Новости за 21.03.2024

Татарстан Югары суды әбиләрне буып үтерүче Радик Таһировка хөкем карары чыгарды. Аны 30дан артык өлкән яшьтәге хатын-кызны үтерүдә, шулай ук 2 тапкыр үтерергә омтылу очрагында һәм башка җинаятьне яшерү максатында үтерергә омтылуда гаепле дип таптылар. Моннан тыш суд аны 30 дан артык талау очрагында гаепле дип таныды.

Татарстан мөфтияте Үзәкләшкән дини оешма – «Ставрополь крае мөселманнары Диния нәзарәте»нә яңартылган «Казан басмасы»ның бер өлешен җибәрде. Китаплар әлеге төбәкнең мәчетләренә һәм мәгариф учреждениеләренә таратылачак. Бу турыда Татарстан Диния нәзарәте хәбәр итте.

Омскида «Гаилә остаханәсе» проектына катнашучылар җыялар. Бу хакта «ВКонтакте» социаль челтәрендә «Омск татарлары» сәхифәсендә хәбәр ителә.

Әйдәп баручы аналитик, Mobile-review.com баш мөхәррире Эльдар Мортазин «Татар-информ»га Apple компаниясенең Россиядә IPhone смартфоннарын дистанцион рәвештә блокировкалавы ни дәрәҗәдә мөмкин булуы турында сөйләде. Бу турыда «Татар-информ» хәбәрчесе Динара Прокопьева яза.

РФ Үзәк сайлау комиссиясенең махсус утырышында Үзәк сайлау комиссиясе рәисе Элла Памфилова Россия Президентын сайлауда тавыш бирүнең рәсми нәтиҗәләрен игълан итте. Дәүләтнең хәзерге башлыгы Владимир Путин 87,28 процент тавыш җыеп, җиңү яулады.

13 апрельдә Россия башкаласында «Мәскәү-Татарстан күпере» IX яшьләр форумы була. Аны Татарстан Республикасының Россия Федерациясендәге Тулы вәкаләтле вәкиллеге уздыра. Чарада Татарстан Рәисе Рөстәм Миңнеханов катнашачак. Бу хакта Вәкиллек матбугат хезмәте хәбәр итә.

Россиядә беренче сыйныфка кабул итү кампаниясе рәсми рәвештә 2024 елның 1 апреленнән дә соңга калмыйча башланачак. Бу хакта «Ведомости» Россия Мәгариф министрлыгы матбугат хезмәтенә сылтама белән хәбәр итә.

Новосибирскида шәһәр ифтары узды. Аны Новосибирск өлкәсе мөселманнарының Диния нәзарәте, мөфти Сәлим Шакирҗанов оештырды. Бу хакта ВКонтакте социаль челтәрендәге «Новосибирск татарлары» сәхифәсендә хәбәр ителә.

Шимбә көнне, 22 мартта, 14.00 сәгатьтә Татарстан Рәисенең ярдәмчесе, «Беренчеләр хәрәкәте» төбәк бүлеге җитәкчесе Тимур Сөләйманов белән онлайн-эфир оештырыла. Бу хакта «Республика Татарстан» берләшмәсенең рәсми каналында хәбәр иттеләр.

Уфаның «Нур» татар дәүләт театрында танылган татар драматургы Илгиз Зәйниевнең «Мәхәббәт элмәге» эпатаж комедиясе буенча яңа спектакль әзерләнә.

«Ялкын» журналының 100 еллыгына багышланган түгәрәк өстәлдә балалар һәм яшүсмерләр матбугатындагы проблемалар һәм чишелеш юллары турында сөйләштеләр. Фиолология фәннәре кандидаты, КФУ доценты Миләүшә Хәбетдинова газета, журналларның бетүе идеология белән бәйле булуын әйтте.

Россия туроператорлары ассоциациясендә (АТОР) 2024 елның июнендә Төркиядә ял итү бәяләре таблицасын тәкъдим иттеләр. Анда агымдагы елның 17 мартына булган мәгълүматлар буенча, 10 көнгә ике кешенең «барысы да кертелгән» форматында ялына бәя бирелгән.

