, үткән елда күзәтчелек өлкәсендәге эшчәнлеккә нәтиҗә ясаганда, ТР экология һәм табигать ресурслары министрының беренче урынбасары – әйләнә-тирә мохитне саклау өлкәсендә ТР баш дәүләт инспекторы Илнур Гобәйдуллин сөйләде. Читать дальше...

Әлмәт районында Иске Михайловка авылы халкы волонтер Гөлшат Фәттахова җитәкчелегендә ике көн эчендә 200 кг парафиннан 700 банка блиндаж шәм ясады. Тиздән аларны хәрбиләргә җибәрәчәкләр. Бу хакта «Әлмәт таңнары» яза.

Балтач урта мәктәбенең 6нчы сыйныф укучылары һәм әти-әниләренең уртак проекты кысаларында Балтач мәдәният үзәгендә хәйрия концерты булды. Бу хакта «Хезмәт» сайтында хәбәр ителә.

Пермь краеның Березники шәһәрендә кызлар арасында бокс буенча Идел буе федераль округы чемпионаты һәм беренчелеге узды. Ярышта Татарстан җыелма командасы 9 алтын, 6 көмеш, 7 бронза медале яулады. Бу хакта 3нче комплекслы спорт мәктәбенә сылтама белән «Заман сулышы» яза.

Кукмара район башлыгы Сергей Димитриев «Алдынгылар хәрәкәте» активистлары белән очрашты. Анда «Беренчеләр хәрәкәтенең Татарстан буенча төбәк бүлекчәсе баш белгече, балалар лагерьлары буенча җаваплы Елена Шашина да бар иде. Бу хакта «Хезмәт даны» хәбәр итә.

Чаллы мэры Наил Мәһдиев вакытлыча ялга кайткан хәрбиләр белән очрашты. Иң беренче ул аларның һәркайсына кул биреп исәнләшеп чыкты. Бу хакта «Шәһри Чаллы» хәбәр итә.