Казакстандын Чымкент шаарында 2022-жылдын январь айындагы кандуу окуяларда каза болгон жарандардын ата-энелери нааразылык билдиришүүдө. Алар шейшемби күнү жергиликтүү акимчиликтин алдына чогулуп, “Кандуу Каңтар” окуяларында митингчилерге ок чыгарган адамдарды жана ок атууга буйрук берген коопсуздук тармагындагы жетекчилерди таап берүүнү талап кылышты.
IPVM иликтөө тобунун колуна тийген келишимге ылайык, Кытайдын Hikvision компаниясы уйгурлардын жүзүн тааныган программа чыгарууну улантып, бул үчүн алты миллион доллар алган. Hikvision видео көзөмөл системаларын чыгарган дүйнөдөгү эң чоң фирма. Ал буга чейин уйгурларды аныктай алган функциясы бар камераларды Шинжаңга жеткирип турганы үчүн АКШнын санкциясына кабылган. Кийин компания уйгурлардын жүзүн тааныган программасы иштен чыкканын билдирген. Бириккен Улуттар Уюмунун маалыматына ылайык, ушу... Читать дальше...
Атайын кызмат Бишкекте фашисттик символдорду колдонуп, азиат түспөлүндөгү адамдарды сабаган топ кармалганын билдирди. Славян тектүүлөрдөн турган топ өспүрүм балдарды сабаган видеолорду социалдык тармактарга жүктөп келген. Активисттер кармалгандарды Орусиядагы "такырбаштардын шериктери" деп сыпатташууда. Улуттук коопсуздук боюнча мамлекеттик комитети (УКМК) Бишкекте кармалган үч жаран "азиат түспөлүндөгү адамдарга карата мыйзамсыз иш-аракеттерди жасап, видеого тартып, социалдык тармактарга жарыялап жүргөнүн" кабарлады. Читать дальше...
Бишкектеги Тез жардам кызматынын дарыгерлери айлыктары азайып кеткенине нааразы. Алар жарым жылда эмгек акылары 10 миң сомго чейин кыскарып айтып жытышат. Казакстандын Борон айылын чиркей каптады. Мындан улам айылдыктар сыртка чыга албай жатышат. Кытайдын баш калаасы Бээжинде тынбай жааган нөшөр бери дегенде 11 кишинин өмүрүн алды. Синоптиктер жакынкы күндөрү Кытайда "Ханун" деп аталган жаан аралашкан катуу бороон болорун эскертүүдө.
Төө-Ашуудагы тоннелге киргизилген чектөөлөр алынып, жол ачылды. Бул тууралуу Транспорт жана коммуникациялар министрлигинин маалымат кызматы кабарлады. Бишкек-Ош автожолундагы Төө-Ашуудагы узундугу үч чакырымдык тоннелди оңдоп-түздөө иши эки ай мурда башталган. Буга байланыштуу 26-июлдан тарта унаа каттамына убактылуу чектөө киргизилген. Аталган мекеме жакын арада тоннелдин кирип-чыккан жерлерин көрктөндүрүү иштери башталарын билдирди. Бул учурда автоунаалар үчүн эч кандай чектөөлөр болбойт. Читать дальше...
Орусиянын Жогорку соту журналист Иван Сафроновдун кассациялык арызын четке кагып, мурдагы инстанциянын өкүмүн күчүндө калтырды. 2-августта сот жараяны жабык өттү, ага Сафронов өзү катышкан жок. Журналист мамлекеттик чыккынчылыкка айыпталып, былтыр сентябрда 22 жылга кесилген. Сот Сафроновду "мамлекеттик сырга тиешелүү маалыматтарды НАТО өлкөлөрүнүн чалгындоо кызматкерлерине берген" деп тапты. Камакка алынганга чейин ал Роскосмостун жетекчисинин кеңешчиси жана “Коммерсантъ” менен “Ведомости” гезиттеринде кабарчы болуп иштеген. Читать дальше...
Ысык-Көлдө 51 жаштагы аялды зордуктоого шек саналган жаранды үй камагына чыгарган судья өз эрки менен кызматтан кетти. Жалал-Абадда 36 жаштагы келинди зордуктаганын моюнуна алган мурдагы милиция кызматкерин үй камагына чыгарган соттор боюнча Жогорку сот үн ката элек. Бул окуялар сот системасындагы аялдарга карата зомбулукка жетиштүү көңүл бурулбай жатканы тууралуу талкууларга жол ачты. "Үмүт пайда болду эле" Өткөн аптада Ысык-Көлдүн Ак-Суу районунун тургуну, 51 жаштагы аял өзүн күчтөп автоунаасына салып барып... Читать дальше...
