Аба ырайы: айрым аймактарда жаан жаайт

3-сентябрда Кыргызстандын аймагында түнкүсүн жаан-чачын болбойт. Күндүз Ысык-Көл, Нарын облустарынын айрым жерлеринде, Ош облусунун тоо этектеринде жана тоолуу райондорунда, Чүй, Жалал-Абад, Баткен облустарынын тоолуу райондорунда жаан жаап, күн күркүрөйт. Ош облусунун өрөөндөрүндө, Чүй, Жалал-Абад, Баткен облустарынын дыйканчылык аймактарында жана Талас облусунда жаан жаабайт. Батыштан соккон шамалдын ылдамдыгы секундасына 4-9 метрге жетет.

Абанын температурасы:

Чүй өрөөнүндө түнкүсүн 11…16, күндүз 23…28,

Талас жергесинде түнкүсүн 7…12, күндүз 21…26,

Баткен, Ош, Жалал-Абад аймактарында түнкүсүн 12…17, күндүз 26…31,

Ысык-Көл дубанында түнкүсүн 9…14, күндүз 21…26,

Нарын облусунда түнкүсүн 7…12, күндүз 22…27,

Бийик тоолуу аймактарда түнкүсүн -2…+3, күндүз 10…15.

Бишкекте жаан жаабайт. Абанын температурасы түнкүсүн 14…16, күндүз 26…28 градус жогору болот.