Новости за 02.04.2020

(Әлки, 2 апрель, «Татар-информ», «Әлки хәбәрләре»). Әлки районында Көньяк-Көнбатыш филиалының «Әхмәт» отрядында берьюлы өч агрегат ярдәмендә тырмалау эшләренә керештеләр. Бу турыда район басмасы хәбәр итә.

(Казан. 2 апрель, «Татар-информ»). Бүген Түбән Кама районының Кама Аланы бистәсендә яшәүче бер ханымга 30 мең сум штраф салынган. Бу турыда Түбән Кама муниципаль районы рәсми сайтында хәбәр ителә.

(Казан, 2 апрель, «Татар-информ»). Согуд Гарәбстанының ике шәһәре - Мәккә һәм Мәдинә хакимиятләр күрсәтмәсе буенча, аерым карар кабул ителгәнче, пәнҗешәмбедән 24 сәгатькә тулысынча ябыла. Шәһәрләргә керү һәм алардан чыгу тыела. Бу хакта Интерфакс хәбәр итә.

(Казан, 2 апрель, «Татар-информ»). Татарстанда полицейскийлар Казан шәһәрендә йөрергә хокук бирә торган белешмәләр әзерләү һәм сату буенча законсыз эшчәнлекне туктатты. Бу хакта Татарстан Республикасы буенча Эчке эшләр министрлыгы матбугат хезмәте хәбәр итә.

(Казан, 2 апрель, «Татар-информ», Александра Давыдова). «Эшләми торган атна» вакытын 30 апрельгә кадәр озайту чаралары мантыйкка туры килә һәм нигезләнгән. Алар ярдәмендә кайбер төбәкләрдә коронавирус белән авыручылар санының таралу темплары кимеде инде. Бу хакта Татарстан Республикасыннан Россия Дәүләт Думасы депутаты Борис Менделевич искәртә.

(Казан, 2 апрель, «Татар-информ», Зилә Мөбәрәкшина). Татарстанның халык артисты, Татарстан Республикасы фольклор музыкасы дәүләт ансамбленең сәнгать җитәкчесе Айдар Фәйзрахманов «Дуслык» ордены белән бүләкләнде. Бу хакта «Татар-информ» хәбәрчесенә Габдулла Тукай исемендәге Татар дәүләт филармониясенең матбугат үзәге хәбәр итте.

(Казан, 2 апрель, «Татар-информ»). Татарстан Республикасы Транспорт һәм юл хуҗалыгы министрлыгы Covid-19 коронавирус йогышы таралуны тоткарлауга юнәлдерелгән чараларны гамәлгә ашыру шартларында йөкләр ташуга кагылышлы аңлатмалар бирде.

(Казан, 2 апрель, «Татар-информ»). Дәүләт Думасы депутаты Борис Менделевич карантинның үз-үзеңне изоляцияләүдән нәрсә белән аерылуын аңлатты. Бу хакта Дәүләт Думасының Сәламәтлек саклау комитеты әгъзасы, Татарстанның атказанган табибы ER.RU сайтында аңлатты. Бу хакта «Бердәм Россия» партиясенең төбәк бүлеге сайтында хәбәр ителә.

(Казан, 2 апрель, «Татар-информ»). Мәгариф һәм югары белем бирү министры Валерий Фальков Россия югары уку йортларына укуны 6 апрельдән, әмма дистанцион режимда, башлап җибәрергә тәкъдим итте. Бу хакта «Интерфакс» хәбәр итә.

(Казан, 2 апрель, «Татар-информ»). Татарстан предприятиеләре һәм оешмалары республика халкына төрле тармакларда 38,9 мең вакансия тәкъдим итә. Сәүдә компанияләре һәм пекарнялар ашыгыч рәвештә сатучылар һәм илтеп бирү хезмәте белгечләрен эзли. Бу хакта ТР Хезмәт, эш белән тәэмин итү һәм социаль яклау министрлыгы матбугат хезмәте хәбәр итә.

(Казан, 2 апрель, «Татар-информ»). Россия Президенты Владимир Путин илдә коронавирус таралуын профилактикалау максатыннан 30 апрельгә кадәр түләүле ял көннәре игълан итү турындагы указга кул куйды. Документ тексты Кремль сайтында урнаштырылган.

(Истанбул, 2 апрель, “Татар-информ”, Рушания Алтай). Бүген кичке сәгатьләрдә Төркия дәүләт телерадиосының “ТРТ АВАЗ” каналында Галимҗан Ибраһимовка багышланган документаль тапшыру күрсәтеләчәк. Бу хакта Евразия язучылар берлеге рәисе Якуп Өмәроглу хәбәр итә.

(Казан, 2 апрель, «Татар-информ»). Владимир Алекно клубтан киткән Алексей Вербовны алмаштырып, янә «Зенит-Казан» волейбол командасы белән актив күнекмәләр үткәрә башлаячак.

