Новости за 16.08.2023

Латвиянын Чек ара кызматы 15-августтан тартып Беларус менен чек арасын кайтарууну күчөттү. Мындан улам кошумча мобилизациялоо башталганын билдирди. Мекеме муну латыш-беларус чек арасында "гибриддик коркунучтун чукул күчөгөнү" менен негиздеди. Чек ара кызматынын маалыматына ылайык, соңку бир күндө 96 адам Латвияга мыйзамсыз өтүүгө аракет кылган. Мекеменин ырасташынча, "беларус бийлик өкүлдөрүнүн чек арадан мыйзамсыз өтүүнү уюштурууга аралашкан учурлары" көбөйдү. Чек ара күзөтчүлөрү мындан улам армия менен полициядан кошумча күч сурады. Читать дальше...

Бишкек-Торугарт жолунун Боом капчыгайындагы тилкесинде 15-августтагы жол кырсыгында үч адам набыт болуп, дагы алты киши жараат алып ооруканага жеткирилди. Ички иштер министрлигинин Жол кыймылыгын коопсуздугун камсыздоо башкармалыгы анда Toyota Avensis жана Mercedes Benz үлгүсүндөгү эки машина кагышканын, кырсыктын себептери жана күнөөлүү тарап иликтенип жатканын билдирди. Нарын-Торугарт жолунун Тоң районундагы бөлүгүндө 13-августта BMW менен Audi үлгүсүндөгү машиналар сүзүшүп, сезиз киши мүрт кеткен. Читать дальше...

АКШнын Федералдык иликтөө бюросунун (ФБР) мурдагы агенти Чарльз Макгонигал орусиялык олигарх Олег Дерипасканын пайдасына тыңчылык кылганын мойнуна алды. Нью-Йорктогу федералдык сотто  ал кызматтан кеткенден кийин Дерипскага иштегенге, анын бизнестеги атаандашы Владимир Потанин тууралуу компромат чогултуп берүү макул болгонун билдирди. Экс-агенттин сөзүнө караганда ал 2021-жылы көрсөткөн кызматы үчүн олигархтан  17 миң доллар алган. Макгонигал кылган иши тууралуу өкүнөрүн айтты.  Associated Press... Читать дальше...

Борбордук шайлоо комиссиясы (БШК) Бишкектеги бир мандаттуу Ленин округундагы кайра шайлоого катышууга арыз берген үч адамды талапкерликке каттаган жок. Тактап айтканда, Роман Ремнёв, Назарбек Нышанов жана Ильязбек Якубов керектүү документтерди толук тапшырбаганына, шайлоо фондун түзбөгөнүнө жана күрөөгө акча төлөбөгөнүнө байланыштуу каттоодон өтпөй калды. Талапкерликтен четтетилгендер БШКнын чечимине байланыштуу комментарий бере элек. Бул округдагы кайра шайлоого катышуу үчүн 34 адам арыз берген. Читать дальше...

Чолпон-Ата шаарында бүгүн, 16-августта кыргыз-өзбек өкмөттөрүнүн биргелешкен комиссиясынын 10-жыйыны башталат. Ага Өзбекстандан премьер-министр Абдулла Арипов баштаган делегация катышат. Расмий Бишкек анда кандай маселелер каралары тууралуу маалымат тараткан эмес. Өзбек өкмөт башчысы Кыргызстанга 15-августта келген жана аны президент Садыр Жапаров кабыл алган. Президенттин басма сөз кызматы тараптар саясий, соода-экономикалык, маданий-гуманитардык жана башка чөйрөлөрдө кызматташууну мындан... Читать дальше...

Грузиянын Ички иштер министрлиги 15-августта билдиргендей, өлкөнүн түндүк-батышындагы курорттук аймакта жүргөн жер көчкүдөн мүрт кеткендердин саны 26га жетти. Жети киши дайынсыз. Куткаруу иштери табигый кырсык болгон аймактарда жана жакынкы дарыялардын жээктеринде да жүрүп жатканын Өзгөчө кырдаалдар министрлиги Фейсбукка жазды. Окуя 3-августта минералдык булактары жана жыш токойлору менен белгилүү Шови курорттук аймагында болгон. Жер көчкү бир катар мейманканаларды жана коттедждерди басып калган. Читать дальше...