Новости за 29.12.2019

Владимир Путин, раиси ҷумҳури Русия, рӯзи 28-уми декабр қонуни федеролиро дар бораи "созишнома барои ҷалби муташаккилонаи муҳоҷирони тоҷик" ба кишвараш имзо кард. Ин созишнома моҳи апрели имсол байни Душанбеву Маскав ҳосил шуда, дар оғози моҳи декабр аз тарафи президенти Тоҷикистон тасдиқ ва баъдан аз сӯи Шӯрои Федератсияи Русия тасвиб гардида буд. Ҷониби Тоҷикистон бовар дорад, ки иҷрои созишнома шароити будубош ва кори муҳоҷиронро дар Русия беҳтар мегардонад. Ҳоли ҳозир муҳоҷирони тоҷик аз бархӯрди номуносиби мақомоти Русия... Читать дальше...

Имсол ҳодисаҳои пайванд бо номи гуруҳи тундрави "Давлати исломӣ" ё ДОИШ дар Тоҷикистон, кишварро дар сархатти расонаҳои ҷаҳонӣ қарор дод. Моҳи феврали соли 2019 президенти Амрико Доналд Трамп шикасти хилофати худхондаи "Давлати исломӣ"-ро эълон кард. Бисёриҳо тахмин заданд, ки ҷангҷӯёну тарафдорони созмон то дубора ёфтани ҷойи по аз фаъолиятҳои харобкорона дар кишварҳои ҷаҳон худдорӣ меварзанд. Моҳи май, дақиқан пас аз панҷ моҳи эълони Трамп, созмон масъулияти ошӯби хунин дар зиндони шаҳри Ваҳдати Тоҷикистонро ба дӯш гирифт. Читать дальше...

Идораи мусалмонони Қирғизистон дар бораи таҷлил аз соли нави милодӣ қарор содир кард. Бар асоси он аз рӯҳониён хоста шудааст, ки ба зидди ҷашнҳои расмӣ таблиғот набаранд. Дар Қирғизистон ба монанди кишварҳои дигари дунё шаби 31-уми декабр фаро расидани Соли нави милодиро таҷлил мекунанд. Аммо солҳои ахир баъзе аз рӯҳониён дар ин кишвар мегӯянд, ки ин иди мусалмонҳо нест ва набояд таҷлил карда шавад. Ҳар сол дар остонаи таҷлил аз соли нав ба ин баҳс доман зада мешавад.

Мақомоти Афғонистон гуфтанд, ки рӯзи 29-уми декабр дар ҳамлаи Толибон ба вилояти Тахор, дар наздикии сарҳади Тоҷикистон, 17 нафар кушта шудаанд. Ба қавли сухангӯи волии Тахор, ҳамла фармондеҳи ниманизомиёнро ҳадаф қарор дода буд, вале ӯ безарар фирор кардааст. Вай гуфт, минтақа феълан зери назорати нирӯҳои давлатӣ аст. Забеҳуллоҳ Муҷоҳид, сухангӯи Толибон, гуфтааст, гуруҳ масъулияти ҳамларо намепазирад. Рӯзи 28-уми декабр дар ҳамлаи Толибон ба пойгоҳи ҳарбиён дар вилояти Ҳилманд даҳ сарбози афғон кушта шуданд. Читать дальше...

Тайиба Сафарова, сокини 24-солаи деҳаи Сомониёни ҷамоати Чоркӯҳи Исфара, рӯзи 29-уми декабр дар марз бо деҳаи Куктоши ноҳияи Бодканди Қирғизистон аз тири силоҳи шикорӣ захмӣ карда шудааст. Як манбаъ дар ҳукумати Исфара ба Радиои Озодӣ гуфт, "ҳоло ӯро дар бемористони марказӣ ҷарроҳӣ доранд". Мақомоти расмии Тоҷикистону Қирғизистон дар ин бора ҳеч иттилоъ ва шарҳе надодаанд ва ҷузъиёти ҳодиса маълум нест. Чанд нафар, аз ҷумла сухангӯи ҳукумати шаҳри Исфара дар "Фейсбук" навиштанд, "тирпарронӣ замоне сурат гирифт... Читать дальше...

Мақомоти Украина ва ҷудоиталабони тарафдори Русия дар шарқи ин кишвар рӯзи 29-уми декабр ба табодули боздоштшудаҳо ва зиндониён оғоз карданд. Дар ин бора дафтари раёсати ҷумҳури Украина хабар дод. Даря Морозова, ба истилоҳ омбудсмени ҷудоиталабони зери ҳимояти Русия низ ба расонаҳои Маскав гуфтааст, "табодул шуруъ шуд". Интизор меравад, ҷониби Украина 87 нафар ва ҷудоиталабон 55 танро озод кунанд. Аммо як рӯз пеш Владимир Зеленский, раиси ҷумҳури Украина гуфт, феҳрасти афроде, ки бояд табодул шаванд, ниҳоӣ нашудааст. Читать дальше...

