Новости за 11.03.2024

Бүген Татарстан Рәисе Рөстәм Миңнеханов Беломорский урамындагы «Казаноргсинтез» заводының элеккеге идарәсенең яңартылган бинасы урынында СИБУР-ТР бизнесына эксперт ярдәме үзәгенең яңа офисын карады.

Башкортстан Башлыгы Радий Хәбиров күптән түгел татар җәмәгатьчелеге белән очрашты. Очрашуда катнашкан Башкортстан татарлары конгрессы җитәкчесе Заһир Хәкимов әлеге очрашу турында үз фикерләрен белдерде.

Татарстан Үзәк сайлау комиссиясе 15-17 мартта Россия Президенты сайлау участогының нинди булачагын күрсәтте. Журналистлар өчен экскурсияне ТР Үзәк сайлау комиссиясе рәисе Андрей Кондратьев үткәрде.

Россия Президенты Владимир Путин махсус хәрби операциядә катнашучы һәлак булган очракта түләүне алучылар санын киңәйтү мәсьәләсен карарга йөкләде. Бу хакта Кремльнең матбугат хезмәте хәбәр итә.

Арча районы Яңа Кенәр мәктәбе укучылары, «Алдынгылар хәрәкәте» илкүләм балалар һәм яшүсмерләр хәрәкәтенең Татарстан бүлеге катнашучылары «Смешарики» мультфильмын татар теленә тәрҗемә итеп, татарча тавышландырган. Бу хакта «Алдынгылар хәрәкәте»енең PR-белгече Екатерина Ибряева хәбәр итте.

Бүген, 11 мартта, Рамазан аеның беренче көнендә, Татарстанда күпьеллык гадәт буенча «Рамазан – изге гамәлләр ае» дип исемләнгән хәйрия марафоны башланып китте. Бу хакта ТР Диния нәзарәте матбугат хезмәте хәбәр итә.

Эшлекле дүшәмбедә Бөгелмә районы башлыгы Линар Закиров якташларын Россия Президентын сайлауда тавыш бирүдә катнашырга чакырды, шулай ук сайлаулар уңаеннан берничә йөкләмә бирде.

11 март көнне Мәскәү вакыты буенча 23:59 сәгатьтә Дәүләт хезмәтләре порталында калу урыны буенча тавыш бирү яисә дистанцион электрон тавыш бирүдә катнашу өчен гаризалар кабул итү тәмамлана.

Бүген Дәүләт Думасына мәктәпләрне тәмамлаучылар өчен Бердәм дәүләт имтиханын (БДИ) мәҗбүри тапшыруны гамәлдән чыгару турындагы закон проектын кертәчәкләр. Моның урынына аларга БДИ һәм традицион чыгарылыш имтиханнары арасында сайлау тәкъдим итәләр. Бу хакта ТАСС яза.

Россиядә алдагы озын яллар апрель ахырында - май башында көтелә. Бу Россия Хөкүмәте тарафыннан расланган җитештерү календарендә билгеләнгән.

Россия Президентын сайлауларда тавыш биргән казанлылар өчен 17 мартта 12:00-21:30 сәгатьләрдә «Ак барс Арена» стадионында «Сайлауларга бөтен гаилә белән» фестивале уза. Бу хакта эшлекле дүшәмбедә Казан башкарма комитеты аппараты җитәкчесе Булат Алиев сөйләде, дип яза «Татар-информ» хәбәрчесе Александра Давыдова.

Казанда Россия Президентын сайлау өчен 466 сайлау участогы, шул исәптән вакытлыча булу урыннарында 31 учакток әзерләнде. Бу хакта эшлекле дүшәмбедә Казан башкарма комитеты аппараты җитәкчесе Булат Алиев сөйләде, дип яза «Татар-информ» хәбәрчесе Александра Давыдова.

2024 елның гыйнварында Татарстанда сөт җитештерү күләме, узган елның шул аена караганда, 5,6 процентка арткан, әмма иткә терлек һәм кош-корт җитештерү 8,3 процентка, шулай ук йомырка 7,1 процентка кимегән. Республиканың социаль-икътисади хәле турында Татарстанстат әзерләгән докладта шул хакта хәбәр ителә.

Татарстан Милли музее филиалы – Шәриф Камал музее мөдире Айдар Шәйхин «Хәзерге мәдәни һәм фәнни институцияләрдә Шәриф Камал мирасын актуальләштерү» дигән түгәрәк өстәлдә Шәриф Камал мирасы турында сөйләде.

Тубыл шәһәренең Себер-татар мәдәнияте үзәгендә Халыкара хатын-кызлар көне уңаеннан гүзәл затларга багышланган концерт булды. Бу хакта ВКонтакте социаль челтәренең Тубыл шәһәренең «Себер-татар мәдәнияте үзәге» сәхифәсендә хәбәр ителә.

13 марттан 15 мартка кадәр Казанда Үзбәкстан киносы көннәре уза, чара Татарстан кинематографиясенең 100 еллыгын бәйрәм итү кысаларында оештырыла. Бу хакта Татарстанның «Татаркино» дәүләт бюджет мәдәният учреждениесе матбугат хезмәте хәбәр итә.

Бүген, 11 мартта, Татарстанда антициклон йогынтысында һава температурасы төшүе көтелә. Бу хакта Татарстан Гидрометеорология һәм әйләнә-тирә мохитне күзәтү үзәге матбугат хезмәте хәбәр итә.

10 мартта – кояш баю белән, изге Рамазан ае керде. Бүген, 11 мартта барлык мөселманнар беренче көн ураза тота. Казандагы һәм Татарстан Республикасының иң зур шәһәрләрендәге ифтарлар уздырыла торган мәчетләр исемлеге Татарстан Диния нәзарәте сайтында чыкты.

Удмуртиянең «Яңарыш» газетасында Әгерҗе шәһәреннән Илзидә Герасимованың «Мәктәпнең йөзе – аңың күркәм мөгаллимнәрендә» дигән язмасы чыкты.

9-10 мартта Казан ислам университетының Коръән хафизларын әзерләү үзәге ТР мөселманнары Диния нәзарәте белән берлектә хатын-кызлар арасында «Коръәнгә мәхәббәт белән» дип исемләнгән II Бөтенроссия Коръән конкурсын үткәрде. Бәйгедә 150 кеше катнашырга теләк белдерде, дип хәбәр итте Казан ислам университетының Коръән хафизларын әзерләү үзәге җитәкчесе Абдуррәшит хәзрәт Фәизов.

Әлмәттән махсус операция зонасына гуманитар ярдәмнең 17нче партиясен җибәрделәр. Бу хакта район башлыгының матбугат хезмәте хәбәр итә, дип яза «Әлмәт таңнары».

Татарстан Рәисе Рөстәм Миңнеханов телеграм-каналында барлык мөселманнарны Рамазан ае башлану белән котлады.

Чаллыда Май чабу бәйрәме 16 мартта өч мәйданчыкта «Азатлык» мәйданында, ГЭС бистәсенең Мәдәният һәм ял паркында, шулай ук Җиңү паркында узачак. Бәйрәм чаралары 10 сәгатьтән 15 сәгатькә кадәр дәвам итәчәк. Бу хакта «Шәһри Чаллы» хәбәр итә.

Ютазы районы Урыссу бистәсенең үзәк мәчетендә шартлы рәвештә ирекләреннән мәхрүм ителгәннәр катнашында чара узды. Районда андыйлар аз һәм алар җәмгыятьтән аерылмаган, ә төрле сәбәпләр аркасында инспекциядә исәптә тора. Бу хакта «Ютазы таңы» хәбәр итә.