Новости за 26.11.2023

ХАМАС (АКШ менен Европада террордук деп таанылган) радикал топ Эл аралык Кызыл Чырым уюмунун өкүлдөрүнө барымтадагылардын үчүнчү тобун өткөрүп берди. Израилдин армиясы билдиргендей, алардын арасында Израилдин 14, Таиланддын үч жараны бар. Маалыматка караганда, бошотулган израилдиктердин бири дароо ооруканага жөнөтүлдү. Израил ушул эле күнү түрмөдөгү 39 палестин аял менен баланы бошотту. Израил менен ХАМАС радикал уюмунунун ортосунда АКШ, Катар жана Египеттин ортомчулугу менен түзүлгөн макулдашууга ылайык... Читать дальше...

Падышалык Орусиядагы Прохоров деген тегатты алып жүргөн ишкерлердин тагдырынын мисалында ишкерлердин коомдук өнүгүүгө кошкон салымдарына байланыштуу тарыхчынын блогу.   Өткөн кылымда, марксизм-ленинизм Советтер Биримдигиндеги үстөмдүк кылган жападан жалгыз идеологиялык курал болуп турган доордо, бала чагыбыз жана жаштыгыбыз өттү. Бул саясий жана философиялык система “таптык коомдордо үстөмдүктөгү таптар ар дайым эзүүчү, жексур болушат” деп жар салып, акыры жумушчулар бийликтеги эзүүчү таптарды кулатып... Читать дальше...

УКМК кылмыштуу топтордон жана ар кандай мыйзамсыз аракеттерден баш тарттыруу боюнча иш уланганын 25-ноябрда билдирип, кримтөбөл Камчы Көлбаев менен түшкөн сүрөтү талкууга түшкөн Ильяскожо Ажибаевдин, Кадыр Досоновдун уюшкан кылмыштуу тобунун мүчөсү катары милициянын каттоосунда турган төрт адамдын видео кайрылуусун жарыялады. Ильяскожо Ажибаев - Жогорку Кеңештин депутаты Чыңгыз Ажибаевдин атасы. "Фейк акаунттар таратып жатат" “Мага коюлуп жаткан “Дед Хасан” же “прокурор” деге н каймана аттардан баш тарткам... Читать дальше...

Министрлер кабинетинин төрагасы Акылбек Жапаров 25-ноябрда Улуу Британиянын Кардифф шаарындагы “Concrete Canvas” компаниясына барды. “Concrete Canvas” жумшак композиттик бетон баракчаларын чыгарган ишкана. Анын материалдары арык, каналдардын, суу сактоочу көлмөлөрдүн жана бассейиндердин, уулу калдыктарды сактоочу жайлардын жана балык өстүрүүчү көлмөлөрдүн алдына төшөлөт. Өзгөчө ирригация тармагында кеңири колдонулат. Учурда заводдон чыгарылган материалдар дүйнөнүн 100дөн ашуун мамлекетине экспорттолот. Читать дальше...

Президенттин Баткен облусундагы өкүлүнүн кеңешчиси М.Т.А. соттун чечими менен 11-январга чейин камакка алынды. Баткен облустук сотунун маалыматы боюнча, ал Оштогу тергөө абагында кармалат. Улуттук коопсуздук мамлекеттик комитети президенттин Баткен облусундагы өкүлүнүн кеңешчиси 200 миң АКШ долларын опузалап талап кылганы үчүн кармалганын 24-ноябрда билдирген. Атайын кызмат тараткан маалыматка ылайык ал көмүр казуучу ишкананын башкы директору А.Б.А. аттуу жарандан пара алып жаткан жеринен колго түшкөн. Читать дальше...

Италияда студент кыздын өлүмүнө шектүү Филипп Туретто Германиянын Лейпциг шаарында кармалып, Венецияга жеткирилди. Падуа университетинин студенти Жулия Чеккетиндин сөөгү 18-ноябрда Порденон шаарынын чет жагындагы көлдүн жээгинен табылган. Жергиликтүү маалымат каражаттары жазгандай, судмедэксперттер маркумдун денесине 26 жолу бычак сайылганын аныкташкан. Маалыматка караганда, Жулия жигити Филипп менен автоунаа токтоочу жайда уруша кетишкен. Көчөдөгү видеокамераларга тартылып калган кадрларда Жулия  качып кетүүгө аракеттенгенине карабай... Читать дальше...

Газанын саламаттык сактоо башкармалыгы Иордан дарыясынын Батыш жээгиндеги соңку бир сутка ичинде Израилдин армиясынын кол салуусунан кеминде сегиз палестиндик набыт болду. Израил армиясы Женин качкындар лагериндеги атышууда беш согушкер жок кылынганын  маалымдады.  Батыш жээктеги чыңалуу ХАМАС (АКШ менен Европада террордук деп таанылган) уюму Израилге 7-октябрда кол салгандан бир нече мурда эле башталган. Ал жакта Израил күчтөрүнүн чабуулунан ондогон палестиндер набыт болуп, жүздөгөнү камалган. Читать дальше...

