Новости за 28.02.2024

Чаллыдан Түбән Кама районы ЗАГС идарәсенә «Гаилә учагы» ут капсуласын тапшырдылар. Бу хакта http://nkamsk-rt.ru/ хәбәр итә.

Чувашиянең Ишмурзино-Суринск авылында мәчет җыелышында дини курслар укытучысы Тәскирә ханым Сәлахованы күпьеллык тугрылыгы һәм хезмәте өчен билгеләп үттеләр. Чара хөрмәтле имам-хатыйб Шәүкәт хәзрәт Сәлахетдинов җитәкчелегендә узды. Бу хакта Россия мөселманнары Дини җыены матбугат хезмәте хәбәр итә.

Татарстан Рәисе Рөстәм Миңнеханов нефть чыгаруда үзебезнең технологияләрне гамәлгә кертү һәм кече нефть компанияләре белгечләренең компетенцияләрен арттыру буенча эшне активлаштырырга өндәде. Бу хакта ул оешма җитәкчеләре белән киңәшмәдә әйтте. Республика җитәкчесе матбугат хезмәте шул хакта хәбәр итә.

Россия Президенты Владимир Путин 2030 елга кадәр Россия Фәнни фондын үстерү стратегиясен раслады. Документ хокукый мәгълүмат порталында һәм Кремль сайтында чыкты.

Сургут шәһәре татарлары милли-мәдәни мохтарияте «Татар теле нульдән башлап» дигән татар телен өйрәнү курсларына кешеләр җыя. Бу хакта Вконтакте социаль челтәрендәге «Татарлар - Сургут» сәхифәсендә хәбәр ителә.

«Сбербанк» җитәкчесе Герман Греф Россиядә яңа төзелешләргә ташламалы ипотеканы гамәлдән чыгарырга кирәкми, аны үзгәртергә генә кирәк, дип саный. Бу турыда РИА Новости хәбәр итә.

Бүген Татарстан Республикасы Рәисе Рөстәм Миңнеханов 2023 елда Татарстан Республикасы кече нефть компанияләре эшчәнлеге йомгаклары һәм 2024 елга бурычлары буенча кече нефть компанияләре җитәкчеләре белән киңәшмә үткәрде. ТР Хөкүмәте Йортында узган киңәшмәдә нефть компанияләре җитәкчеләре, министрлык һәм ведомство җитәкчеләре, федераль структуралар вәкилләре катнашты.

21 февральдән «Киләчәк уеннары» шәһәре - «Казан Экспо»да фиджитал-киңлеккә 100 мең кеше килгән. Юбилей санындагы – 100 меңенче кунак Казаннан Екатерина Нәбиуллина булды. Аңа 2024 елда Көнчыгыш космодромына бару һәм ракета очыртуны карау мөмкинлеген бүләк иттеләр. Бу турыда «Татар-информ» яза.

2023 елда Казанда «Социаль ипотека» программасы буенча 7 йорт тапшырылган. Төзелеш башланган 10 объектта эшләр бара. Бу хакта бүген Казан шәһәр Думасының XXVIII сессиясендә Татарстан башкаласы мэры Илсур Метшин сөйләде, дип яза «Татар-информ» хәбәрчесе Александра Давыдова.

Бүген Татарстан Республикасы Хөкүмәте Йортында «Татнефтехиминвест-холдинг» АҖ Директорлар советының чираттагы утырышы узды. Утырышны Татарстан Республикасы Рәисе Рөстәм Миңнеханов үткәрде. Бу турыда Татарстан Рәисенең матбугат хезмәте хәбәр итте.

Татарстанда Сайлаучы көннәрен үткәрә башладылар. Беренче чара Татарстанның Чистай муниципаль районында узды. Үзәк сайлау комиссиясе рәисе Андрей Кондратьев җитәкчелегендәге Татарстан Үзәк сайлау комиссиясе Аппаратының эш төркеме Чистайда 2734нче һәм 2740нчы сайлау участокларында булды. Бу турыда «Татар-информ» хәбәр итте.

Татарстан Рәисе Рөстәм Миңнеханов телеграм-каналында 2023/2024 елгы сезонда Континенталь хоккей лигасы плей-оффы — 2024 елгы Гагарин кубогына уен алдыннан Татарстанның «Ак Барс» хоккей командасын хуплаган видео куйды.

