Новости за 22.04.2020

(Казан, 22 апрель, «Татар-информ»). Бүген Татарстан Республикасы урман хуҗалыгы министры Равил Кузюров Кукмара муниципаль районына эш визиты белән барды. Анда ул «Лубян урман-техника көллияте» дәүләт бюджет һөнәри белем бирү оешмаларының эшчәнлеге белән танышты. Бу турыда ТР Урман хуҗалыгы министрлыгы матбугат хезмәте хәбәр итә.

(Саба, 22 апрель, «Татар-информ», «Саба таңнары», Фәнил Мәүлетов). Татарстан Республикасы Дәүләт Советы депутаты Марат Галиев «Кайгырту» акциясе кысаларында Саба районында яшәүче 100 гаиләгә ярдәм күрсәтте. Бу турыда район басмасы хәбәр итә.

(Казан, 22 апрель, «Татар-информ»). Мартта Россиядә карабодай ярмасы җитештерү арткан. Бу турыда Росстат хәбәренә сылтама белән РИА Новости хәбәр итә.

(Казан, 22 апрель, «Татар-информ», Эвелина Киселёва). Татарстанда 30 апрельдән соң коронавируска каршы көрәш чараларын озайтсалар, Казан (Идел буе) федераль университетында читтән торып укучылар җәйге сессияне онлайн режимда тапшырачак. Бу хакта югары уку йорты ректорының урынбасары Дмитрий Таюрский сөйләде.

(Казан, 22 апрель, «Татар-информ»). Дәүләт Думасы депутаты, «Бердәм Россия» фракциясе әгъзасы Илдар Гыйльметдинов 182нче номерлы политехник лицейда укучыларына дистанцион белем алу өчен планшетлар тапшырды. Бу турыда «Бердәм Россия» партиясенең Татарстан төбәк бүлеге сайтында хәбәр ителә.

(Казан, 22 апрель, «Татар-информ»). Бүгенге көндә Россиядә коронавирусны диагностикалау өчен 17 тест-система теркәлгән. Бу турыда Сәламәтлек саклау министрлыгы башлыгы Михаил Мурашкога сылтама белән РИА Новости хәбәр итә.

(Казан, 22 апрель, «Татар-информ», Эвелина Киселёва). Татарстанда яңа коронавирус инфекциясенә каршы көрәш чараларын озайтсалар, Казан (Идел буе) федераль университеты студентлары җәйге сессияне онлайн режимда тапшырачак. Бу хакта югары уку йорты матбугат хезмәтендә хәбәр иттеләр.

(Казан, 22 апрель, «Татар-информ»). Коронавирус эпидемиясеннән соң Россиядән чит илләргә беренче турлар 1 августтан да иртәрәк планлаштырылмый. Бу турыда Россия туроператорлары ассоциациясенә сылтама белән РИА Новости хәбәр итә.

(Казан, 22 апрель, «Татар-информ»). Татарстанда бушлай җир кишәрлеге алу исемлегенә 56 165 күп балалы гаилә кертелгән. Бу хакта Татарстан Дәүләт Советы утырышларына бирелгән материалларда әйтелә.

(Казань, 22 апрель, «Татар-информ»). Синоптиклар 23 апрельдә Татарстанда һава шартлары начарлануы турында кисәтә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 22 апрель, «Татар-информ»). Россия мөселманнары Диния нәзарәте җитәкчесе, Мәскәү мөфтие Әлбир Крганов пандемия тирәсендәге катлаулы вазгыять аркасында бер-береңә финанс бурычларны гафу итәргә кирәк дип саный. Бу турыда РИА Интерфакс хәбәр итә.

(Казан, 22 апрель, «Татар-информ»). Бүген Татарстан Президенты Рөстәм Миңнеханов «Иннополис» махсус икътисади зонасы Күзәтчелек советының 2020 елда беренче утырышын уздырды. Чара видеоконференция режимында узды. Бу турыда республика Президенты матбугат хезмәте хәбәр итә.

(Казан, 22 апрель, “Татар-информ”, Рузилә Мөхәммәтова). Илһам Шакировның туганнары бөек җырчының дәүләт бүләкләрен Милли музейга тапшырды. “Татар-информ” журналистлары әлеге тантаналы мизгелнең шаһиты булдылар.

