Новости за 16.02.2024

Буа районында «Кеше приюты» ноктасы ачылуга бер ел булды. Аны ачучылар, аның уңышлы эшләвенә тырышлык куючылар, мохтаҗларга кайнар ризык пешереп торучы һәм таратучылар, приютның эшен халыкка хәбәр итеп торучылар, мәдрәсә һәм «Илһам» дини үзәгенә бәһасез ярдәм итүче эшмәкәрләрнең җыелышы булды. Бу хакта Татарстан мөселманнары Диния нәзарәте матбугат хезмәте хәбәр итә.

2 мартта Тольяттида «Язлар моңы» IX татар үзешчән халык иҗаты фестивале Гала-концерты узачак. Ул «Автоград» мәдәният үзәгендә 13 сәгатьтә башлана. Бу хакта «Самара татарлары» сайтында хәбәр ителә.

Татарстанда 17 февральдә Россия Үзәк сайлау комиссиясе тарафыннан эшләнгән «Информ УИК» проекты старт ала. Ул төбәкнең сайлау комиссияләре әгъзалары сайлаучыларның фатирына киләчәк дигән сүз. РФ Президентын сайлау турында республика халкына фатирдан-фатирга йөрүче 9,3 мең кеше сөйләячәк. Бу турыда ТР Үзәк сайлау комиссиясе утырышында аның рәисе Андрей Кондратьев билгеләп үтте.

20 февральдә 18.30 сәгатьтә Туфан Миңнуллин исемендәге Түбән Кама татар дәүләт драма театрында «Җидегән чишмә» әдәби-музыкаль берләшмәсе кысаларында «Чичәннәр җыры» исемле әдәби-музыкаль кичә узачак. Ул шагыйрь, публицист, журналист, Татарстан Республикасы Язучылар берлеге әгъзасы, Муса Җәлил исемендәге республика премиясе лауреаты Рүзәл Мөхәммәтшинга багышланачак. Бу турыда Татарстан Мәдәният министрлыгы хәбәр итте.

Россия Президенты Владимир Путин Сочида XVII Кышкы халыкара сәнгать фестивалендә катнашучыларга сәлам юллады, вакыйганың Сочи халкы һәм кунаклары арасында популярлык казануын билгеләп үтте. Телеграмма Кремль сайтында чыкты.

Якындагы көннәрдә Татарстанда һәм Казанда һава торышы үзгәрәчәк. Аномаль салкынга алмашка Атлантикадан җылы циклон килә. Бу хакта бүген Казан федераль университеты профессоры, география фәннәре докторы Юрий Переведенцев хәбәр итте.

Быел Россиядә социаль салым чигерүләренең лимиты 150 мең сумга кадәр күтәрелде. Бу хакта Федераль салым хезмәтенең Татарстан буенча идарәсе җитәкчесе Марат Сафиуллин искәртте. Бу турыда «Татар-информ» хәбәр итте.

ЛДПР лидеры, президентлыкка кандидат Леонид Слуцкий бүген Казанга килде, ул партия активы белән очрашты. Татарстанны һәм биредә яшәүчеләрне хөрмәт итәм, дип белдерде ул һәм кабул иткән өчен республика җитәкчелегенә рәхмәт әйтте. Бу турыда «Татар-информ» хәбәрчесе Динара Прокопьева яза.

5-6 апрельдә Төмән өлкәсенең Тубыл шәһәрендә «Хәзерге заман белем бирү киңлегендә фән һәм практика интеграциясе: традицияләр һәм инновацияләр» темасына багышланган «Зәнкиев укулары» VIII Халыкара фәнни-гамәли конференциясе була. Бу хакта «Яңарыш» газетасы хәбәр итә.

Татарстан Рәисе Рөстәм Миңнеханов РФ Президенты каршындагы Эшкуарлар хокукларын яклау буенча вәкаләтле вәкил Борис Титов белән очрашты. Очрашу ТР Хөкүмәте Йортында узды.

Уртача тәүлеклек температура нульдән югары булгач, Татарстанга климатик яз килә. Безнең якларда ул еш кына 30 марттан 3 апрельгә кадәрге чорда була. Бу хакта бүген «Татар-информ» хәбәрчесенә Казан федераль университеты профессоры, география фәннәре докторы Юрий Переведенцев әйтте.

