Новости за 20.07.2023

Өзбекстанда Asad Algo каймана аты менен таанылган 20 жаштагы блогер мээсине жасалган операциядан кийин 19-июлда көз жумду. Башкы прокуратура анын өлүмүнө байланыштуу тергөө башталганын 20-июлда кабарлады. Блогердин Инстаграмдагы баракчасына дээрлик бир миллион адам жазылган. Март айында Mittivine каналынын автору 27 жаштагы блогер Фарход Маннопов да мурдуна операция жасаткандан кийин каза болуп калган. Анын өлүмүнө байланыштуу Башкы прокуратура кылмыш ишин ачкан, бирок чоо-жайы маалымдала элек. Читать дальше...

Нью-Йорктун Бруклин районундагы атышууда теги өзбекстандык 15 жаштагы Фаридун Мавлонов каза тапты. The New York Times басылмасы окуя 17-июлда болгонун жазды. Полициянын маалыматына караганда, атышуу болордон эки саат мурда мектеп окуучулары эки топко бөлүнүп, пикир келишпөөчүлүк чыккан. Жаңжал сыртта уланып, 17 жаштагы өспүрүм тапанча менен аткылай баштаган. Ок Фаридунга тийип, ооруканада көз жумган. Басылма маркумдун үй-бүлөсү 12 жыл мурун Өзбекстандан АКШга көчүп барганын, атасы чачтарач болуп иштеп жүргөнүн жазды. Читать дальше...

Бишкек-Ош кан жолундагы Төө-Ашуудагы тоннелди оңдоп-түздөө иштерине байланыштуу машиналардын каттамына убактылуу чектөө киргизилди. Транспорт жана коммуникациялар министрлигинин билдиришинче, чектөө 20-июлдан 26-июлга чейин созулат. Анда жол күнүгө үч маал, тактап айтканда таңкы саат 5тен 8ге чейин, күндүзгү саат 10дон 12ге чейин жана түштөн кийин саат 2ден 4кө чейин жабык болот. Буга чейин аталган тоннелдин ичиндеги жолдун сапатына байланыштуу нааразылык көбөйгөн. Айрым учурда тыгындар дагы пайда болгон. Читать дальше...

Ирандын соту белгилүү актриса Афсона Бойеганды хижаб кийбегени үчүн эки жылга эркинен ажыратты. 61 жаштагы актриса тасманын бет ачарына шляпа кийип келип, сүрөтүн социалдык тармактарга жайгаштырган эле. Сот чечиминде актрисанын жаза мөөнөтү беш жылдан кийин күчүнө кирери айтылат. Ошондой эле Афсона Бойеганга эки жылга интернет колдонууга тыюу салынды. Чечимде ал "катасын түшүнүү үчүн жума сайын психологго кайрылышы керектиги" жазылган. Афсона Бойеган 1960-1970-жылдары Иранда эң таанымал актриса болгон. Читать дальше...

Кыргызстандын бюджети энергетикадагы ири долбоор болгон “Камбар-Ата 1” ГЭСин өз алдынча курууга мүмкүнчүлүк бергидей деңгээлге жетти. Бул тууралуу бүгүн 20-июлда өкмөттүн биринчи жарым жылдыктын жыйынтыгын талдаган жыйынында Министрлер кабинетинин төрагасы Акылбек Жапаров билдирди: “Биз салыктын санын көбөйткөн жокпуз, анын коюмдарын да көтөргөн жокпуз. Азыр бюджетибиз 6,4 миллиард долларга жетти. Ушул темп менен кетсек, наркы 7 миллиард доллардын тегерегиндеги “Камбар-Ата” ГЭСин сөзсүз кошуналардын... Читать дальше...

Тажикстандын Жогорку Cоту Тоолуу-Бадахшан автоном облусундагы окуяларды чагылдырган Pamir Daily News интернет-басылмасын экстремисттик деп таап, өлкө аймагындагы ишмердигине тыюу салды. Бул тууралуу аталган басылмага каршы доо арыз берген Башкы прокуратура билдирди. Сот чечимди 14-июнда кабыл алганы бир ай өтүп коомчулукка маалым болду. Тажикстандын Кылмыш кодексинде экстремисттик деп табылган уюмдар менен кызматташуу үчүн беш жылдан сегиз жылга чейин эркинен ажыратуу жазасы каралган. Pamir... Читать дальше...

