Ширкати ”Сомон эйр” эълон кард, ки парвозҳои мустақимро аз Душанбе ва Хуҷанд ба Ҷиддаи Арабистони Саудӣ оғоз мекунад. Бархе аз сокинон барои анҷоми Ҳаҷи умра ба Арабистон мераванд. Онҳо аз гарон будани нархи билети ширкатҳои дохилӣ шикоят мекунанд ва парвоз аз кишварҳои ҳамсояро арзонтар медонанд.
Дар Тоҷикистон имрӯз 8-уми март, рӯзи байналмилалии занонро ҳамчун Рӯзи модар таҷлил мекунанд. Занон аз қишри осебпазири ҷомеа ба ҳисоб мераванд. Бекорӣ, дур мондан аз таҳсил ва издивоҷи маҷбурӣ аз ҷумлаи мушкилиҳои занон аст. Вале зиёданд заноне, ки қолашбшиканӣ карда, зиндагии худро месозанд.
Қонунҳо ба занон нисбат ба мардон ҳуқуқи баробар додаанд, вале арзишҳои динӣ, анъанапарастӣ ва хурофот сабабҳое мебошанд, ки занони тоҷикро дар сатҳҳои гуногун бо бархурдҳои носозгоре рӯ ба рӯ месозанд.
Дар Тбилиси (Тифлис), пойтахти Гурҷистон, даҳҳо нафарро боздошт карданд. Онҳо ба зидди қонун дар бораи “агенти хориҷӣ” эътироз доштанд, аммо ба “авбошӣ” муттаҳам шуданд.
Боздошти мудири як шуъбаи маориф дар Тоҷикистон ба иттиҳоми ришвахорӣ баҳси таъини афроди номуносибро ба мансабҳои давлатӣ дар шабакаҳои иҷтимоӣ доғ кард.
Пайвандони рӯзноманигор Хуршед Фозилов гуфтанд, ӯро маъмурони амниятӣ дар шаҳри Панҷакент дастгир кардаанд.
Ду созмони байнулмилалӣ ҳукумати Тоҷикистонро барои бастани як созмони ҳомии ҳуқуқ сахт танқид карда, аз он хостаанд, қарорашро беэътибор кунад.
Бонки миллии Русия маҳдудияти гирифтани доллару евро ва асъори дигари хориҷии нақдро то шаш моҳи дигар дароз кардааст.
Шаш мардро дар Эрон ба гуноҳи куштани чаҳор нафар, аз ҷумла як сарбоз ва ду узви гуруҳи ниманизомии Басиҷ, ба қатл маҳкум кардаанд.
Додгоҳи ноҳияи Хуросони вилояти Хатлон як сокини ин ноҳияро бо иттиҳоми мубодилаи ғайриқонунии асъор ҷарима кардааст. Додситони кулли Тоҷикистон хабар дод, ки Саидаҳмад Сайдуллоев дар бозори "Уялӣ”-и ноҳияи Хуросон нуқтаи саррофӣ таъсис дода, ғайриқонунӣ ба хариду фурӯши асъори миллию хориҷӣ машғул шудааст. Ба гуфтаи манбаъ, Саъдуллоев ҳангоми иваз намудани доллари амрикоӣ бо асъори миллӣ-сомонӣ боздошт шудааст. Додгоҳ алайҳи Саъдуллоев бар асоси моддаи 286 парванда боз кардааст. Ҳамакнун ба гуфтаи додгоҳ... Читать дальше...
Оё дар ҳақиқат зани тоҷик “паршикаста”-ву “мушти пар” аст? Оё “Фариштамоҳи зебову доно” низ дорем? Чӣ гуна маърифати зани тоҷик бар зулму ҷаҳолат пирӯз гашт? Муаммои “макри зан” ба чӣ маъност ва кӣ сазовори ҳамсарӣ бо зани тоҷик аст? Чаро агар ҷавонони тоҷик бесавод монанд, аз зан маҳрум мешаванд?
Дастаи мунтахаби футболи ҷавонони то 20-солаи Тоҷикистон дар марҳилаи ниҳоии Ҷоми Осиё-2023 дар бозии охиринаш дар гурӯҳи «С» имрӯз, 8-уми март, дар Тошканд бо тими Кореяи Ҷанубӣ рақобат мекунад. Ин бозӣ дар варзишгоҳи «Бунёдкор» соати 17:00 оғоз меёбад.
Ҳар сол 8-уми март дар Тоҷикистон "Рӯзи модар" таҷлил мешавад. Дар остонаи ин рӯз хабарнигори Радиои Озодӣ аз раҳгузарон дар хиёбонҳои Душанбе пурсид, ки барои занону модарон чӣ паём ва орзуҳо доранд?
Ширкати ҳавопаймоии "Сомон Эйр" аз оғози парвозҳои мустақими доимӣ дар масири Душанбе-Ҷидда-Душанбе ва Хуҷанд-Ҷидда-Хуҷанд, хабар дод. Парвозҳо аз шаҳри Душанбе ба Арабистони Саудӣ ҳафтае ду маротиба ва аз шаҳри Хуҷанд ҳафтае як бор анҷом мешавад. Масъулин мегӯянд, ки парвоз дар ин масир 5 соатро дар бар мегирад. Ширкати "Сомон Эйр" гуфт, нахустин парвоз аз Душанбе ба Ҷидда рӯзи 9-уми март сурат мегирад. "Сомон эйр" парвозҳоро аз пойтахти Тоҷикистон ба шаҳри Ҷидда рӯзҳои панҷшанбе ва якшанбе анҷом медиҳад. Читать дальше...
Бар асари таркиш дар як бинои идорӣ дар як минтақаи тиҷорӣ дар шаҳри Дакка, пойтахти Бангладеш, 17 нафар ҷон бохта, даҳҳо тани дигар захмӣ шуданд. Таркиш баъд аз чошти рӯзи сешанбеи 7-уми март дар ошёнаи чаҳоруми як бинои ҳафттабақа рух додааст. Як мақоми Вазорати корҳои дохилии Бангладеш ба расонаҳо гуфтааст, ки дар натиҷаи ин ҳодиса 17 кушта ва беш аз 100 тани дигар захмӣ шудаанд. Ба гуфтаи пулис сабаби таркиш то ҳанӯз маълум нест ва таҳқиқот идома дорад. Оташсӯзӣ ва таркишҳои маргбор дар сохтмонҳо дар Бангладеш як амри роиҷ аст... Читать дальше...
Президенти Узбекистон Шавкат Мирзиёев 6-уми март дар робита ба пешниҳодҳо барои ворид кардани тағйиру иловаҳо ба Конститутсия, бо вакилони порлумон ва раҳбарияти Додгоҳи олии ин кишвар мулоқот кардааст. Хадамоти матбуотии президенти Узбекистон иттилоъ дод, ки вакилони порлумони он кишвар беш аз 200 ҳазор пешниҳоди ҷомеаро омӯхта, таҷрибаҳои байналмилалиро низ ба инобат гирифтаанд. Дар натиҷаи омӯзиши пешниҳодҳо гузинаи ниҳоии лоиҳаи қонун дар бораи ворид кардани тағйирот ба Конститутсияи Узбекистон таҳия шудааст. Читать дальше...