Новости за 17.03.2024

Татарстанның Нурлат районында Россия Президентын сайлауда Миңнуллин-Латыйповлар күп балалы гаиләсе тавыш биргән. Алар 1578 нче сайлау участогына килгән.

Ил буенча Россия Президентын сайлауда катнашучылар саны 60 процентка җитте. Үзәк сайлау комиссиясе туры эфирда трансляцияли торган тавыш бирү барышы турында мәгълүматлар шул хакта сөйли.

Россиядә бүген Президент сайлауның өченче көне. Татарстанда сайлау процессы бырышы турында ТНВ да «Гаилә белән сайлыйбыз» телемарафоны эфирында Татарстанның Үзәк сайлау комиссиясе рәисе Андрей Кондратьев сөйләде.

Бүген, 17 мартта, Татарстанда җылы һава торышы саклана, ул карның акрын гына эрүенә ярдәм итәчәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәрендә әйтелә.

Көньяк Осетия Россиягә кушылу мәсьәләсе хакында Мәскәү белән тыгыз элемтәдә фикер алыша. Бу хакта РИА Новости агентлыгы ил парламенты башлыгы Алан Алборовка сылтама белән хәбәр итә.

Балачакта эшләнә торган кечкенә сайлаулардан тавыш бирүгә җаваплы мөнәсәбәт формалаша. Бу хакта Татарстанда «Беренчеләр хәрәкәте» җитәкчесе һәм Татарстан Рәисе ярдәмчесе Тимур Сөләйманов әйтте.

Россия Президентын сайлауның соңгы көнендә Татарстанда «Гаилә белән сайлыйбыз!» онлайн-марафоны старт алды.

Саба районының Лесхоз бистәсендә гомер кичерүче 96 яшьлек Бибинәфисә Габдрахман кызы Мифтахова Россия Президентын сайлауларга үзе килә алуына шатлана. Бу турыда «Саба ТВ» хәбәр итте.

Бүген сайлауларның өченче көне. Чаллыда тавыш бирүчеләр арасында 18 яшен тутырган Элина Нуриәхмәтова бар. Аның бу сәяси чарада беренче тапкыр катнашуы. Бу турыда «Шәһри Чаллы» яза.

Спас тармак технологияләре техникумы студентлары беренче тапкыр сайлауларда тавыш бирделәр. Бу турыда «Яңа тормыш» район басмасы хәбәр итте.

18 мартта «Иң яхшы татар теле һәм әдәбияты укытучысы» Бөтенроссия бәйгесенең соңгы этабы башлана. Бу турыда Татарстан Республикасы Мәгариф һәм фән министрлыгы хәбәр итте.

Зәй районы Аксар авылында авыл хуҗалыгы тармагында озак еллар җитәкче вазифасында хезмәт куеп, зур уңышларга ирешкән Фәйрүзә апа Әхмәтова Россия Президентын сайлауларга ишле гаиләсе белән килде. Ягъни алар дүрт буын вәкиле мөһим сәяси вакыйгада катнашты. Бу хакта «Зәй яңалыклары» сайтырнда хәбәр ителә.

Бүген, 17 мартта, бөтен Россиядә, шул исәптән Татарстанда, Россия Президентын сайлауның өченче, йомгаклау, көне башлана. 8.00 сәгатькә республикада 2767 сайлау участогы ачыла (шул исәптән вакытлыча 45 участок), алар 20.00 сәгатьткә кадәр эшли.

Төркиядә яшәп иҗат итүче журналист, язучы Айзирәк Гәрәева-Акчура «Татар журналисты» сәхифәсендә биргән әңгәмәсендә Төркия журналистларының эшчәнлеге белән таныштырды.

Әлмәт кешесе Альберт Җәләтдинов «Татарстан Республикасының иң яхшы яшь галиме – 2023» конкурсында иң яхшысы булды. Нефть югары мәктәбенең фәнни-техник тикшеренүләр үзәге башлыгы жюрига үз эшләнмәсен – бетонның яңа төрен тәкъдим итте. Бу хакта «Әлмәт таңнары» хәбәр итә.

Әгерҗе районы Сарсак-Омга авылының «Зарни сизьыл» удмурт халык ансамбле үз сайлау участогына тулы состав белән диярлек килде. Бу хакта «Әгерҗе хәбәрләре» яза.

Аксубайның В.Г.Тимирясов исемендәге урта мәктәбе мәйданчыгында яшь шигырь укучыларның район бәйгесе узды. Ел саен «Тере классика» фонды тарафыннан оештырыла торган Бөтенроссия бәйгесенең муниципаль этабында мәктәп этабында җиңүчеләр катнашты. Бу хакта «Авыл таңнары» хәбәр итә.

Апастан Лилия һәм Җәмил Насыйровлар иң беренчеләрән булып сайлауларда катнашкан. Бу хакта «Апастово-информ» хәбәр итә.