Энергетика министри Таалайбек Ибраев 20-июлда өкмөттүн жарым жылдык ишин жыйынтыктаган жыйынында соңку жагдайлардан улам бул тармакка өзгөчө кырдаал режимин киргизүүнү сунуштады. Эгер мындай чара көрүлбөсө энергетика тармагындагы дефицит көбөйөрүн эскертти.  "Өзгөчө кырдаал режимин президенттин жарлыгы менен жарыялоону сунуштайм. Быйыл электр энергиясына болгон таңкыстык 3 миллиард кВт/саат болсо, кийинки жылдары дагы өсөт. Мисалы, 2023-жылы 17 миллиард 200 миң кВт/саат болсо, 2026-жылы 19 милилард кВт/саат чейин жетет. Читать дальше...

Улуттук коопсуздук комитетинин төрагасы Камчыбек Ташиев алты айдын жыйынтыгын чыгарып жатып,  кыргыз-тажик чек арасында жарым жылдын ичинде чек ара чыры катталбаганын билдирди.  Чек араны бекемдөө иштери тууралуу маалымат берди.  "Садыр Нуркожоевичтин чек ара маселесинде "дипломатиялык жана тынчтык жолу менен чечүү" деген бир гана позициясы бар. Биз бул тапшырманы болгон аракетибиз менен аткарып жатабыз. Алты айдын ичинде Тажикстан менен чек ара чырлары катталган жок. Ушундай эле тынч болсо экен. Читать дальше...

Бишкектин четиндеги Ак-Ордо-3 конушунда кырсыкка кабылган маршруттук кичи автобустун реанимацияга түшкөн төрт жүргүнчүсүнүн биринин абалын дарыгерлер өтө оор, дагы экөөнүкүн оор деп баалап жатышат. Бул тууралуу бүгүн 20-июлда “Азаттык” радиосуна Саламаттык сактоо министрлигинин басма сөз кызматынан кабарлашты.  Ал эми төртүнчү бейтап, мекеменин маалыматына караганда, абалы жакшырып, реанимациядан жалпы бөлүмгө которулду. Калгандары травматология жана хирургия бөлүмдөрүндө дарыланууда. "Алган жарааттары ар түрдүү. Читать дальше...

Бишкектеги "Октябрь" кинотеатрынын имараты Шаршен Термечиков атындагы Чүй облустук театрына өткөрүп берилди. Бул тууралуу Маданият, маалымат, спорт жана жаштар саясаты министрлиги кабарлады. Кабыл алуу жана өткөрүп берүү актысына кинотеатрдын, кинематография депратаментинин жана театрдын жетекчилери кол койгон. Термечиков атындагы облустук театрдын түзүлгөнүнө быйыл 31 жыл болду. Алгачкы жылдары Бишкек шаардык драма театрынын имаратында спектаклдерди коюп жүргөн, бирок ал жерди ээлеп калган эмес. Читать дальше...

Улуттук коопсуздук комитетинин (УКМК) төрагасы Камчыбек Ташиев 20-июлда өкмөттүн жыйында уюшма кылмыш топторуна каршы күрөш дагы күчөтүлөрүн билдирди. Ал мындай топтордун башчыларына кайрылып, өлкөдөн чыгып кетүүгө чакырды. "Кыргызстаныбызда эч кандай уюшма кылмыш топтору, бандиттер, рэкеттер жана бизнеске кол салуу болбойт. Уюшкан кылмыш топтору толугу менен жоюлат. Менин сөздөрүмдү жөнөкөй эле жарандар эмес, уюшкан кылмыш топтору, бандиттер дагы угуп отурса керек. Урматтуу президентибиздин койгон... Читать дальше...

20-июлда өкмөттүн жарым жылдык ишин жыйынтыктаган жыйынында Улуттук коопсуздук комитеттин төрагасы Камчыбек Ташиев "коррупцияга" аралашкан мамлекеттик кызматкерлер эртеби-кечпи жазасыз калбасын эскертти. Буга байланыштуу мурдагы экология, жаратылыш ресурстары жана техникалык көзөмөл министри Динара Кутманованы мисал кылды жана аны Кумтөрдүн акчасына байланыштуу айыптады. "Мамлекеттин бюджетине кол салган аткаминер жазасыз калбайт. Иштен кеткен болсоң дагы артыңдан кууп барып жазалайбыз. Бир эле мисалды айтайын. Читать дальше...