Борбордук шайлоо комиссиясы Бишкек шаарындагы бир мандаттуу Ленин округунан депутаттыкка шайланып, кийин мандатын тапшырган Жаныбек Абировду кайра шайлоого катышуудан четтетти. Бул тууралуу чечим БШКнын 2-августтагы отурумунда кабыл алынды. Тиешелүү токтомдо Абиров мандатын тапшырганы үчүн шайлоо өнөктүгү башталганын, ал башкалар шайлануусу үчүн орун бошотуп бергени үчүн кайра шайлоого катышпашы керектиги айтылат. Мындан улам анын талапкерликке берген арызы жана документтери кабыл алынган жок. Читать дальше...
Билим берүү жана илим министри Каныбек Иманалиев чет элдиктерге кыргыз тилин акысыз үйрөткөн Виктория Кринвальдды кабыл алды. Бул тууралуу аталган мекеменин басма сөз кызматы кабарлады. "Азаттык" улуту немис, 24 жаштагы Виктория Кринвальд чет элдиктерге кыргыз тилин акысыз үйрөтүп жатканы тууралуу видео тарткан. Ал бир жыл мурда Бишкекте кыргыз тили боюнча курс ачкан. Учурда каалоочуларга акысыз тил үйрөтөт. Казакстандан көчүп келген немис кызынын сабагына кыргызча үйрөнгүсү келген бардык улуттун өкүлдөрү келет. Читать дальше...
3-августта түнкүсүн Ысык-Көл, Нарын облустарынын айрым жерлеринде өткүн өтүп, күн күркүрөшү мүмкүн. Калган аймактарда жаан-чачын болбойт. Күндүз тоолуу аймактарда өткүн өтүп, күн күркүрөйт. Батыштан соккон шамалдын ылдамдыгы секундасына 4-9 метрге жетет. Абанын температурасы: Чүй өрөөнүндө түнкүсүн 19…24, күндүз 33…38; Талас өрөөнүндө түнкүсүн 17…22, күндүз 30…35; Баткен, Ош, Жалал-Абад облустарында түнкүсүн 21…26, күндүз 34…39; Ысык-Көл облусунда түнкүсүн 11…16, күндүз 26…31; Нарын облусунда түнкүсүн 8…13... Читать дальше...
Казакстандын Чымкент калаасында 1-августтун кечинде полиция Январь окуясында каза болгондордун жакындарын кармап кетти. Алар ушул эле күнү эртең менен акимчиликтин алдында нааразылык акциясын өткөрүп, бийликтен алардын жакындарын аткандарды жана атууга буйрук бергендерди табууну талап кылды. Калаа жетекчилигинен аларга эч ким чыккан эмес, болгону акция "мыйзамсыз" экенин айтып, таркап кетүүгө чакырышкан. Кармалгандар бир нече сааттан кийин бошотулду. Аларга сот болорун айтышкан. Бирок качан, кайсы убакытка белгиленгенин такташкан эмес. Читать дальше...
Кара-Кулжа районунун Кызыл-Жар айыл аймагына караштуу Кайым-Талаа айылындагы мектепти өрт чалды. Бул тууралуу Өзгөчө кырдаалдар министрлигинин (ӨКМ) басма сөз кызматы бүгүн, 2-августта кабарлады. Тилсиз жоо 15:30га жакын курчоого алынган. Өрттүн себептери жана жабыркагандар бар-жогу айтыла элек. ӨКМдин маалыматына караганда, өткөн суткада өлкө боюнча 27 өрт кырсыгы катталган. Жабыркагандар жана каза болгондор болгон эмес. Былтыр өрттөн өлкөдө 30 адамдын өмүрү кыйылган. Жалпысынан 3194 өрт кырсыгы катталып... Читать дальше...
