Новости за 24.03.2024

«Крокус Сити Холл»да теракт нәтиҗәсендә зыян күрүчеләр саны 154 кешегә җитте. Бу хакта ТАСС Мәскәү өлкәсе Сәламәтлек саклау министрлыгына сылтама белән хәбәр итә.

Россиянең барлык мәгариф учреждениеләре яңа уку елыннан үз биналарына һәм территорияләренә РФ дәүләт әләмен урнаштырырга тиеш булачак. Бу законны Россия Президенты Владимир Путин имзалады.

Гадәттән тыш хәлләр министрлыгының соңгы мәгълүматлары буенча, «Крокус Сити Холл»да теракт вакытында зыян күрүчеләр саны 152 кешегә кадәр арткан, хәзерге вакытта 133 кеше һәлак булган санала. Бу хакта ТАСС ведомствога сылтама белән хәбәр итә.

Россия мөселманнарының Диния нәзарәте лидеры Мөфти Шәех Равил Гайнетдин яшь герой - 15 яшьлек Ислам Хәлиловны мөселманнарның югары бүләгенә тәкъдим итте. Ул теракт вакытында «Крокус Сити Холл» бинасыннан 100дән артык кешене алып чыккан. Бу хакта Россия Мөфтиләр шурасы хәбәр итә.

Африканың кайбер илләре лидерлары «Крокус Сити Холл» концерт залындагы теракт белән бәйле кайгы уртаклашу белдерде. Телеграммалар текстын ТАСС бастырды.

Кичә кич коткаручылар «Крокус Сити Холл»дагы теракт урынында коткару операциясен төгәлләде, эзләү эшләре дәвам итә. Бу хакта Мәскәү өлкәсе губернаторы Андрей Воробьев телеграм-каналында хәбәр итте.

«Крокус Сити Холл»да теракт сәбәпле, Сербия Республикасы Президенты Милорад Додик, Россия халкына теләктәшлек белдереп, 24 мартны матәм көне дип игълан итү карары турында белдерде. Бу хакта ул Х социаль челтәрендә (РФ территориясендә блокировкаланган элеккеге Twitter социаль челтәре) язган.

24 мартта Мәскәү өлкәсе Красногорск шәһәрендә «Крокус Сити Холл» концертлар залында теракт сәбәпле, Никарагуада, Россия халкына теләктәшлек белдереп, 24 март матәм көне дип игълан ителгән. Бу хакта ТАСС хәбәр итә.

Гадәттән тыш хәлләр министрлыгы «Крокус Сити Холл»да булган теракт аркасында һәлак булганнарның яңа исемлеген бастырды. Исемлектә 29 исем бар.

Бүген Татарстанда болытлы һава торышы булачак, көндез аязучан болытлы һава көтелә. Көндезге температура нульдән югарырак фаразлана, дип хәбәр итә Гидрометүзәкнең матбугат хезмәте.

Бүген, 24 мартта, Россиядә Мәскәү янындагы «Крокус Сити Холл» концерт залында теракт сәбәпле илдә матәм көне уза.

Теләче мәдәният йорты базасында район кешеләре белән мәдәният хезмәткәрләре махсус хәрби операциядә катнашучыларга ярдәм эшен дәвам итә. Бу көннәрдә кыр шартларында ашау ризыгына ихтыяҗ булган коры аш җыелмалары тутырыла. Бу хакта «Теләче-информ» хәбәр итә.

Әлки районында Туган телләрне саклау комитеты чираттагы утырышында мәктәпләрдә ана телен үзләштерү, ана телендә тәрбия бирү мәсьәләсен тикшерде. Комитет утырышын район башлыгы Александр Никошин алып барды. Бу хакта «Әлки хәбәрләре» яза.

Ютазы авылының «Фәтех» мәчетендә ифтар мәҗлесе уздыa. Ел саен ураза вакытында Ютазы авылы мөселманнарының бәйрәм табыны оештыруы күркәм гадәткә әверелде. Бу хакта «Ютазы таңы» хәбәр итә.