Кыргызстанда быйыл биринчи жарым жылдыкта экономиканын бардык багыттарында өсүш болду. Бул тууралуу бүгүн, 20-июлда өкмөттүн соңку алты айдагы ишинин жыйынтыгын чыгарган жыйында Министрлер кабинетинин төрагасы Акылбек Жапаров билдирди: “Биз макроэкономикалык туруктуулукту камсыз кыла алдык. Экономикалык өсүштүн темпи 3,9% түздү. Эгерде Кумтөрдү эсепке албасак, анда 5,2% өсүшкө жетиштик. Өнөр жайда 0,5%, айыл чарбасында 2,5%, курулушта 11,2% өсүш болду. Экономиканын бардык секторлорунда өсүш катталды. Читать дальше...

Улуттук коопсуздук комитетинин төрагасы Камчыбек Ташиев 20-июлда өкмөттүн жыйынында министрлер эс албай иштеши керектигин эскертти. Өзү таң атпай жумушка келерин, башка жетекчилер дагы ишин эрте башташы керектигин айтты жана өкмөт өкүлдөрүнө көлгө барып эс алууга тыюу салды. "Айрыкча министрлер, биз көп иштешибиз керек. "Эл дем алып жатат, мен дагы дем алам" дегенди токтотушубуз керек. Көлдө чолок шым кийип, күнгө кактанып жатканыңарды көрбөйүн. Үйүңөрдө дем алгыла, иштегиле. Эмгек өргүүсү деген бизде болбойт. Читать дальше...

Улуттук коопсуздук боюнча мамлекеттик комитетинин (УКМК) төрагасы Камчыбек Ташиев 20-июлда өкмөттүн жыйынында Кыргызстанда соңку жылдары аскердик тармакка каражат бөлүү бир канча эсе көбөйгөнүн билдирди. Мындан улам мамлекеттин акчасына техникалар сатып алынып жатканын айтты. "Биз аскердик техниканы жана курал-жарактарды масштабдуу түрдө жаңыладык. 2020-жылы бул багытка 3,5 миллиард сом гана жумшалса, 2021-жылы 32 миллиард , 2022-жылы 53 миллиард сом сарпталган. Быйыл алты айда 40 миллиарддан ашык сом бөлүндү. Читать дальше...

Өзгөчө кырдаалдар министрлиги Аламүдүн суусуна агып кеткен бир жашар кызды издөө уланып жатканын кабарлады. Ага ылайык, жалпысынан 20-июлда 21 куткаруучу чыкты. "Чүй облусунда Аламүдүн капчыгайындагы сууга 18-июлда бир жашар К. С. кызы аттуу наристе түшүп кеткен. Кызын куткарам деп 1996-жылы туулган А.Э. аттуу аял дагы сууга агып кеткен. Ошол эле күнү келиндин сөөгү табылган",-деп жазылган маалыматта. Буга чейин аталган министрлик өлкөдө сууга чөгүп каза тапкан учурлар көбөйгөнүн билдирген. Читать дальше...

17-июлда президент Садыр Жапаров “Кыргыз Республикасынын мамлекеттик тили жөнүндө” конституциялык мыйзамга кол койду. Мыйзам Конституциянын ченемдерин турмушка ашыруу максатында иштелип чыкканы айтылды. 33 жылдан бери мамлекеттик тил катары саналган кыргыз тилинин абалын мыйзам оңдой алабы? Баш мыйзамда расмий тил макамы каралган орус тили менен мамлекеттик тилди колдонуу турмушта кандай жөнгө салынат? Президент Садыр Жапаров 17-июлда “Кыргыз Республикасынын мамлекеттик тили жөнүндө” (№ 140) конституциялык мыйзамга кол койду. Читать дальше...

17-июлда президент Садыр Жапаров “Кыргыз Республикасынын мамлекеттик тили жөнүндө” конституциялык мыйзамга кол койду. Мыйзам Конституциянын ченемдерин турмушка ашыруу максатында иштелип чыкканы айтылды. 33 жылдан бери мамлекеттик тил катары саналган кыргыз тилинин абалын мыйзам оңдой алабы? Баш мыйзамда расмий тил макамы каралган орус тили менен мамлекеттик тилди колдонуу турмушта кандай жөнгө салынат? Президент Садыр Жапаров 17-июлда “Кыргыз Республикасынын мамлекеттик тили жөнүндө” (№ 140) конституциялык мыйзамга кол койду. Читать дальше...