Новости за 06.02.2024

Казаннан бер төркем рәссамнар ел саен кыш аенда Лениногорскиның Яңа Шөгер авылына Татарстанның атказанган сәнгать эшлеклесе, рәссам Мансур Закировның хәлен белергә кайта. Бу хакта «Заман сулышы» Татарстанның халык рәссамы Мөдәррис Минһаҗевның социаль челтәрдәге сәхифәсенә сылтама белән хәбәр итә.

Балтачта «Сабантуй» ял паркында чаңгы трассасында, 2006 елгы һәм аннан яшьрәк егетләр һәм кызлар арасында, СССРның спорт мастеры Рәлиф Әскаров призына республикакүләм чаңгы ярышлары узды. Бу хакта Бөтендөнья татар конгрессы матбугат хезмәте хәбәр итә.

Кыш көне кар күп булганлыктан, Татарстанда язгы ташу бик көчле булачак. Бу хакта «Татар-информ»га Казан федераль университеты профессоры, география фәннәре докторы Юрий Переведенцев хәбәр итте.

Татарстан Рәисе Рөстәм Миңнеханов Мәскәүгә эш сәфәрендә цифрлы трансформация һәм төзелеш өлкәсендә социаль-икътисади үсеш инициативаларын гамәлгә ашыруга багышланган стратегик сессиядә катнашты, аны Россия Премьер-министры Михаил Мишустин уздырды. Бу хакта Татарстан Рәисенең матбугат хезмәте хәбәр итә.

Төньяк Атлантикадан гаять зур циклон атмосфера фронтлары белән Татарстанга аномаль җылылык һәм мул кар алып килде. Әмма якындагы көннәрдә һава торышының характеры үзгәрәчәк. Бу хакта «Татар-информ»га бүген Казан федераль университеты профессоры, география фәннәре докторы Юрий Переведенцев хәбәр итте.

Казан Кремлендә «Гражданлыкның яшьләрнең коды» исеме астында семинар узды. Аны Татарстан Үзәк сайлау комиссиясе һәм Татарстан Яшьләр эшләре министрлыгы оештырды.

Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән Татарстан Язучылар берлеге тарафыннан уздырылган татар телендәге әдәби әсәрләр конкурсының «Роман» номинациясендә җиңүчеләр билгеле.

Бүген кич, иртәгә төнлә һәм көндез Татарстанда кабат һава шартлары начарлануы көтелә. Бу турыда Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

Академик үзәк Республика клиник хастаханә тирәсендә булачак.

Пенза өлкәсенең татар милли-мәдәни мохтарияте туган телне саклау буенча актив эшли. Ул үз эшчәнлеге кысаларында һәр якшәмбе татар теле дәресләре үткәрә. Курсларны Каюм Насыйри институтының тәҗрибәле методисты, татар теле һәм әдәбияты укытучысы Динә Янгуразова алып бара. Бу хакта Бөтендөнья татар конгрессы матубгат хезмәте хәбәр итә.

Язучы һәм журналист Рәмис Латыйпов һәм Фирдүс Гыймалтдиновны Татарстан Язучылар берлегенә алдылар. Әлеге карар бүген Берлекнең идарә утырышында кабул ителде.

15 февральдә VI чакырылыш Татарстан Дәүләт Советының 51нче утырышы узачак. Парламент утырышының 1нче язгы сессиясендә депутатлар 31 мәсьәләне, шул исәптән 11 республика законы проекты һәм 10 федераль закон проекты карарга планлаштыра. Бу хакта Татарстан Дәүләт Советы матбугат хезмәте хәбәр итә.

Казан мэриясе Татарстан Республикасы Рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән бушлай татар теле курсларын үткәрә.

Казанда Татарстан «Динамо» физкультура-спорт җәмгыяте пленумы утырышы узды. Пленум эшендә Татарстан «Динамо» спорт җәмгыяте рәисе һәм Татарстан Рәисе Администрациясе җитәкчесе Әсгать Сәфәров, Татарстан спорт министрының беренче урынбасары Хәлил Шәйхетдинов, шулай ук башка министрлыклар, ведомстволар, «Динамо» клублары җитәкчеләре, Татарстан спортчылары һәм тренерлары катнашты.

Татарстан Милли китапханәсендә 13-16 февраль көннәрендә «Тархан» тарихи-мәдәни бәйгесенең өченче сезоны төшереләчәк. Проектны Татарстан Мәдәният министрлыгы һәм Казан федераль университетының Халыкара мөнәсәбәтләр институты гамәлгә ашыра. Бу хакта әлеге бәйгенең оештыру комитеты хәбәр итә.

Казанда Татарстан «Динамо» Физкультура-спорт җәмгыяте пленумы утырышы узды. Утырыш башланыр алдыннан спорт җәмгыяте җитәкчесе һәм Татарстан Рәисе Администрациясе җитәкчесе Әсгать Сәфәров журналистлар белән сөйләште һәм «Динамо»ның республикада иң уңышлы һәм иң яхшы спорт җәмгыяте булуын билгеләп үтте.

Берләшкән Гарәп Әмирлекләрендә «Andakulova gallery» галереясендә Пермь скульпторы Әлфиз Сабировның «Аю бала» дип исемләнгән күргәзмәсе ачылды. Экспозиция шәхси галереяләр һәм дәүләт музейларында уздырылган күргәзмәләрнең дәвамы буларак тәкъдим ителә.

Татарстанда «Экология» илкүләм проекты гамәлгә ашырыла башлаганнан бирле 30 чара, шул исәптән Чаллыда чистарту корылмалары төзү, Түбән Кама районының Прости авылы һәм Минзәләдә чүплекләрне рекультивацияләү һ.б. үткәрелгән. Бу хакта үзенең телеграм-каналында Татарстан Рәисе Рөстәм Миңнеханов сөйләде.

12 февральдә 19:00 сәгатьтә ТР Милли китапханәсе конференц-залында «Кави-Сәрвәр. Начало» исемле документаль фильм презентациясе узачак, режиссеры – Рәмис Нәҗмиев. Фильмда «Кави-Сәрвәр» операсы язылу тарихы турында сөйләнелә. Чарада катнашу өчен сылтамага басып теркәлү үтәргә кирәк.

Филология фәннәре докторы, Галимҗан Ибраһимов исемендәге Тел, әдәбият һәм сәнгать институтының әдәбият белеме бүлеге мөдире Әлфәт Закирҗанов Галиәсгар Камалның 145 еллыгына багышланган «ХХ йөз башы татар яңарышы һәм Галиәсгар Камал» түгәрәк өстәлендә драматургның иҗаты турында сөйләде.

Бүген, 6 февральдә, кояш баеганнан соң мөселманнар мөкатдәс кичне – Исра һәм Мигъраҗ төнен каршы алачак. Татарстан мөфтие Камил хәзрәт Сәмигуллин шул уңайдан мөрәҗәгать итте.

Россия төбәкләре арасында бу иң яхшы күрсәткеч булган.

Кичә «Сәйдәш» мәдәният үзәгенең кече залында II «Безнең җыр» иҗат лабораториясенең тыңлап карау этабы булды.

«Татар-информ»га мәгълүм булганча, Казанда Тэцевская урамындагы металл кабул итү пунктының түбәсе җимерелү аркасында 34 яшьлек эшче һәлак булган.

Узган атнада яңа коронавирус инфекциясе белән авыру күрсәткече 100 мең кешегә 17,7 очрак тәшкил иткән һәм узган атна белән чагыштырганда 7,2 процентка арткан. Бу хакта Хөкүмәтнең «Объясняем.РФ» мәгълүмат порталы хәбәр итә.