Бүген Татарстан Республикасы Рәисе Рөстәм Миңнеханов «Россия лидерлары» идарәчеләр конкурсының Татарстан суперфиналистлары белән очрашты. Очрашу ТР Хөкүмәте Йортында узды.

Татарстан Яшьләр эшләре министрлыгының «Яшь юлчы» проекты кысаларында 500 кеше махсус формалашкан поезд составында Мәскәүгә «Россия» күргәзмә-форумына кузгалды.

Татарстанда мартта РФ Президентын сайлауда 966 участокта видеокүзәтү системасы эшләячәк. Участок сайлау комиссияләре санын элегрәк Россия Үзәк сайлау комиссиясе раслады, ә видеокүзәтү чараларын куллану турындагы карар проекты бүген ТР Үзәк сайлау комиссиясе утырышында кабул ителде. Бу турыда «Татар-информ» хәбәрчесе Александра Давыдова яза.

22 февральдә Самара өлкәсе Похвистнево районы Гали урта гомуми белем бирү мәктәбе 1975 елда тәмамлаган беренче чыгарылыш укучыларын мәктәпнең 120 еллык юбилеена чакыра. Чара мәктәпнең актлар залында 14 сәгатьтә була. Бу хакта «Самара татарлары» сайтында хәбәр ителә.

Татарстанның икътисади үсеш нәтиҗәләре - республика предприятиеләре һәм хакимият органнарының федераль партнерлар һәм ведомстволар белән уртак эше. Бу хакта Татарстан Икътисад министрлыгының йомгаклау коллегиясендә республика Рәисе Рөстәм Миңнеханов белдерде, дип яза «Татар-информ» хәбәрчесе Александр Хверонин.

Татарстан җитәкчелеге, Шамил Бадамшин вафат булу сәбәпле, кайгы уртаклашу белдерде. Татарстан Дәүләт салым инспекциясенең элеккеге җитәкчесе 16 февральдә 84 яшендә вафат булды.

Бүген «Игенчеләр сарае» бинасында «Эш батыры - ил батыры» бәйгесендә җиңүчеләрне бүләкләделәр. Бәйгене «Сабантуй» балалар журналы Татарстан авыл хуҗалыгы һәм азык-төлек министрлыгы белән берлектә үткәрде.

Нәҗип Җиһанов исемендәге «Мирас» татар музыкасы фестивале «Ике багышлау» концерты белән төгәлләнде. Концертның беренче бүлеге күренекле композитор Фәрит Яруллинның 110 еллыгына багышланса, икенче өлеше Шамил Шәрифуллинның 75 еллыгына багышланды.

Татарстаннан Россия Герое Рәсим Баксиков РФ Прокуратура университеты филиалы Казан юридик институтында батырлык дәресе үткәрде. Ул студентларга патриотлык турында күзаллавы, махсус хәрби операция зонасындагы эш көннәре турында сөйләде, укытучыларның һәм студентларның сорауларына җавап бирде. «Без дәүләтебезне яңадан таркатырга рөхсәт итмибез», – диде ул дип яза «Татар-информ» хәбәрчесе Дмитрий Шатров.

17 мартка билгеләнгән РФ Президентын сайлау өчен Татарстанда 2,9 миллионнан артык бюллетень бастырачаклар. Бүген ТР Үзәк сайлау комитеты утырышында шул хактагы карар проектын расладылар.

Кыска вакытлы салкынга алмашка бу атна ахырында Татарстанга җылылык киләчәк, әмма күп кар явуы көтелә. Бу хакта «Татар-информ» хәбәрчесенә бүген Казан федераль университеты профессоры, география фәннәре докторы Юрий Переведенцев хәбәр итте.

Конференциянең материаллары аерым җыентык итеп бастырылачак.

Алексей Навальный* Ханты-Манси автономияле округында төзәтү колониясендә йөрергә чыккан вакытта үлгән. Ул анда җәзасын үти иде. Бу хакта Җәзаларны үтәтү федераль хезмәтенең Ямал-Ненец автономиле округы буенча идарәсе хәбәр итә.

2018 елдан алып россиялеләрнең реаль хезмәт хаклары 33,2 процентка артты, дип белдерде РФ хезмәт һәм социаль яклау министры Антон Котяков «Россия» күргәзмәсендә оештырылган Илкүләм казанышлар форумында.