Як таҳқиқи нав нишон дод, ки имсол дар Амрико кушторҳои гуруҳӣ дар муқоиса бо ҳар замоне дигар бештар будааст. Оморро хабаргузории "Ассошиайтед Пресс" ва рӯзномаи "USA Today" таҳия ва нашр карданд. Бар асоси он, дар тобистони имсол дар Амрико 41 рӯйдоди маргбор сурат гирифтааст. Куштори гуруҳӣ дар Амрико ба ҳодисаҳое гуфта мешавад, ки дар он чаҳор нафар ё бештар аз он, ба истиснои масъули ҳодиса, кушта шуда бошанд. Дар маҷмуъ, имсол, ки ба поёнаш ду рӯзи дигар мондааст, 211 нафар дар ҷараёни ин ҳамлаҳо кушта шудаанд. Читать дальше...

Як созмони яҳудиён гуфт, ҳангоми маҳфили мазҳабии Ҳанока ё ҷашни рӯшноӣ дар хонаи як хохоми яҳудӣ дар Ню-Йорк дастикам панҷ нафар бо корд захмӣ карда шудаанд. Шӯрои равобити умумии яҳудиёни ортодокс гуфт, аз ин воқеа соати даҳи шаби 28-уми декабр дар як тамоси телефонӣ хабар ёфт. Захмиёнро ба шифохона бурдаанд. Вазъи ду нафари онҳо вазнин гуфта мешавад. Ин воқеа дар 50-километрии шимоли шаҳри Ню-Йорк рух додааст.

Мақомоти интизомии шаҳри Кӯлоб гуфтанд, ҷавоне, ки бо гумони қасди оташ задани арчаи солинавӣ дастгир шудааст, дар Душанбе аз ташхиси рӯҳӣ мегузарад. Пайвандони Фарҳоди Азизмад ба бемори равонӣ будани ӯ пойфишорӣ доранд. Фарҳоди Азизмад, сокини 27-солаи шаҳри Кӯлобро рӯзи 24-уми декабри имсол, баъди кӯшиши, ба гуфтаи мақомот, оташ задани арчаи солинавӣ ва ҳамла ба маъмури милиса боздошт карданд. Бо гузашти панҷ рӯз мақомот расман ҳодисаро шарҳ надодаанд. Наздиконаш мегӯянд, ӯ вакили мудофеъ надорад ва то ҳол муяссар нашудааст... Читать дальше...

Раҳматилло Зоиров, раиси Ҳизби сотсиал-демократи Тоҷикистон, баъд аз муроҷиати бепосухаш ба президент Эмомалӣ Раҳмон, аз Додгоҳи Қонуни асосии кишвар хост, ки гаравпулиро барои номзадҳои интихоботи порлумонӣ бекор кунад. Мақомоти Додгоҳи конститутсионӣ дар ин бора ба матбуот чизе нагуфтаанд. Аз сиёсатмадор пурсидем, ки дар ин замина чӣ пешравӣ ҳосил шудааст? Раҳматилло Зоиров: "Дар бораи пешрафтҳо чизе гуфтан барвақт аст, зеро дархости мо рӯзи 23-юми декабр расман сабт шуд. Бар асоси қонунгузорӣ Суди конститутсионӣ ҳақ дорад... Читать дальше...

Раҳматилло Зоиров, раиси Ҳизби сотсиал-демократи Тоҷикистон, баъд аз муроҷиати бепосухаш ба президент Эмомалӣ Раҳмон, аз Додгоҳи Қонуни асосии кишвар хост, ки гаравпулиро барои номзадҳои интихоботи порлумонӣ бекор кунад. Мақомоти Додгоҳи Қонуни асосӣ дар ин бора ба матбуот чизе нагуфтаанд. Аз сиёсатмадор пурсидем, ки дар ин замина чӣ пешравӣ ҳосил шудааст?

Радиои Озодӣ дар соли 2019 ба изофаи пешниҳоди хабару таҳлилҳо дар мавзуъҳои гуногун, инчунин, мушкили афроди алоҳида ва ё хонаводаҳоро бозтоб дод. Тасвири рӯзгори баъзе аз онҳо вокуниши ҷомеа ва мақомоти баландпояро ба бор овард. Дар ин гузориши видеоӣ бинед, ки имсол рӯзгори кадоме аз онҳо ба самти мусбат тағйир кард ва ба мушкили кадоме аз онҳо таваҷҷуҳ бештар шуд.