Новости за 06.08.2023

Ала-Арча паркындагы дарыяга агып кеткен Борис Михайловдун жана анын сегиз жаштагы кызынын сөөгү табылды. Бул тууралуу Өзгөчө кырдаалдар министрлиги Фейсбуктагы баракчасы аркылуу билдирди. Маалыматка ылайык, 6-августта саат 15:30да куткаруучулар атасынын сөөгүн, бир нече саатка созулган издөө иштеринен кийин кызынын да сөөгүн суудан таап чыгып, милиция кызматкерлерине өткөрүп беришкен. Борис Михайлов кызы менен Ала-Арча паркына 3-августта кеткен. Ошондон бери алардын дайыны чыкпай жаткан. ... Читать дальше...

Медицинада "мээримдүү жаналгыч" деген атка конгон сарыктын оор түрлөрү кантип жугат? Бул дарттын жайылып кетишине эмне себеп жана Кыргызстанда жагдай кандай?  Дартка чалдыгып, боор алмаштырууга аргасыз болгон бейтаптар кандай кыйынчылыктарга кабылат? “Сергек жашоо” подкастында бул суроолорду дарыгер-гепатолог Дилшад Мамажанов, "Гепатит менен күрөшүү" коомдук бирикмесинин жетекчисинин орун басары Анипа Надирова, гепатит илдетинин айынан жакында эле боорун Индиядан алмаштырып келген Мубара Шерматова менен талкуулайбыз. Читать дальше...

Түп районундагы сел жүргөн Кең-Суу жана Байзак айылдарында чыгымды тактоо, кырсыктын кесепетин жоюу иштери уланып жатат. Өзгөчө кырдаалдар министрлигинин билдиришинче, баштапкы маалыматка ылайык, 2-августтагы селде Кең-Сууда 31, ал эми Байзак айылынан 17 үйдү суу каптаган,  төрт көпүрө жабыркады, экөө авариялык абалда турат. Андан сырткары жети ички чарбалык жол жабыркап, үч чакырымы калыбына келтирилди. Мунун алдында аталган министрлик нөшөрлөп жааган жаандан улам тоолуу жана тоо этектериндеги айылдарда сел жүрүшү мүмкүндүгүн эскерткен. Читать дальше...

Бишкектин четиндеги Ала-Арча паркындагы дарыяга чөгүп кеткен Борис Михайлов аттуу адамдын сөөгү табылды, ал эми анын сегиз жашар кызын издөө уланып жатат. Бул тууралуу кырсыктаган үй-бүлөнүн жакындары кабарлады жана куткаруучулар, издегендер аз болуп жатканын айтып, ыктыярчылардын жардамына муктаж экенин, дрон керектигин билдиришти. Буга байланыштуу Өзгөчө кырдаалдар министрлиги азырынча маалымат бере элек. Борис Михайлов кызы менен Ала-Арча паркына 3-августта кеткен. Ошондон бери алардын дайыны чыкпай жаткан. Читать дальше...

Президент Садыр Жапаров 6-августта "Кабар" маалымат агенттигине 12 жылдан бери казылбай турган "Жыргалаң" көмүр кенинин ишке кириши тууралуу түшүндүмө берди. Анда аталган кенди 2009-жылы бир тууган агасы Сабыр Жапаров 80 миллион сомдой карызы менен аукциондо сатып алганын, 2011-жылдан тартып ишке киргизгенин айтып берген. Шахтаны 2014-жылы криминалдар тартып алганын, Өзгөчө кырдаалдар министрлигинин эки кызматкери мерт болгон учур катталганын жана ошондон бери шахтага суу толуп казылбай турганын билдирди. Читать дальше...

Жолдош Турдубаев - адабиятчы, публицист, журналисттер арасында өткөрүлгөн республикалык сынактарда бир нече ирет баш байгелерди жеңип алган, 2007-жылы Voice of Freedom Central Asia сынагынын экинчи байгесине ээ болгон. Автордун пикири "Азаттыктын" көз карашын чагылдырбайт. Кечээ жакында кыргыз тилинин макамын бекемдөөгө багытталган мыйзам эмне үчүн саясий нукта талкууланып кетти? Эмне үчүн кээде жеке адамдардын эле эмес, бүтүндөй өлкөлөрдүн, мамлекеттердин ортосунда тил табышуу ниетинен зулумдук... Читать дальше...

“Кумтөр” ишканасы кирешеси азайганы тууралуу маалыматтарды четке какты. Компания тараткан билдирүүдө соңку жарым жылда пайда менен чыкканы жазылган. “Акыркы убакыттарда айрым Жалпыга маалымдоо каражаттары  Кумтөр кени тууралуу туура эмес, чындыкка дал келбеген, такталбаган, бир тараптуу маалыматтарды маал-маалы менен таратып жатат. Алар  “Кумтөр” ишканасы "2023-жылы мамлекетке пайда алып келбей, тескерисинче артка кетти" дешүүдө. “Кумтөр Голд Компани”   бир да кадам артка кеткен жок деп ишенимдүү жана жоопкерчиликтүү түрдө айта алат. Читать дальше...

Грузиянын тоолуу Рача аймагындагы Шови курорттук айылында 3-августтагы жер көчкүдөн мерт болгондордун саны 16га жетти. Бул тууралуу Ички иштер министрлиги кабарлады. Кырсык болгон аймакта куткаруу, дайынсыз жоголгондорду издөө уланып жатат. Буга чейин кеминде 35 адамдын дайыны чыкпай жатканы кабарланган. Кырсык болгон күнү алты адамдын сөөгү табылган. Жер көчкү болгон аймактан жүздөгөн адам эвакуацияланган.  Көчкү бир катар мейманканаларды жана коттедждерди басып калган. Өзгөчө кырдаалдар... Читать дальше...

Кемпир-Абад иши боюнча кармалып, камакта жаткан саясатчы Азимбек Бекназаров абактан кат жолдоп, иш боюнча тергөө оңдуу жүрбөгөнүн, сот отуруму да башталган боюнча токтоп турганын билдирди. Саясатчы ошондой эле Министрлер кабинетинин төрагасынын орун басары Эдил Байсаловдун “Азаттык” радиосундагы интервьюсунда айткан сөздөрүнө жооп берди. "Бийлик укпаса, эл аралык уюмдарга кайрылдык" Кемпир-Абад иши боюнча кармалып, камакта жаткан саясатчы Азимбек Бекназаров Министрлер кабинетинин төрагасынын... Читать дальше...

Ички иштер министрлиги (ИИМ) Бишкек шаарындагы көчөлөрдүн бириндеги чырда башка жаранды тапанчасы менен опузалаган адамга байланыштуу териштирүү башталганын билдирди. Окуя Ленин райондук милициясынын маалымат журналына катталып, тергөөгө чейинки текшерүү жүрүп жатат. Ага ылайык, тапанчасы менен опузалаган жаран кармалып, тек-жайы аныкталды. Ал коркутту деген адам дооматы жок экенин айтып, ага каршы арыз жазуудан баш тартты. “Социалдык тармактарда  белгисиз адам Некрасов көчөсүндө коомдук тартипти жана жүрүм-турум нормаларын одоно бузуп... Читать дальше...