Türkmenistanda dowam edýän ykdysady kynçylyklaryň fonunda, Aşgabadyň iri gurluşyk taslamalary boýunça türkmen hökümeti bilen şertnama baglaşan käbir daşary ýurtly kompaniýalar hökümetiň tölege ukypsyzlygy sebäpli özlerine tabşyrylan gurluşyklara henizem girişmedi.
Maý aýynyň 16-na Yslam äleminiň aglaba ýurtlarynda bolşy ýaly Türkmenistanda hem oraza başlandy. Muňa gabatlap, ýurduň köp ýerlerinde çagalar gapyma-gapy aýlanyp, "ýaremezan" aýdýarlar. Ýaşaýjylar "ýaremezançylara" süýji-köke, käte pul paýlaýarlar.
Aşgabadyň häkimiýetleriniň we milli habar beriş serişdeleriniň bu tebigy ýagdaý we onuň netijeleri barada dymýan wagtynda Azatlygyň habarçylarynyň maglumatlaryna we sosial mediada peýda bolan wideo ýazgylara görä, birnäçe gün bäri dowam edýän ýagyşlaryň netijesinde Aşgabadyň birnäçe merkezi köçesini we onlarça binany suw alypdyr. “Güýçi ýagyş tas bir hepde bäri ýagýar. Edil häzir ýaganok, emma töwerekdäki daglaryň daşy bulutly görünýär, agşamara ýene ýagjaga meňzeýär. Düýn we öňňin örän güýçli ýagdy, toprak suwy çekip bilmän suw ýygnandy. Читать дальше...
Eýran bilen dünýäniň iň kuwwatly ýurtlarynyň arasynda gelnen ýadro ylalaşygyny ýatyrmak ýalňyş bolardy diýip, 16-njy maýda nemes kansleri Angela Merkel aýtdy. Şeýle-de, ol Birleşen Ştatlaryň bu ylalaşykdan çykmagynyň ýakynda ýaýran “howsalaly habarlaryň” biri bolandygyny hem sözüniň üstüne goşdy.
Moskwanyň Krymy anneksiýa etmegine garşy çykyş eden we häzirki wagt Orsýetde türmede saklanýan ukrainaly kinorežissýor Oleh Sentsow rus tussaghanalarynda saklanýan ähli ukrain raýatlarynyň azatlyga goýberilmegini talap edip, açlyga başlaýandygyny yglan etdi. Sentsow öz eli bilen ýazyp, aklawçysy Dmitriý Dinze beren hatynda açlyga 14-nji maýda başlandygyny aýdýar. “Orsýetiň territoriýasyndaky ukrainaly ähli syýasy tussaglaryň boşadylmagy – meniň muny soňlamagymyň ýeke-täk şertidir. Soňuna çenli bilelikde! Читать дальше...
Orsýetde okaýan türkmenistanly studentleriň arasynda maddy kynçylyklar sebäpli gazanç etmäge mejbur bolýanlaryň sany köpelýär. Azatlyk Radiosynyň Orsýetdäki habarçylarynyň sözlerine görä, şu günki gün Orsýetiň Astrahan regionynyň ýokary okuw jaýlarynda bilim alýan türkmenistanly ýüzlerçe student oba hojalyk işleri üçin ekin meýdanlaryna çykdy. Читайте также на русском Azatlyk Radiosynyň habarçylarynyň sözlerine görä, ekin meýdanlaryndaky işler bu regionda okaýan türkmenistanly ýaşlar üçin elýeterli köp bolmadyk gazanç çeşmeleriniň biridir... Читать дальше...
Owganystanyň hökümet güýçleri “Talybany” ýurduň Eýran bilen serhediniň golaýynda ýerleşýän günbatar Farah welaýatynyň paýtagty Farah şäherinden gysyp çykardy diýip, owgan resmisi aýdýar. 16-njy maýda Farah welaýatynyň häkimi Abdul Basir Salangi Farah şäherindäki çaknyşyklarda “Talyban” toparynyň 300-den gowrak söweşijisiniň öldürilendigini aýtdy. Şeýle-de, ol hökümet güýçleriniň 25 agzasynyň hem heläk bolandygyny belledi. Salangi ýaşaýjylaryň şäheri arassalamaga, şol sanda “Talyban” toparynyň... Читать дальше...
Geçen hepde Parižde bäş adamy pyçaklandygy aýdylandan soň, polisiýa tarapyndan atylyp öldürilen Hamzat Azimowyň ene-atasy iki gün tussaglykda saklanandan soň azatlyga goýberildi diýip, fransuz resmileri aýtdy. 15-nji maýda giçlik sud resmisi “häzirki tapgyrda 20 ýaşyndaky Azimowyň ejesi bilen kakasyny aýyplaýjy elementleriň ýoklugy” sebäpli, olaryň goýberilendigini aýtdy. Fransuz raýatlygyny alan Azimow Çeçenistanda doglandyr. Fransuz resmileri Azimowyň ejesiniň we kakasynyň şahsyýetini köpçülige mälim etmediler. Читать дальше...
15-nji maýda Özbegistanyň prezidenti Şawkat Mirziýoýew resmi iş sapary bilen Amerikanyň Birleşen Ştatlaryna bardy. Waşingtondaky “Endrýus” aeroportynda Mirziýoýewi we onuň aýalyny Birleşen Ştatlaryň hökümet agzalary garşy aldy.
Orsýetiň prezidenti Wladimir Putin hökümetiň düzümini täzelemek baradaky permana gol goýdy. Bu perman, 15-nji maýda Putin premýer-ministr Dmitriý Medwedew bilen duşuşandan soň çap edildi. Kremliň websaýtynda çap edilen permana görä, Bilim we ylym ministrligi iki aýry ministrliklere bölüner. Umumy bilim ministrligi – umumy bilim berýän mekdeplere we orta hünärment mekdeplerine gözegçilik eder. Ylym we ýokary bilim ministrligi – uniwersitetleriň we ylmy barlag institutlarynyň işlerini sazlaşdyrar. Читать дальше...