16 марттан Казанда язгы авыл хуҗалыгы ярминкәләре башлана, алар апрель азагына кадәр дәвам итәчәк. Бу хакта Татарстан Рәисе Рөстәм Миңнеханов йомгаклау сессиясендә хәбәр итте.

6 мартта 15.00 сәгатьтә Татарстан Республикасы Милли музеенда «Алар беренче булдылар» күргәзмәсе эшли башлый. Проект беренче космонавт, СССР Герое Юрий Гагаринның 90 еллыгына багышлана.

Татарстан Рәисе Рөстәм Миңнеханов Казан янында бик тиз бара торган төзелешне хата дип атады. Бистәләрнең алга таба үсүеннән качу өчен Пространство планлаштыру институты төзелде, Казан агломерациясенең мастер-планы эшләнә.

Россиянең атказанган, Татарстанның халык артисты Илдар Хәйруллин үзенең остазы, ТАССРның Габдулла Тукай исемендәге дәүләт премиясе лауреаты, актер, режиссер, рәссам Рәфкать Бикчәнтәев турында истәлекләрен сөйләде.

Кайбер чит ил журналистлары Россия Президенты Владимир Путинның Федераль Җыенга юлламасын яктырту өчен аккредитацияләнгән. Дәүләт башлыгының матбугат сәркатибе Дмитрий Песков шул хакта хәбәр итте.

Татарстан Рәисе Рөстәм Миңнеханов Казан командасының КХЛның плей-оффы алдыннан «Ак Барс» хоккейчылары алдында чыгыш ясады. Гагарин кубогының беренче раундында казанлылар Екатеринбургның «Автомобилист» командасына каршы уйнаячак.

Татарстан Фәннәр академиясе Галимҗан Ибраһимов исемендәге Тел, әдәбият һәм сәнгать институты тарафыннан әзерләнгән 25 томлык «Татар халык иҗаты» академик басмасының 9 томы дөнья күргән. Җыентык татар халык авыз иҗатының барлык жанрларын үз эченә алган.

Казанның кайбер мәктәпләрендә Бердәм дәүләт имтиханының (БДИ) уртача нәтиҗәләре Татарстан буенча уртача күрсәткечләрдән түбәнрәк булды. IV чакырылыш Казан шәһәр Думасының XXVIII сессиясендә Татарстан Рәисе Рөстәм Миңнеханов моның өчен борчылуын белдерде.

Россия кешеләре РФ Президентын сайлауда 45 илдәге 67 сайлау участогында вакытыннан алда тавыш бирә алачак. Бу хакта Россия Үзәк сайлау комиссиясе хәбәр итә.

Казан Дәүләт торак инспекциясе республика башкаласының идарәче компанияләрендә тәртип урнаштырырга һәм аларның эшчәнлеген контрольдә тотарга тиеш. Бу кышта шәһәр халкыннан күпсанлы шикаятьләр килгән, шуларның 33 проценты торак-коммуналь хуҗалык мәсьәләләренә кагылган. Татарстан Рәисе Рөстәм Миңнеханов Казан шәһәр Думасының йомгаклау сессиясендә шулай дип белдерде.

ТАССРның Габдулла Тукай исемендәге дәүләт премиясе лауреаты, актер, режиссер, рәссам Рәфкать Бикчәнтәенең бертуганы Флера Бикчәнтәева истәлекләре белән уртаклашты. Ул Әтнә районы Түбән Бәрәскә авылы мәдәният йортына абыйсы исеме бирелү тантанасында катнашты.

1 мартта 14.00 сәгатьтә Татарстан Республикасы Милли музее филиалы – Горький һәм Шаляпин музеенда – татар прозаигы һәм публицисты, Татарстан Республикасы халык язучысы Әмирхан Еникинең 115 еллыгына багышланган «Әмирхан Еникинең әйтелмәгән васыяте» күргәзмәсе эшли башлый.

Казанда 42 мең кешенең айлык кереме яшәү минимумыннан да түбән. 162 предприятие үз эшчеләренә хезмәткә түләүнең минималь күләменнән дә азрак эш хакы түли. Татарстан Рәисе Рөстәм Миңнеханов Казан шәһәр Думасының йомгаклау сессиясендә шулай дип белдерде. Ул мондый эш бирүчеләр белән көрәшергә чакырды.