Новости за 17.02.2024

Халыкара олимпия комитеты әгъзасы, Россия Теннис федерациясе президенты Шамил Тарпищев Әлмәткә килде. Чара «Алан» футбол манежында узды, анда башка шәһәрләрдә мондый спорт корылмаларын алга таба үстерү һәм төзү белән бәйле мәсьәләләр тикшерелде. Бу хакта «Әлмәт таңнары» хәбәр итә.

«Демография» илкүләм проектының «Мәшгульлеккә ярдәм» федераль проекты кысаларында 2023 елда Чирмешәндә яшәүче 25 кеше өстәмә һөнәр үзләштергән. Бу хакта «Безнең Чирмешән» хәбәр итә.

Шәһәр администрациясендә Алабуга муниципаль районы башлыгы Рөстәм Нуриевның җирле һәм республика массакүләм мәгълүмат чаралары вәкилләре белән очрашуы узды. Бу хакта «Алабуга нуры» хәбәр итә.

Бүген Казанның «Ак Барс» хоккейчылары Мәскәү шәһәренең «Спартак» командасын 3:0 исәбе белән җиңде. Уен Мәскәүдә узды.

Татарстанның Зәй муниципаль районында «Яшел планета» мәктәп урманчылыгы барлыкка килде. Берләшмә Яктыкүл урта мәктәбе базасында оештырылган. Бу хакта Татарстан Урман хуҗалыгы министрлыгы матбугат хезмәте хәбәр итә.

Татарстан Рәисе Рөстәм Миңнеханов яшьләрне Россия Студент отрядлары көне белән котлады.

Мәскәүдә узучы «Россия» күргәзмә-форумына сәфәр «Яшь юлдаш - Молодой попутчик» яшьләр проектында катнашучыларга уңай хис-кичерешләр генә түгел, ә яңа белем һәм илһам да бүләк итәчәк. Татарстанлылар алга таба инде гамәлдә булган яшьләр проектларына тартылып кына калмаячак, ә үз инициативаларын да гамәлгә ашыруга тәкъдим итә алачак, ди ТР яшьләр эшләре министры Ринат Садыйков.

Уфаның «Нур» татар дәүләт театрында Россиянең атказанган, Башкортстанның һәм Татарстанның халык артисты Сәвия Сираеваның юбилей кичәсе узды. Кичәгә җәмәгать эшлеклеләре, хезмәттәшләре, якташлары, дуслары, туганнары һәм легендар актрисаның талантына баш иючеләр җыелды. Бу хакта «Башинформ» агентлыгы хәбәр итә.

Россия Президентының Идел буе федераль округындагы тулы вәкаләтле вәкиле урынбасары Игорь Буренков Казанда дәүләт башлыгын сайлау, шулай ук гражданнарны социаль яклау һ.б. агымдагы мәсьәләләргә багышланган киңәшмә үткәрде. Бу хакта Россия Президентының Идел буе федераль округындагы тулы вәкаләтле вәкиллеге матбугат хезмәте хәбәр итә.

Чечня башлыгының олы улы Әхмәт Кадыров яшьләр эшләре буенча төбәк министры вазифасына билгеләнде, әлеге вазифаны Чечня парламенты Рәисе Магомед Даудов аны Кадыров орденына лаек булуы белән котлаган вакытта тәкъдим итте. Моңарчы Әхмәт Кадыров Чечняның физик культура, спорт һәм яшьләр сәясәте министрының беренче урынбасары вазифасын биләде. Бу хакта РИА Новости агентлыгы хәбәр итә.

Татарстан Рәисе Рөстәм Миңнеханов «Союзмультфильм» киностудиясенең директорлар советы рәисе һәм Максим Горький исемендәге киностудия генераль директоры Юлиана Слащева белән үзара хезмәттәшлек мәсьәләләре хакында фикер алышты. Бу хакта республика җитәкчесенең матбугат хезмәте хәбәр итә.

Дәүләт Думасы вице-спикеры Борис Чернышов (ЛДПР) явым-төшем күләме нормадан артып киткән, кар көртләре һәм бозлавык барлыкка килгән очракта хезмәткәрләрне вакытлыча дистанцион эшкә күчерүне Хезмәт кодексында беркетү тәкъдиме белән РФ хезмәт һәм социаль яклау министры Антон Котяковка мөрәҗәгать юллады. Бу хакта ТАСС агентлыгы хәбәр итә.