Татар китабы йортында «Ялкын» журналының 100 еллыгы уңаеннан атналык башланды. Беренче көнне узган түгәрәк өстәлдә балалар һәм үсмерләр матбугатының төп проблемалары һәм чишелеш юллары турында фикер алыштылар. Очрашуда язучы, галим, матбугат белгечләре, яшьләр оешмалары һәм мәгариф белгечләре катнашты.

Россия һәм Берләшкән Гарәп Әмирлекләре Президентлары Владимир Путин һәм Мөхәммәд Әл Нахайян телефон аша сөйләште. Бу хакта Кремль матбугат хезмәте хәбәр итә.

Татарстан Дәүләт Киңәшчесе Минтимер Шәймиев журналистлар белән әңгәмәдә Россия Президентын сайлауларда катнашкан Татарстан халкының кәефе турында сөйләде.

Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев эшлекле сәфәр белән Чувашия Республикасында. Бу хакта Бөтендөнья татар конгрессы матбугат хезмәте хәбәр итә.

Татарстан кинематографиясе 100 еллыгын билгеләп үтте, һәм яңа 100 еллыкка старт бирде. Татарстанның халык артисты, юморист Гамил Әсхәдулла кинематогафиягә карата үз фикерен белдерде.

Татарстанда «Рамазан – изге гамәлләр ае» хәйрия марафоны дәвам итә. Бу хакта ТР Диния нәзарәте матбугат хезмәте хәбәр итә.

Россия Федерациясе Президентын сайлауларда катнашучыларның гомуми саны 84,61 процентны тәшкил итте. Владимир Путин өчен сайлаучыларның 88,74 проценты тавыш бирде. Илнең гамәлдәге лидерын болай хуплау россиялеләрнең һәм аерым алганда татарстанлыларның якын елларга билгеләнгән планнар белән килешүен һәм узган елларда башкарылган эшне югары бәяләвен күрсәтә, дип саный КФУның Социаль-фәлсәфи фәннәр һәм массакүләм коммуникацияләр институтының фәнни эшчәнлек буенча директор урынбасары, профессор Мария Ефлова. Читать дальше...

Татарстанда бүген алмашынучан болытлы һава булачак, явым-төшем көтелми. Иртән урыны белән томан, дип кисәттеләр республиканың Гидрометүзәгендә кисәттеләр.

«Аулак» театр мәйданчыгы Әлмәттә саңгырау, начар ишетүче һәм ишетмәүче кешеләрне берләштерә торган беренче проектны тормышка ашыруны дәвам итә. Проект кысаларында 29-31 мартта «Әлмәт» иҗтимагый үзәгендә Санкт-Петербургтан «У театр» саңгырау актерлар труппасының гастрольләре һәм мастер-класслары узачак. Бу хакта «Әлмәт таңнары» хәбәр итә.

Лениногорск бала тудыру йортында 4620 грммлы «баһадир» кыз туган. Әлеге шатлыклы вакыйга Саламатиннар гаиләсендә була. Кызлары — Яна, гаиләләрендә өченче бала. Бу хакта «Заман сулышы» Лениногорск Үзәк район хастаханәсенең ВКонтакте социаль челтәрендәге сәхифәсенә сылтама белән хәбәр итә.

Чирмешән районы Ивашкино урта мәктәбе берничә ел теплицада үсентеләр үстереп сатуга чыгара һәм моннан шактый табыш та ала. Узган елны мәктәп, үзеннән арткан үсентеләрне сатып, 25 мең сум керемле булган. Бу хакта «Безнең Чирмешән» яза.

Кукмара район Мәдәният йортында ветераннар арасында оештырылучы «Балкыш» VIII республика үзешчән башкаручылар фестиваленең зона туры үтте. Анда Кукмара, Саба, Балтач, Питрәч һәм Мамадыш районнарыннан килгән үзешчән артистлар чыгыш ясады. Бу хакта «Хезмәт даны» хәбәр итә.

Яшел Үзән районы Васильево бистәсенең 3нче мәктәбендә махсус хәрби операциядән ялга кайткан фельдшер белән очрашу узды. Хезмәткә киткәнче Андрей Александрович Васильево район үзәк хастаханәсендә фельдшер булып эшли. Бу хакта «Яшел Үзән» хәбәр итә.