“Адам ресурстарын өркүндөтүү үчүн стипендиялар программасынын” алкагында Кыргызстан Жапониянын өкмөтүнөн 2.26 млн доллар кайтарымсыз жардам алды. Бул тууралуу финансы министринин орун басары Руслан Татиков Фейсбуктагы баракчасында жазды. Гранттык макулдашууга кыргыз тараптан Татиков, жапон тараптан Жапониянын Эл аралык кызматташтык боюнча агенттиги (JICA) уюмунун Кыргызстандагы туруктуу өкүлү Кавамото Хироюки 2-августта, Бишкекте кол койду. Кол коюу аземине Жапониянын Бишкектеги элчиси Хидэки Года... Читать дальше...
Борбордук шайлоо комиссиясынын (БШК) 2-августтагы маалыматына ылайык, Бишкек шаарындагы бир мандаттуу Ленин округундагы кайра шайлоого катышуу үчүн арыз бергендердин саны 16га жетти. БШКнын соңку маалыматына караганда, Ханзада Осмоналиевадан арыз келип түшкөн. Мекеменин расмий сайтында ал өзүн өзү көрсөткөнү жана аскер адамы экени жазылган. Буга чейин арыз тапшыргандар: Ыргал Кадыралиева, Мурат Эсенаманов, Нургүл Сооронбаева, Эртай Искаков, Аскар Алмаз уулу, Эркин Булекбаев, Роман Ремнев, Турсунбай Бакир уулу... Читать дальше...
Ташкенттин Мирабад райондук сотунда таанымал блогер Абдукодир Муминовдун ишин кароо аягына чыгууда. 1-августта өткөн жараянда прокурор судья Сардорбек Садиковдон блогерди 11 жылга абакка кесүүнү суранды. 247 миң катталуучусу бар Ko'zgu Ютуб-каналынын автору, блогер, 33 жаштагы Абдукодир Муминов "Ири көлөмдөгү каражат талап кылуу", "Алдамчылык", "Пара берүүгө катыштыгы бар" жана башка беренелер боюнча айыпталууда. Ага каршы 14 киши, анын ичинде бир нече ишкер арыз жазган. Айрымдардын сөзүнө караганда... Читать дальше...
Ноокат районундагы 14 жаштагы өспүрүм асынган абалда табылды. Туугандары анын денесинде көгала так бар экенин жана башы жарылганын айтып жатышат. Бул окуяга байланыштуу 36 жаштагы жаран кылмышка шек саналууда. Ош облустук милициясы тергөө жүрүп жатканын маалымдады.
Улуттук коопсуздук боюнча мамлекеттик комитети (УКМК) Бишкек шаарында жана Чүй облусунда азиат түспөлүндөгү адамдарды видеого тартып, социалдык тармактарга жарыялап, мыйзамсыз иш-аракеттерди жасаган үч адам кармалганын билдирди. Маалыматка караганда, алар С.Б.М., Н.Р.В. жана С.Г.Р аттуу Бишкек жана Чүй облусунун тургундары. Атайын кызмат кармалгандар өздөрүнүн видеолорунда фашисттик символдорду колдонгонун, тергөө иш-чараларынын алкагында алардын мыйзамсыз иш-аракеттерин далилдеген буюмдар алынганын кабарлады. Читать дальше...
Казакстандагы "Транстелеком" байланыш түйүнүнүн директорлор кеңешинин жетекчилигине мурдагы президент Нурсултан Назарбаевдин улуу небереси Нурали Алиев келди. Бул тууралуу Казакстан фондулук биржасы (KASE) кабарлаганын "Азаттыктын" казак кызматы 1-августта жазды. Мындай чечим 25-июлда өткөн акционерлердин жыйынында кабыл алынган. Маалыматка караганда, Нурали Алиев 2016-жылы биринчи жолу директорлор кеңешинин курамына кирген. 2022-жылдын башындагы Январь окуяларынан кийин экс-президенттин айрым туугандары... Читать дальше...
Соңку күндөрү Кытайдын баш калаасы Бээжинде тынбай жааган нөшөр бери дегенде 11 кишинин өмүрүн алды. Бул тууралуу мамлекеттик CCTV телеканалы 1-августта билдирди. Кайтыш болгондордун экөө куткаруучулар экени кабарланды. 13 тургун табыла элек. Жакынкы Хэбей провинциясына 800 миңден ашуун киши эвакуцияланган. Ал жакта да табигый кырсык тогуз адамдын өмүрүн алганы маалым болду. Кытайдын лидери Си Цзиньпин жаандан улам жоголгондорду табууга жана куткарууга «бардык күчтү жумшоого» чакырды. ... Читать дальше...
