Садҳо нафар рӯзи шанбе ба зидди нақшаи муттаҳидшавии Беларус бо Русия дар Минск тазоҳурот карданд. Афроди норозӣ дар даст шиор, парчами нахустини Беларус ва Иттиҳоди Аврупоро доштанд. Ин бузургтарин тазоҳуроти бе иҷоза дар ин кишвари пасошӯӯравӣ аст. Бар асоси гузоришҳо, ба маъмурмон пулис дастур шудааст, ки аз боздошти эътирозгарон худдорӣ варзанд.
Чанде аз сокинони як маҳаллаи шаҳри Душанбе мегӯянд, назди манзили зисташон ширкате чоҳ кандааст ва зиндагии онҳо рӯз то рӯз хатарнок мешавад. Сокинони маҳаллаи Сурхоби пойтахт мегӯянд, як ширкати сохтмонии “Аюб 2010” бо баҳонаи бунёди баландошёна назди хонаҳои онҳо чоҳ канд, ки дар пайи он деворҳои манзили зисташон кафид ва бомҳояшон лағжид. Масъулини ширкат мегӯянд, ҷуброни зиёни расидаро ба сокинон пардохт хоҳанд кард. Ширкати сохтмонӣ дар пайи даъвои сокинон пардохти пули хонаҳоро ба уҳда гирифтааст... Читать дальше...
Дастаи мунтахаби олимпии футболи Тоҷикистон (U-22) барои ширкат дар мусобиқаи байналмилалии “CFA Team China W.O CupInternational Football Tournament Zhuhai 2019” ба Чин расид. Ин мусобиқа аз 8-ум то 14-уми декабр дар шаҳри Чжуҳай баргузор мешавад. Мунтахаби олимпии Тоҷикистон (U-22) 8-уми декабр бо дастаи мизбон - мунтахаби олимпии Чин, 11-уми декабр бо мунтахаби Малӣ ва 14-уми декабр бо мунтахаби Сурия рақобат мекунад. Мусобиқа аз рӯи системаи даврӣ дар як давра доир мегардад. Ба иттилои Федератсияи футболи Тоҷикистон... Читать дальше...
Мақомоти Афғонистон мегӯянд, ки раванди тозаи гуфтугӯҳо миёни Амрико ва Толибон дар Қатар идомаи музокироти пешини байни ду тараф нест. Вазорати давлат дар умури сулҳи Афғонистон мегӯяд, ки санади қаблии музокирот миёни Амрико ва Толибон дар мавриди сулҳ бекор шудааст. Сухангӯи ин Вазорат рӯзи шанбе ба Радиои Озодӣ гуфт, ки дар ин даври музокирот “миёни ду тараф рӯи оташбас ва махфигоҳҳои Толибон дар Покистон тамаркузи бештар сурат мегирад.” Залмай Халилзод, намояндаи вижаи Амрико барои сулҳи... Читать дальше...
Додгоҳи Бишкек ду сарвазири собиқи Қирғизистонро бо иттиҳоми фасодкорӣ аз озодӣ маҳрум кард. Сафар Исҳоқов, сарвазири собиқ бо мусодираи молу мулк ба 15 соли зиндон маҳкум шуд. Бар асоси ҳукми додгоҳ ӯ аз рутбаи дипломатӣ ва аз ордени «Манас» дараҷаи ду маҳрум шуд. Жанторо Сотиболдиев, сарвазири дигари собиқ бо мусодираи молу мулк ба 7,5 соли зиндон маҳкум шуд. Ба ҷуз ин, дар доираи ин парванда Олга Лаврова, вазири собиқи молия ва Осмонбек Ортиқбоев, вазири собиқи энергетика ҷарима шуданд. Инчунин... Читать дальше...
