Новости за 05.02.2024

Спас районы Болгар мәдәният йортында Спас районыннан махсус хәрби операциядә катнашучыларга ярдәм максатыннан концерт оештырылды. Хәйрия концертында 116 мең сум акча җыелган. Бу хакта «Яңа тормыш» хәбәр итә.

Быел Татарстанга хаҗ кылу өчен 1800 кешелек квота бүлеп бирелгән. Былтыр, 2023 елда да квота күләме шулкадәр иде. Бу хакта Татарстан Диния нәзарәте сайтында хәбәр ителә.

Гыйнварда Казанга ике айлык диярлек явым-төшем, ә февральнең беренче көннәрендә инде гадәти күләмнең өчтән бер өлеше яуды. Бу хакта Экология һәм табигатьтән файдалану институтының метеорология, климатология һәм атмосфера экологиясе кафедрасы доценты Тимур Әүхәдиев белдерде.

Бүген «Ак Барс» Новосибирск шәһәренең «Сибирь» хоккей командасына 1:4 исәбенә оттырды. Уен Казанда «Татнефть Арена» боз сараенда узды.

Россиядән Иранга хәләл продукция экспорты 2023 елда 10 тапкыр арткан. Шул ук вакытта үсеш акчалата һәм товар рәвешендә дә теркәлә, дип яза «ПРАЙМ». Мәсәлән, бу илгә 39 миллион долларлык 10,4 тонна продукция чыгарганнар. Чагыштыру өчен: 2022 елда 4,1 миллионлык 0,9 мең тонна җибәрелгән.

Экологияне яклауга һәм кешеләрнең тормыш сыйфатын яхшыртуга юнәлдерелгән эш 2024 елда Табигатьтән файдалану өлкәсендә федераль күзәтчелек хезмәтенең Идел-Кама төбәкара идарәсе эшендә өстенлекле юнәлеш булып кала. Татарстан Республикасы Рәисе Рөстәм Миңнеханов Чаллыда узган йомгаклау киңәшмәсендә ведомство хезмәткәрләре алдында торган төп бурычларны билгеләде.

Федерация Советында өч елдан башланган кертемнәргә салымны бетерүне хуплыйлар. Федерация Советы рәисе урынбасары Николай Журавлев әйтүенчә, мондый чара россиялеләрне озак вакытлы кертемнәргә стимуллаштыра.

Татарстанның волонтерлык турында законына аволонтерларга мәҗбүри ярдәм чаралары турында пункт кертергә кирәк. Әлеге инициативаны Татарстан Дәүләт Советының социаль сәясәт утырышында хупладылар.

Музыкант Азат Гыймадиев үзе язган татарча җырлардан һәм инструменталь көйләрдән торган җиденче альбомын чыгара. «Кер төшләрем» дип аталган альбомда барлыгы 11 җыр булачак. Унысының көен дә, сүзләрен дә Азат үзе иҗат иткән.

Узган ялларда Мәскәүдә майор Булат Әхмәтҗанов истәлегенә чаңгы ярышы узды. Татарстанның Тулы вәкаләтле вәкиллеге телеграм-каналында хәбәр итүләренчә, 2024 елда ярышлар «Битца» ат спорты комплексында үткән. Ел саен уздырыла торган ярышларны «СМЕРЧ» иминлек органнары махсус операция подразделениесенең Хәрби хәрәкәт ветераннарына ярдәм фонды оештыра.

Татарстанның барлык районнарында авыл хуҗалыгы продукциясе һәм чимал әзерләү, аларны эшкәртү, сәүдә һәм җәмәгать туклануы белән шөгыльләнүче кулланучылар җәмгыятьләре оештырылган. Ләкин сигез районда кооперативлар бу юнәлешләрдә тулы күләмдә эш оештырмаган. Бу хакта Татарстан Республикасы Рәисе Рөстәм Миңнеханов кулланучылар берләшмәләре һәм кооперативлары вәкилләре җыелышында белдерде.

«Яңа татар җыры» бәйгесенең быелгы җиңүчеләрен ачыкладылар. Җиңүчеләрне 18 апрельдә «Пирамида»да узачак гала-концертта игълан итәчәкләр.