(Казан, 22 апрель, «Татар-информ»). Татарстанда агымдагы елда ятим балаларны торак белән тәэмин итүгә 840,7 млн сум акча бүленгән. 600 ятим баланы торак белән тәэмин итү планлаштырыла. Бу хакта Татарстан Дәүләт Советы утырышларына бирелгән материалларда әйтелә.

(Казан, 22 апрель, «Татар-информ», Зилә Мөбәрәкшина). Россия Мөфтиләр Шурасы рәисе Равил Гайнетдин мөселманнарга уразаны өйдә генә тотарга киңәш итте. Бу хакта ул «Россия — 24» каналында туры эфир вакытында сөйләде.

(Казан, 22 апрель, «Татар-информ», Зилә Мөбәрәкшина). Рамазан аенда Әл-Хәрам һәм Пәйгамбәр мәчетләре күмәк намаз уку өчен ябык булачак. Бу хакта Россия мөфтиләр шурасы рәисе Равил Гайнетдин «Россия — 24» каналында туры эфир вакытында сөйләде.

(Казан, 22 апрель, «Татар-информ»). Covid-19 таралуны кисәтү өчен быел Бөек Ватан сугышында Җиңү хөрмәтенә традицион салют күчереләчәк. Бу хакта Татарстанның коронавируска каршы көрәш буенча оператив штабында хәбәр иттеләр.

(Казан, 22 апрель, «Татар-информ»).Татарстанның пассажир ташучылары ТР Президенты Рөстәм Миңнехановка коронавирус аркасында туган вазгыятьтә ярдәм сорап мөрәҗәгать итте.

(Казан, 22 апрель, «Татар-информ»). Бүген Россия Премьер-министры Михаил Мишустин Россия Федерациясе территориясендә Коронавируска каршы көрәш буенча Россия Хөкүмәте каршындагы Координацион совет президиумы утырышын уздырды. Видеоконференция режимында Татарстан Республикасы Президенты Рөстәм Миңнеханов та бу утырыш эшендә катнашты.  Бу турыда Татарстан Президентының матбугат хезмәте хәбәр итте.

(Казан, 22 апрель, «Татар-информ»). «Безнең ишегалды» республика программасына елына якынча 10 млрд сум чамасы тотарга планлаштыралар. Бу программаның гомуми бюджеты 50 млрд сум тәшкил итә. Бу хакта онлайн-брифингта Татарстан Президенты матбугат хезмәте җитәкчесе Лилия Галимова хәбәр итте.

(Казан, 22 апрель, «Татар-информ»). Ветеринарлар яңа коронавирус инфекциясен йоктырган яки медицина күзәтүендә булган кешеләргә үзләренең йорт хайваннары белән аралашуны киметергә киңәш итте. Бу хакта Татарстан Министрлар Кабинетының Баш ветеринария идарәсе матбугат хезмәте хәбәр итә.

(Казан, 22 апрель, «Татар-информ»). Үз-үзеңне изоляцияләү вакытына карамастан, планетаның төрле почмакларында яшәүче татарлар онлайн рәвештә берләшеп «Туган тел» җырын яздырды. Бу хакта Урал татарлары сайты хәбәр итә.

(Чаллы, 22 апрель, «Татар-информ», Эльвира Мөхәммәтдинова). КАМАЗ заводында коронавирус белән авырган кешеләр буенча хисап яңартылды. 22 апрельгә булган мәгълүматларга караганда, компаниянең декрет ялында булган хезмәткәре авырудан дәваланган, бер хезмәткәрнең Covid-19 диагнозы расланган. Бу хакта автогигантта хәбәр иттеләр.

(Казан, 22 апрель, «Татар-информ»). Самара өлкәсенең Иске Ярмәк авылы мәчете эшчәнлеген алып бару өчен матди ярдәм итүне сорый. Бу хакта Самара татарлары сайтында хәбәр ителә.

(Казан, 22 апрель, «Татар-информ», Екатерина Ларионова). Татарстан Президенты матбугат хезмәте җитәкчесе Лилия Галимова коронавирус чыганагы табылган Татарстан предприятиеләре эшчәнлеген туктатып тору мөмкинлеген искәртте. Бу хакта ул атналык брифингта сөйләде.