Новости за 16.03.2024

Казанда яшәүче Илмир һәм Гөлфия Идрисовлар «Казан» гаилә үзәгендә никахларын рәсмиләштереп, 55нче мәктәптә урнашкан сайлау участогына барды һәм Россия Президенты сайлауларында катнашты.

Сәламәтлек мөмкинлекләре чикләнгән кешеләргә ярдәм буенча «Я смогу» автономияле коммерцияле булмаган оешма рәисе Марат Ильясов Россия Президентын сайлауда катнашты. Ул Баулы районында 1024нче сайлау участогында тавыш бирде.

Татарстанның Алабуга районында сайлауга килү күрсәткече югары, кешеләр тавыш бирергә гаиләләре белән бара. Бу хакта Татарстанның юстиция министры Рөстәм Заһидуллин муниципалитетның сайлау участокларын карап йөргәндә әйткән.

21 мартта Татарстанлылар иран һәм төрки халыкларның астрономик кояш календаре буенча Яңа ел һәм яз килү бәйрәме – Нәүрүзне билгеләп үтәчәк. Күңел ачулар югары дәрәҗәдә оештырылырга тиеш, дигән боерык бирде бүген ТР Хөкүмәт Йортында узган киңәшмәдә Рөстәм Миңнеханов. Видео республика җитәкчесе порталында бастырылган.

Әлмәт районы Түбән Мактама бистәсендә 1 нче гомуми урта белем бирү мәктәбендә урнашкан 877 нче сайлау участогында бөтен кешене тәмле коймаклар һәм кайнар чәй белән каршы алалар.

Татарстан Экология министрлыгы инспекторы Рамил Садыйков Россия Президентын сайлаулар турында шигырь укыды. Шигырьне тавыш бирү башланырга берничә көн кала Гөлфия Шакирова иҗат иткән.

ТР Үзәк сайлау комиссиясе рәисе Андрей Кондратьев бүген Татарстанның Иҗтимагый палатасы каршындагы Иҗтимагый күзәтү үзәгендә булды, ул кичә Петербург урамындагы IT-паркта ачылды. Ул күзәтүчеләрнең, шулай ук ситуацион үзәк юристларының эшен бәяләде һәм аларга хезмәтләре өчен рәхмәт белдерде.

Татарстанның халык артисты Салават Фәтхетдинов Россия Президентын сайлауга тормыш иптәше белән килде. Ул Казанның 107нче гимназиясендә урнашкан 258нче сайлау участогында тавыш бирде.

Россия Президентын сайлауда тавыш бирү тыныч уза, тавыш бирүчеләр саны югары. Бу хакта журналистларга Бәйсез иҗтимагый мониторинг белгече, «Чиста сайлаулар өчен» корпусы Бөтенроссия иҗтимагый хәрәкәте башкарма комитеты әгъзасы, Волгоград өлкәсенең Иҗтимагый палатасы әгъзасы Антон Лукаш «Татмедиа»да Россия Президентын сайлауның Бердәм мәгълүмат үзәгендә белдерде.

Россия Президентын сайлауда катнашкан татарстанлылар көн ярым дәвамында «Бөтен гаилә белән сайлауга!» конкурсына 30 меңнән артык фотография урнаштырган.

Татарстан Рәисе Администрациясе җитәкчесе Әсгать Сәфәров Россия Президентын сайлауда үз тавышын бирде. Сайлау участогыннан фоторепортаж ТР хөкүмәте сайтында чыккан.

Татарстан вице-премьеры Роман Шәйхетдинов РФ Президенты сайлауларын оештыру эшләре кысаларында ведомство буйсынуындагы Югары Ослан районында булды. Ул биредә участок сайлау комиссияләрен карап чыкты.

Бүген Татарстан Республикасы Дәүләт Киңәшчесе Минтимер Шәймиев Россия Федерациясе Президентын сайлауда катнашты. Ул Татарстанның Лаеш районы Матюшино поселогы сайлау участогында тавыш бирде. Бу хакта «Рәсми Татарстан» порталы хәбәр итә.

