Новости за 04.09.2023

“Азаттык” радиосунун YouTube каналында катталуучулар 2 миллионго жетти. Каналдан сиз Кыргызстанда жана дүйнөдө болуп жаткан саясий, коомдук окуялардан кабардар боло аласыз. Ошондой эле каналга курч иликтөөлөр, эксклюзивдүү маектер, кызыктуу каармандардын окуялары, видео баяндар, даректүү тасмалар жүктөлөт. Ар кандай талкуулар, окуялар, жаңылыктар да түз алып (livestream) берилет. “Азаттыктын” YouTube каналы 2010-жылы ачылган. Бардык социалдык тармактарда “Азаттыктын” расмий баракчалары бар. Ушул тапта Facebook'тагы баракчага 465 миң... Читать дальше...

Жогорку Кеңештин депутаты Марлен Маматалиев электромобилдерди сатып алуу үчүн жарандарга бир катар жеңилдиктерди жана кызыктыруучу шарттарды түзүүнү сунуштады. Бул тууралуу ал 4-сентябрда парламенттин Агрардык саясат, суу ресурстары, экология жана регионалдык өнүктүрүү боюнча комитетинин жыйынында билдирди. Ал электромобиль сатып алган жарандарга “жашыл номурларды” берип, аларга унаалардын салыгын 10% чейин, жол эрежесин бузган учурда айыппулдун көлөмү 50% арзандатууну, унаа токтотуучу жайларды бекер кылууну сунуштады. Читать дальше...

Мамлекеттик Думасында Кыргызстандын жарандарына Орусияда айдоочу болуп иштөөгө тыюу салуу боюнча мыйзам долбоору сунушталды. Долбоордун түшүндүрмөсүндө айдоочу болуп иштөөгө бир гана орусиянын күбөлүгү барларга уруксат берилери каралган. Бул тууралуу орусиялык ТАСС агенттиги жазды. “Жол кыймылынын коопсуздугу жөнүндө” мыйзамдын азыркы редакциясында Кыргызстандын жана орус тили расмий тил болуп саналган башка өлкөлөрдүн жарандарына Орусия аймагында такси жана автобус айдоочусу болуп иштөөгө уруксат берилген. Читать дальше...

Ыбырсыган шаар жашоосунан тажаган жаш адам Улуу тоого чыгат. Бийикте туруп буга чейинки жашоосун акыл элегинен өткөрөт, тиричилик түйшүгүнө басырылып калган жан дүйнөсүн тазалайт. Кирсиз табият койнунда буга чейинки жашоосу, көргөн кыйынчылыктары түккө арзыбайт экен. Ашым Жакыпбековдун “Улуу тоо” экилтигине кирген “Менин таңкы салкыным” новелласы тууралуу кеп кылабыз. Аксакал кейиптенген эки чоку “Бул эки чокунун сол жактагысын Манастын чокусу дейт эл, оң жактагысын Бакайдын тоосу дейт”. Күркүрөөгө... Читать дальше...

Ошто көкбөрү оюну аяктагандан кийинки жаңжалга байланыштуу милицияда баш-аягы 65 киши суракка алынды. Алардын ичинен 9 адамга Кылмыш-жаза кодексинин “Бейбаштык” беренеси менен иш козголуп, Кара-Суу райондук соту беш кишини эки айга камакка алды. Убактылуу кармоо жайда отурган дагы төрт адамдын бөгөт чарасы 4-сентябрда каралат. Калган 56 кишиге Укук бузуулар жөнүндө кодекстин “Майда бейбаштык” беренеси боюнча протоколдор түзүлүп коё берилген. Бул тууралуу “Азаттыкка” Ош облустук милициясынын басма сөз кызматы билдирди. Читать дальше...

Бишкектин четиндеги “Жунхай” базарынын соодагерлери кампаларын ачуу талабын коюп, иш ташташканын билдирди. 4-сентябрда нааразылык акциягы чыккан соодагерлердин бири Аиза Рысбекованын айтымында, Мамлекеттик салык кызматынын адистери бир апта мурун товар сактаган ондогон кампаларга (ред: склад) мөөр басып кеткен. “Кампада турган товардын жалпы наркынан 10% салык катары төлөгүлө деп атат. Бирок бул биз үчүн көп чыгым. 30 жылдан бери бизге товарлар кара базардан келет. Анын үстүнө биздин товарларды жакынкы Казакстан жана Орусия гана алат. Читать дальше...

