Русия ба Қирғизистон 40 мошини оташнишонӣ дод
Вазорати ҳолатҳои фавқулодаи Русия хабар дод, ки ин кишвар ба Қирғизистон 40 мошини оташнишонӣ додааст. Маросими расмии қабули ин мошинҳо 1 март дар шаҳри Бишкек баргузор мешавад. Мошинҳо дар асоси созиши президентҳои ду кишвар ҳамчун грант тақдим карда шудаанд. Президенти Қирғизистон Содир Ҷабборов 1 феврал 100 техникаеро, ки аз сӯи Чин ҳамчун грант пешниҳод шуда буданд, ба Вазорати ҳолатҳои фавқулодаи кишвараш тақдим кард. 85 тои он мошини оташнишонӣ буд.