Новости за 08.03.2024

Татарстан Рәисе Рөстәм Миңнеханов республика хатын-кызларын Халыкара хатын-кызлар көне белән котлады.

8 март – Халыкара хатын-кызлар көненә «СалаваTik» төркеменең өченче составы яңа җыр тәкъдим итте. Интернет киңлекләрендә «Әни-әнием!» җырына «СалаваTik»ларның 60нчы клиплары дөнья күрде. Җырның авторы – Резеда Гобәева, көен танылган композитор, Татарстанның атказанган сәнгать эшлеклесе Эльмир Низамов иҗат иткән.

Татарстанның Дәүләт Киңәшчесе Минтимер Шәймиев 8 Март – Халыкара хатын-кызлар көне белән котлады.

Татарстан Республикасы Рәисе Рөстәм Миңнеханов 8 Март – Халыкара хатын-кызлар көне белән котлады.

Зәйдә район һәм шәһәр Советларының берләштерелгән 38нче сессиясе алдыннан күңелле вакыйга булды. Анда яшь гаиләгә торак шартларын яхшырту өчен социаль түләү алуга таныклык тапшырылды. Бу хакта «Зәй яңалыклары» хәбәр ителә.

Балтач хәрбиләре махсус хәрби операция зонасында өч көндә мунча күтәргән. Алар райондашларына мич өчен рәхмәт белдергән. Бу хакта «Хезмәт» сайтында хәбәр ителә.

Кукмара районы Никахлашу сараенда 50 ел бергә гомер итүче парлар - Равия һәм Мәхмүт Тимергалиевлар, Гүзәлия һәм Габделхак Кәримовларны хөрмәтләү тантанасы узды. Бу хакта «Хезмәт даны» хәбәр итә.

Лениногорскидагы Балалар сәнгать мәктәбенә нигез салучы ТАССРның атказанган сәнгать эшлеклесе, ТАССРның халык рәссамы Мәснәви Хәертдиновның 100 еллыгына багышланган чаралар циклы Лениногорск Балалар сәнгать мәктәбендә башланып китте. Хатирәләр, истәлекләр белән тулы очрашу мәктәптә үтте.

Әлмәт районы башлыгы Тимур Нагуманов коммуналь хезмәтләрнең эшен каты тәнкыйтьләде. Моңа идарәче компанияләр һәм башка шәһәр хезмәтләре тарафыннан халыкны алдау фактлары сәбәп булып тора. Бу хакта «Әлмәт таңнары» хәбәр итә.