Татарстанда ике көн эчендә «Бәйсез иҗтимагый мониторирг» ассоциациясенең ситуацион үзәгенә күзәтүчеләрдән сайлау участокларындагы вазгыять белән бәйле 4 меңнән артык хәбәр килеп ирешкән. 
 Бу хакта ассоциация эксперты Тимур Какохо «Татмедиа» да Россия Президентын сайлауның Бердәм мәгълүмат үзәгендә хәбәр итте.

Сайлауга килү һәм үз гражданлык бурычыңны үтәү - һәр кеше өчен җаваплылыкның ачык мисалы. «Яңа кешеләр» партиясенең Татарстан төбәк бүлеге советы секретаре Роза Гайнетдинова «Татар-информ»га шундый фикер әйтте.

Татарстан «Беренчеләр хәрәкәте» Россиянең «Знание» җәмгыяте белән республиканың беренче тапкыр тавыш бирүчеләре белән очрашты. Республикада хәрәкәт җитәкчесе, Татарстан Рәисе ярдәмчесе Тимур Сөләйманов сөйләвенчә, чара һөнәр сайлауга багышланган.

Татарстанның Президент сайлауларын күзәтү тәҗрибәсе бик үзенчәлекле. Монда кулланылган күзәтү һәм җәмәгать контроле алымнарын масштаблаштырырга, үстерергә була. Бу фикерне «Бәйсез иҗтимагый мониторинг» ассоциациясе эксперты, Бөтенроссия «Чиста сайлаулар өчен» күзәтүчеләр корпусының башкарма комитеты әгъзасы Андрей Лукаш әйтте.

Мәскәү вакыты белән 13 сәгать 32 минутка Россия Президентын сайлауга участокларга килеп тавыш бирү күрсәткече 40,05 процент тәшкил итә. Бу мәгълүматлар РФ Үзәк сайлау комиссиясенең мәгълүмат таблосында чыкты.

Дүшәмбе безнең ил тормышында Кырымның Россия белән кушылуының 10 еллыгы билгеләп үтелә. Бу хакта Татарстан Рәисе Рөстәм Миңнеханов Хөкүмәт Йортында узган бүгенге киңәшмәдә әйтте. Видео республика җитәкчесе порталында чыкты.

Татарстан Премьер-министры Алексей Песошин Казанның 143 нче мәктәбендә сайлау участогында булды һәм Россия Федерациясе Президентын сайлауда үз тавышын бирде. Бу хакта Татарстан Рәисе матбугат хезмәте хәбәр итә.

Казанда «Мәскәү» мәдәният үзәгендә 165нче сайлау участогында Татарстанда яшәүче халыкларның 12 төрле милли ризыгын татып карарга була. Татарстан Халыклар ассамблеясе рәисе, ТР Дәүләт Советы Рәисе Фәрит Мөхәммәтшин интерактив зонада булды.

Сайлауга килү – һәркемгә нәрсә өчен тавыш биргәнеңне күрсәтү – үз илең, балаларың, ил һәм киләчәгең өчен, чөнки һәр тавыш Россиянең киләчәк үсеше өчен мөһим. Бу хакта «Татар-информ»га ЛДПР Татарстан төбәк бүлеге координаторы вазифаларын башкаручы Руслан Йосыпов әйтте.

Россия Хөкүмәте медицина хезмәткәрләренә социаль түләүләрне арттырды. Бу 200 меңнән күбрәк кешегә кагылачак, дип белдерде Россия Премьер-министры Михаил Мишустин. Бу хакта РИА Новости хәбәр итте.

Минзәлә театрының популяр актерларының берсе булган, ләкин соңгы елларда сәхнәдән киткән Ильяс Закиров театрда спектакль чыгарды. «Әни» мелодрамасының пьеса авторы да Ильяс үзе.

Татарстанның Үзәк сайлау комиссиясе рәисе Андрей Кондратьев Президент сайлауның беренче көнендә тавыш бирү өчен әрҗәләргә зеленка түккән һәм урналарга ут төрткән россиялеләр гамәлләрен кырыс бәяләде. Ул бу фикере белән Казан гимназиясендәге сайлау участогында тавыш биргәч уртаклашты.