Бишкектин Биринчи май райондук соту президент Садыр Жапаровдун коррупцияга шек саналып кармалган иниси Улан Жапаровду 26-сентябрга чейин абакта калтырды. Соттун басма сөз кызматы 2-августта “Азаттыкка” ырастагандай, анын бөгөт чарасын кароодо абакта калтыруу өтүнүчүн Ички иштер министрлигинин тергөөчүсү келтирген. Буга чейин президенттин аталаш тууганы Улан Жапаров бажыдагы коррупцияга байланыштуу камалганы белгилүү болгон. Президенттик администрациянын маалыматтык саясат кызматынын башчысы Дайырбек... Читать дальше...
Кантта белгисиз адамдар "Балыкчы - Бишкек" темир жол каттамындагы VIP, "Люкс" вагондорунун айнегин талкалап кетти. Бул тууралуу "Кыргыз темир жолу" ишканасынын басма сөз кызматы кабарлады. Окуя 1-августта, болжол менен кечки саат 9дан өткөндө Дмитриевка – Кант станциясында орун алган. VIP, "Люкс" жана жөнөкөй вагондун 9-купесинин терезелери сынып, башка вагондун жумушчу тарабындагы тамбурдун терезеси талкаланган. Маалыматка караганда, окуя болгон жердеги сынган терезелер убактылуу скотч менен жабылып, поезд өз жолун уланткан. Читать дальше...
Улуттук телерадио корпорациясы (УТРК) “Чекит медиа” жана анын журналисти Асел Сооронбаеванын фейк-фабрика тууралуу кезектеги иликтөөсүнө жооп берди. Мекеменин билдирүүсү анын Фейсбуктагы баракчасында жарыяланды. УТРК аталган программада айтылгандай эле WhatsApp мессенжеринде телеканалдын атайын “УТРКны таанытуу” деген тайпасы бар экенин ырастайт. Ошол эле маалда медиа ал бийликти жактап, башкаларды каралоо максатында эмес, корпорациянын өзүн таанытуу максатында түзүлгөнүн билдирди. “Аты айтып тургандай эле... Читать дальше...
Президент Садыр Жапаровдун “Жаңы Кыргызстанды куруу багыты” аталышындагы китеби жарык көрдү. Бул тууралуу маалыматты “Азаттыкка” президенттин басма сөз катчысы Эрбол Султанбаев ырастады. “Бул идеологиялык багыттагы китеп, ошондой эле кыргыз элинин маданияты, салты тууралуу да маалымат бар. Мындан тышкары жаңы Кыргызстанды түзүү жана куруу идеялары камтылган”, - деди ал. 41 миң нускада чыккан китеп аймактарга, мамлекеттик мекемелерге жана китепканаларга таратылат. Президент Садыр Жапаровдун... Читать дальше...
Жумгал районунун Миң-Куш айылында "Туюк-Суу" уран калдыгын сактоочу жайын көчүрүү иштери башталды. Бул тууралуу президенттик администрациянын басма сөз кызматы 1-августта кабарлады. 13-июлда президент Садыр Жапаров Миң-Куш айылынын жергиликтүү калкы менен жолугушуп, радиоактивдүү калдыктарды жок кылуу, зыянсыздандыруу "Туюк-Суудагы" уран калдыктарын "Дальнее" сактоо жайына ташуу учурундагы коопсуздук маселелери боюнча кооптонууларын уккан. "Жыйынтыгында айыл тургундарынын басымдуу бөлүгү... Читать дальше...
Иркустк шаардык соту тажик мигранттары жашаган вагонго өрт коюуга айыпталган бир полиция кызматкери менен үч жергиликтүү тургунду актаган өкүм чыгарды. 2021-жылы болгон окуяда эки тажикстандыктын өмүрү кыйылган. Жабыркагандардын туугандары "Озоди" радиосуна маалымдагандай, сот айыпталуучуларды толугу менен күнөөсүз деп таап, сот залынан бошоткон. 2021-жылдын ноябрь айында Иркутскидеги Залари айылынын тургундары жети тажикстандык мигрант жашаган вагонго өрт коюшкан. Натыйжада 21 жаштагы Насимжони... Читать дальше...