Бүген Татарстан Рәисе Рөстәм Миңнеханов «Союзмультфильм» киностудиясенең директорлар советы рәисе һәм Максим Горький исемендәге киностудия генераль директоры Юлиана Слащева белән очрашты. Республика җитәкчесенең матбугат хезмәте интернетка шуның кыскача видеосын куйган.

Яшь галимнәр статстикасына килсәк, Россиянең башка төбәкләре белән чагыштырганда, Татарстанда хәлләр яхшырак.

ТР Фәннәр академиясе президенты Рифкать Миңнеханов Мәскәүдә Халык хуҗалыгы казанышлары күргәзмәсендә «Россия» күргәзмә форумында фәнни-технологик үсеш елына планнары белән бүлеште.

Татарстан Инвестиция-венчур фонды «Разведка» Стартаплар һәм инвесторлар берлеге белән хезмәттәшлек турында килешү төзеде. Килешү Мәскәүдә «Россия» күргәзмә-форумында имзаланды.

Татарстан төрле фәнни юнәлеш лидерларының берсе булып тора. Бу хакта ТР Фәннәр академиясе президенты Рифкать Миңнеханов Мәскәүдә Халдык хуҗалыгы казанышлары күргәзмәсендә «Россия» күргәзмә форумында әйтте. Күргәзмә кысаларында Фән һәм университетлар көне уза.

Бүген Татарстанда халыкка Россия Президентын сайлау турында мәгълүмат бирү буенча махсус проект башлана, ул 7 мартка кадәр дәвам итәчәк. «ИнформУИК» программасы кысаларында республиканың 10 меңгә якын сайлау комиссиясе әгъзасы сайлауда тавыш бирүнең барлык мөмкинлекләре турында сөйләү өчен төбәктә яшәүчеләрнең өйләренә киләчәк, дип хәбәр итә ТР Үзәк сайлау комиссиясенең матбугат хезмәте.

Татарстанда «Киләчәк уеннары» Халыкара мультиспорт турнирын үткәрү вакытында һәр мәйданчыкта барлык оештыручылар һәм хезмәтләрнең көйле эшләвен тәэмин итәргә кирәк. ТР Рәисе Рөстәм Миңнеханов республика Хөкүмәте йортындагы киңәшмәдә шулай дип белдерде. Бу хакта ТР җитәкчесенең матбугат хезмәте хәбәр итә.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эш сәфәре вакытында Ленинград өлкәсе һәм Санкт-Петербург Хөкүмәте әгъзалары белән очрашты. Очрашуда Татарстанның Санкт-Петербург шәһәре һәм Ленинград өлкәсендәге Даими вәкиле Ренат Вәлиуллин да катнашты. Бу хакта Татарстанның Санкт-Петербург шәһәре һәм Ленинград өлкәсендәге Даими вәкиллеге матбугат хезмәте хәбәр итә.

Татарстанстат мәгълүматларыннан күренгәнчә, Татарстанда гыйнвар аенда инфляция бер елга күчереп исәпләгәндә 7,34 процентка арткан, декабрьдә ул 7,06 процент булган.

Татарстан Рәисе Рөстәм Миңнеханов 2024 елда Россиянең БРИКС берләшмәсендә рәислек итүе кысаларында чараларга әзерлек һәм аларны үткәрү буенча Республика оештыру комитеты составын үзгәртте. Шул хактагы указ хокукый мәгълүмат порталында урнаштырылган.

Әзерләнә торган террор актлары турында ялган хәбәр өчен җинаять җаваплылыгы янарга мөмкин. Бу хакта Федераль иминлек хезмәтенең ТР буенча идарәсендә искәрттеләр.

Татарстан Рәисе Рөстәм Миңнеханов Хокукый мәсьәләләр буенча ведомствоара координацион комитетына үзгәрешләр кертте. Шул хактагы указ хокукый мәгълүмат порталында урнаштырылган.

ТР Милли китапханәсендә 2 мартта мәдәни-тарихи һәм табигый мирас өлкәсендә идеяләр, проектлар һәм социаль инициативалар фестиваль-ярминкәсе узачак. Бу хакта Казан мэриясе матбугат хезмәте хәбәр итә.