Казанда студентлар тарафыннан оештырылган Милли музыка оркестры эшчәнлеген туктатуы турында хәбәр итте. Оркестр, тамашачыларына рәхмәт белдереп, алар белән «Вконтакте»дагы сәхифәсендә саубуллашкан.

Россия Президентын сайлауларда Татарстанда гражданнарның вакытлыча калу урыннарында 45 участок сайлау комиссиясе эшләячәк. Бу хакта Татарстан Дәүләт Советының Дәүләт төзелеше һәм җирле үзидарә комитеты утырышында Татарстан Үзәк сайлау комиссиясе рәисе урынбасары Андрей Нефедов хәбәр итте.

Татарстан Республикасы Милли музее филиалы – Татар әдәбияты тарихы музее һәм Шәриф Камал мемориаль фатирында Шәриф Камалның 140 еллыгына багышланган «140 мизгел» дип исемләнгән күргәзмә ачылды. Күргәзмәдә уникаль экспонатларның берсе – Шәриф Камалның көндәлекләре тәкъдим ителгән.

Бүген Татарстан Республикасы Рәисе Рөстәм Миңнеханов Татарстан кулланучылар берлеге Казан җитештерү комбинатының яңа макарон фабрикасын карады. Фабрика бу елның гыйнварында эшли башлады. Бу хакта республика җитәкчесе матбугат хезмәте хәбәр итә.

17 февральдән 7 мартка кадәр участок сайлау комиссияләре вәкилләре Россия Президентын сайлау турында сөйләү өчен өйдән өйгә йөриячәк. ТР Үзәк сайлау комиссиясе рәисе урынбасары Андрей Нефедов ТР Дәүләт Советының Дәүләт төзелеше һәм җирле үзидарә комитеты утырышында шул хакта хәбәр итте.

Иртәгә, 6 февральдә, Татарстанда төнлә дә, көндез дә һава шартларының начарлануы көтелә. Бу хакта Татарстан Гидрометеорология үзәге хәбәр итә.

Буран Татарстан башкаласы коммуналь хезмәтләренең ныклыгын сынауны дәвам итә. Казан мэры Илсур Метшин эшлекле дүшәмбе киңәшмәсендә шулай дип белдерде. Бу турыда «Татар-информ» хәбәрчесе Александра Давыдова яза.

КФУ профессоры, әдәбият галиме Фоат Галимуллин Галиәсгар Камалның 145 еллыгына багышланган «ХХ йөз башы татар яңарышы һәм Галиәсгар Камал» түгәрәк өстәле утырышында Галиәсгар Камалның татар театры үсеше өчен зур өлеш кертүен билгеләп үтте.

Татарстанда такси бәясе бер километрга исәпләгәндә бер ел эчендә 22 процентка арткан. «Татар-информ» агентлыгы анализлаган Росстат мәгълүматлары әнә шундый.

Премьер Алихан Смаилов җитәкчелегендәге Казахстан Хөкүмәте отставкага китте. Бүген республика Президенты Касым-Жомарт Токаев отставканы кабул итте. Бу хакта дәүләт башлыгының матбугат хезмәте хәбәр итә.

Түбән Кама татар дәүләт драма театры Казанга 4 спектакль алып килә. «Казанга килү безнең өчен һәрвакыт җаваплы. Гастрольләр театрның 35 еллыгына багышлана. Камал театры сәхнәсендә уйныйбыз дигән шатлык булса, икенче яктан борчылу да бар – бу җаваплылык», – диде театр директоры Рөстәм Галиев Казан гастрольләренә багышлап «Татар-информ»да үткәрелгән матбугат конференциясендә.

Татарстан Рәисе Рөстәм Миңнеханов Telegram-каналында авыл халкының тормышында куллану кооперациясенең әһәмиятен бәяләде.

Быел мартта Россия Президентын сайлауга Татарстан бюджетыннан 54 миллион сумга якын акча бүленгән. Республикада Президент сайлау кампаниясенә барлыгы 730 миллион сумнан артык акча сарыф ителәчәк. ТР Үзәк сайлау комиссиясе рәисе урынбасары Андрей Нефедов ТР Дәүләт Советының Дәүләт төзелеше һәм җирле үзидарә комитеты утырышында шул хакта хәбәр итте.