Доналд Трамп, президенти ИМА аз Бонки Ҷаҳонӣ хостааст, ки ба Чин қарз надиҳад. Як рӯз пеш аз хости Трамп Бонки Ҷаҳонӣ тарҳи қарздиҳӣ ба Пекинро тасвиб кард. Трамп рӯзи ҷумъа дар саҳифаи Твиттери худ навишт: “Чаро Бонки Ҷаҳонӣ ба Чин қарз медиҳад? Ин мумкин аст? Чин пули фаровон дорад ва агар надорад, онҳо (пул) месозанд. Бас кунед!” Бонки Ҷаҳонӣ 5-уми декабр тарҳеро тасвиб кард, ки бар асоси он солона аз як миллиард то якуним миллиард доллар бо фоизи паст ба Чин қарз медиҳад. Ин Бонк гуфтааст... Читать дальше...
Дар Олмон нисбат ба кормандони эҳтимолии ГРУ ё Раёсати марказии истихбороти Русия, ки дар Бритониё барои заҳролуд намудани ҷосуси дуҷониба, Сергей Скрипал ва духтараш дар Солсбери муттаҳам мешаванд, тафтиш ҷараён дорад. Дар ин бора “Der Spiegel” хабар дод. Ба навиштаи нашрия, таҳқиқро бо номи рамзии “Нови” Додситонии кулли Олмон ва пулиси ҷиноии ин кишвар пеш мебаранд. Парванда нисбат ба шаҳрвандони Русия бо номи Руслан Боширов ва Александр Петров, ки дар заҳролуд намудани Скрипалҳо гумонбаранд, боз шудааст. Читать дальше...
Мақомот мегӯянд, нафаре, ки бо зарби тир се низомии амрикоиро дар пойгоҳи Пенсаколаи аёлати Флоридаи ИМА кушт, таҷрибаомӯзи ҳарбӣ аз Арабистони Саудӣ буд. Гумонбаршуда дар як пойгоҳи баҳрии Амрико тамрин мекард. Ӯ пас аз ҳамла ба ҳамкасбони худ дар дохили бинои омӯзишӣ кушта шуд. Пулиси маҳаллӣ мегӯяд, дар натиҷаи ҳамла ҳашт нафари дигар маҷрӯҳ шудааст. Гумонбар ба ин ҷиноят аз тапонча тир паррондааст. Доналд Трамп, президенти ИМА гуфт, ки Салмон, шоҳи Саудӣ занг зада, ба ӯ ва хонаводаҳои қурбониён ҳамдардӣ баён кард. Читать дальше...
Идораи маорифи Балҷувон ду омузгори як мактабро барои рафтори ғайрипедагогӣ нисбат ба шогирдон ҷазои интизомӣ додааст. Дилбар Абдуҳакимова ва Ганҷина Аҳмадова, омӯзгорони мактаби рақами чор дар деҳаи Оқбулоқи ноҳия, яке барои химча задани кӯдакон ва дигаре барои сабт кардани ин ҳолат дар телефон “огоҳӣ” гирифтанд. Ҳодиса ҳафтаи пеш рух дод ва сабти ин навор ба шабакаҳои иҷтимоӣ роҳ ёфт. Дар навори як дақиқаӣ дида мешавад, ки зоҳиран омӯзгоре хонандагонро ҳангоми ворид шудан ба дохили бинои мактаб бо навбат бо химча мезанад. Читать дальше...
Қатъи нирӯи барқ ва камбуди шадиди гази табиӣ дар мавсими сармо дар баъзе аз минтақаҳои Узбекистон боис ба эътирозҳо шуд. Гурӯҳе аз сокинон роҳҳоро баста, аз ҳукуматдорон хостанд, ки ҳарчӣ зуд ба буҳрон поён диҳанд. Тазоҳуроти зиддиҳукуматӣ дар ин кишвари Осиёи Марказӣ пас аз саркӯби эътирозгарон дар соли 2005 дар Андиҷон хеле кам мушоҳида шудааст. Саркӯби эътирози соли 2005 садҳо кушта дошт. Норозигӣ аз норасоии гази табиӣ моҳи ноябри имсол, замоне шакл гирифт, ки дар фасли сармо сокинон ва... Читать дальше...