(Казан, 2 апрель, «Татар-информ», Наталия Никифорова ). Татарстан прокуратурасы үз-үзеңне изоляцияләү режимы чорында өйдән чыгу өчен белешмәнең ничек рәсмиләштерелергә тиешлеген аңлатты. Бу хакта «Татар-информ»га ТР прокурорының өлкән ярдәмчесе Руслан Галиев хәбәр итте.

(Казан, 2 апрель, «Татар-информ»). ТР Дәүләт Советы Рәисе Фәрит Мөхәммәтшин республика башкарма хакимияте органнарын һәм муниципалитетларны Бөек Ватан сугышы ветераннарына ярдәм күрсәтү эшен дәвам итәргә чакырды. Бу хакта парламент башлыгы бүген ТАССРның 100 еллыгына әзерлек һәм аны уздыру буенча видеоконференция режимында узган киңәшмәдә белдерде. Бу хакта ТР Дәүләт Советы матбугат хезмәте хәбәр итә.

(Казан, 2 апрель, «Татар-информ», Гөлнар Гарифуллина). Коронавирус эпидемиясе аркасында эшләми торган көннәр кыскарырга да мөмкин. Бу хакта бүген ил халкына яңа мөрәҗәгатендә Россия Президенты Владимир Путин хәбәр итте.

(Казан, 2 апрель, «Татар-информ», Гөлнар Гарифуллина). Коронавируска каршы көрәш барышында эш урыннарын саклау — өстенлекле сорау. Бу хакта бүген ил халкына яңа мөрәҗәгатендә Россия Президенты Владимир Путин хәбәр итте.

(Казан, 2 апрель, «Татар-информ», Гөлнар Гарифуллина). Коронавирусны кисәтү буенча эштә төбәк башлыкларына өстәмә вәкаләтләр биреләчәк. Бу хакта ил халкына яңа мөрәҗәгатендә Россия Президенты Владимир Путин хәбәр итте.

(Казан, 2 апрель, «Татар-информ»). Татарстан Республикасы Президенты Рөстәм Миңнеханов Төрекмәнстан лидеры Гурбангулы Бердымөхәммәдов белән телефон аша сөйләшүләр уздырды. Алар ике республика арасында агымдагы икътисади проектларны гамәлгә ашыру турында фикер алышты. Сөйләшүләр Төрекмән ягы инициативасы белән узды. Бу хакта «Татар-информ»га Татарстан Президенты матбугат хезмәте җитәкчесе Лилия Галимова хәбәр итте.

(Казан, 2 апрель, «Татар-информ»). «Дөнья татарлары» Ютуб каналында «Коронавируска каршы көрәштә татарлар өлеше» турында махсус чыгарылыш булды. KazanFirst интернет-порталы журналисты Илнур Ярхәмов Новосибирскидагы татар галимнәре Максутовлар династиясе һәм аларның коронавирус белән көрәштәге эшчәнлеге хакында сөйләде.

(Казан, 2 апрель, «Татар-информ»). Үз-үзеңне изоляцияләү вакытында теләге булган һәркемне «Википедия» ирекле энциклопедиясе татар телендә мәкалә язарга чакыралар. Татар телен яхшы белгән һәм бәйгедә катанашырга теләгән кешеләрнең эшләрен 19 апрельгә кадәр кабул итәләр. Бу турыда оештыручылар хәбәр итте.

(Казан, 2 апрель, «Татар-информ»). Камал театры үз репертуарындагы спектакльләрен тамашачы билгеләгән бәягә онлайн күрсәтә башлый. Бүген театр рәсми сайтына спектакльләр карау тәртибен урнаштырды.

(Казан, 2 апрель, «Татар-информ», Егор Никитин). Татарстанда өйгә бушлай азык-төлек җыелмалары китерү проекты эшли башлады, элек ул республика Президенты Рөстәм Миңнеханов тарафыннан игълан ителгән иде. Бу хакта «Иннополис» махсус икътисади зонасы резиденты-KazanExpress маркетплейсы матбугат хезмәте хәбәр итә.

(Казан, 2 апрель, «Татар-информ», Гөлүзә Ибраһимова). Тарих фәннәре кандидаты Илнар Гарифуллин фикеренчә мөселманнар арасында миллилекне үстерү өчен күренекле дин әһелләребезнең милли җанлы фикер иясе булуларын күрсәтергә кирәк. Бу хакта ул «ТНВ» каналындагы «Татарлар» тапшыруында әйтте. 

(Казан, 2 апрель, «Татар-информ», Эвелина Киселёва). Яңа коронавирус инфекциясен имбир, сарымсак һәм лимон белән дәвалау мөмкин түгел. Әмма үсемлек продуктлары ярдәмендә иммунитетны ныгытырга мөмкин. Бу хакта «Татар-информ»га Татарстан Сәламәтлек саклау министрлыгының йогышлы авырулар буенча штаттан тыш баш белгече Халит Хәертынов сөйләде.