Таласта Ошто өткөн көкбөрү оюнунан кийин жолдон өтүп бараткан төрт адамды токтотуп, негизсиз сабоого шек саналган беш кишинин баш коргоо чарасы 3-сентябрда Бакай-Ата райондук сотунда каралып, 3-ноябрга чейин камакка алынды. Бул тууралуу "Азаттыкка" 4-сентябрда облустук соттун басма сөз катчысы Нурдин Байжигитов билдирди. Буга чейин кармалгандарды үй камагына чыгаруу өтүнүчү менен өлкө жетекчилерине кайрылган видеолор социалдык тармактарга тараган. 31-августтан 1-сентябрга караган түнү төрт адамды белгисиз жарандар коркутуп... Читать дальше...

Экономика жана коммерция министри Данияр Амангелдиев Кыргызстанды эч ким тышкы карыз менен коркута албай турганын билдирди. Бул тууралуу ал 31-августта Токмок шаарында кыргызстандыктарды эгемендик майрамы менен куттукттоо сөзүндө айткан. Министрликтин сайтына жарыяланган куттуктоодо өлкөдө консолидацияланган бюджет былтыр 442,8 млрд. сом болгону, быйыл ал 557,5 млрд. сомго жете турганы жазылган. Андан тышкары бул жылы Салык кызматы 196,1 млрд. сом, Бажы кызматы 94,6 млрд. сом чогултат деп күтүлүп жатканы белгиленген. Читать дальше...

Жаза аткаруу мамлекеттик кызматы (ЖАМК) саясатчы, Кемпир-Абад иши боюнча айыпталып, №1 тергөө абагында кармалып турган Равшан Жээнбековдун кыйноого кабылганы тууралуу айткандарын төгүндөдү. Мекеменин басма сөз катчысы Ызаат Тургунбаева 4-сентябрда "Азаттыкка" билдиргендей, абактарда кыйноого жол берилбейт. "Абакта баары мыйзамда көрсөтүлгөн негизде жана тартипте кармалат. Эч кандай кыйноолорго жол берилбейт. Көзөмөлдү жогору турган органдар, прокуратура жүргүзөт. Алардан тышкары Акыйкатчы, Кыйноолорго каршы борбор... Читать дальше...

Борбор Азиядагы, анын ичинде Кыргызстандагы экономикалык кыйын кырдаал миңдеген мигрантка АКШга Мексика аркылуу кооптуу жол менен кетүүгө түрткү болууда. Океандын аркы жагындагы жакшы жашоого жетем деген мекендештер өмүрүн тобокелге салып алыска аттaнышат. Бул тасмада бир нече өлкөнү мыйзамсыз кесип өтүп, маңзат жана адам аткезчилиги менен алектенген кылмыштуу топтордун колуна түшүп, узак жолдун тоодой тобокелдиги менен азап-тозогун тартып, алтургай жакындарынан айрылган окуялар баяндалат. Тасмада... Читать дальше...

Улуттук коопсуздук боюнча мамлекеттик комитет (УКМК) запастагы аскер кызматчысы (С.Ф.К) Кылмыш-жаза кодексинин “Мамлекеттик чыккынчылык” беренеси менен сегиз жылга соттолгонун билдирди. Атайын кызмат 4-сентябрда тараткан маалыматка ылайык, ал күнөөлүү деп табылып Жогорку Соттун өкүмү менен абакка кесилген. УКМК кылмыш иши качан козголгону, соттун өкүмү качан чыкканы жана соттолгон адамдын аты-жөнүн ачык жарыялаган жок. Кыргызстанда мамлекеттик чыккынчылыкка шек саналып абакка кесилген окуялар буга чейин да болгон. Читать дальше...

Жазуучу, публицист Олжобай Шакирдин камалышына байланыштуу коомдук ишмерлер, акын-жазуучулар менен журналисттер кыргыз бийлигине кайрылуу жолдоду. 100дөн ашык адам кол койгон кайрылууда “РухЭш” сайтынын негиздөөчүсү Олжобай Шакирдин камалышы чоң катачылык болгону жана аны эркиндикке чыгаруу талабы жазылган. “Бийликти басып алууга чакырган” деген айып чындыкка такыр коошпойт. Тескерисинче, ал “улам бир төңкөрүштү кайталай бергенден оңолуп кетпейбиз, бүлгүнчүл күчтөрдүн бийликти басып алышына жол койбойлу” деп эскертип келген”... Читать дальше...