Бирикен Улуттар Уюмунун гуманитардык жүк ташуучу 61 унаасы Газа тилкесинин түндүк аймагына келди. Бул Палестин - Израил согушу башталгандан бери бир сутка ичинде жеткирилген эң чоң жардам. Газага суу, тамак-аш жана дары-дармектер жеткирилди. Акыркы күндөрү катуу кармаштар жүрүп жаткан "Ас-Шифа" ооруканасына 11 “Тез жардам” унаасы, үч автобус жана эвакуация жүргүзүүчү жүк машина жеткирилди. Израилдин Ницана айылынан дагы 200 жүк ташуучу унаа жардам менен 25-ноябрдын кечинде келди. Мындан тышкары, 129 литр күйүүчү май кирди. Читать дальше...

1-декабрда Жогорку Кеӊештин социалдык саясат боюнча комитети «Маркумду узатуу жана сөөгүн жайга коюу иши жөнүндө» мыйзам долбоорун талкуулоо боюнча парламенттик угуу өткөрөт. Бул тууралуу "Азаттыкка" долбоордун демилгечилеринин бири депутат Марлен Маматалиев маалымдады. Анын айтымында, мыйзам долбоору маркумду узатуу ишинин укуктук негиздерин, туугандарынын каалоосун эске алып, маркумдун көзү тирүү кезиндеги керээзине ылайык сөөктү көмүүнү жүзөгө ашыруу кепилдиктерин камсыздайт. Мындан тышкары... Читать дальше...

Президент Садыр Жапаров 26-ноябрда Бишкекте мамлекеттик ипотекага бериле турган үйлөрдүн курулушу менен таанышты. Бул тууралуу президенттин маалымат катчысы Аскат Алагөзов маалымдады. Курулуш компаниясынын өкүлдөрү мамлекет башчысына келерки жылдын сентябрында көп кабаттуу үйлөрдүн он бири толук бүткөрүлүп, колдонууга тапшырыла турганын убада кылган. Он бир көп кабаттуу үйдүн ар бири 18 кабаттуу, анда жалпысынан 986 батир бар. Жалпы жонунан курулуш жүрүп жаткан жерде көп кабаттуу отуз тогуз үй курулмакчы... Читать дальше...

Орусиянын президенттик администрацияга караштуу Айыл чарба жана мамлекеттик кызмат академиясы “медиа полициясын” даярдоо программасын баштаганын жарыялады. Студенттерге төрт жыл бою интернеттеги “Орусияга каршы контентти” аныктоону үйрөтүшөт. «Эркин Европа/Азаттык» радиосунун орус кызматы  менен маектешкен окуу жайдын  эки кызматкери жана Ички иштер министрлиги менен байланышы бар эки адам келечекте мындай адистерге суроо-талап болору шек жаратарын айтышты. Google аркылуу издеп, аныктоо 8-ноябрда... Читать дальше...

Жогорку Кеңештин депутаты Замирбек Мамасадыков демилгелеп алып чыккан мыйзам долбооруна ылайык шайлоо учурундагы үгүтчүлөрдүн санын кыскартуу сунушталууда. Тийиштүү мыйзам долбоору коомдук талкууга коюлду, анда президентти жана Жогорку Кеңештин депутаттарын шайлоо боюнча мыйзамга өзгөртүү киргизүү сунушталган. Азыркы мыйзам президенттикке талапкер жана анын саясий партиясы 10 миңге чейин үгүтчү жалдоого, ал эми бир мандаттуу округдардан ат салышкан талапкерлер беш жүзгө чейин үгүтчү колдоно алат. Читать дальше...

Алтымышынчы жылдары кыргыздын жасалга колдонмо өнөрүн заманбап жашоого айкалыштыргандыгы менен таанылган прикладчы, ,“Кыял”көркөм кол өнөрчүлүк бирикмесин негиздөөчүлөрдүн бири, Кыргыз Эл сүрөтчүсү, акын Шакен Мамбетаипова 1995-жылы мезгилсиз дүйнөдөн кайткан.

27-ноябрда Бишкек шаарында жаан-чачын, кар жаабайт. Абанын температурасы түнкүсүн +3… +5, күндүз +19… +21 жылуу болот. Шамалдын ылдамдыгы секундасына 1-6 метрге жетиши күтүлөт. Абанын температурасы: Чүй өрөөнүндө түнкүсүн +1…+6, күндүз +16... +21 градус жылуу; Талас облусунда түнкүсүн -1…+4, күндүз +14… +19; Баткен, Ош жана Жалал-Абад облустарында түнкүсүн +2… +7, күндүз +17… +22 градус жылуу болмокчу; Ысык-Көлдө түнкүсүн -2…+3, күндүз +6… +11; Тоолуу Нарын облусунун дыйканчылык... Читать дальше...

Бишкек мэриясынын муниципалдык көрктөндүрүү инспекциясы тыюу салынган буюмдарды өрттөп жаткандарды аныктоо үчүн мончолор менен сауналарды текшерет. Бишкек мэриясынан маалымдашкандай, өткөн аптада калаа ичиндеги 38 мончо жана сауналар текшерилди. Анын жүрүшүндө чүпүрөк-чапырак, желим буюмдар отко жагылып жатканы аныкталды. Жыл башынан мэрия эки жүзгө жакын текшрүү жүргүзгөн. Жыйынтыгында 41 протокол түзүлүп, мыйзам бузгандарга 478 миң сом айып пул салынган. Бийлик мончо менен сауна иштеткендерге... Читать дальше...

Дүйнөлүк күрөш биримдигинин тартип комитети ирандык балбан Мохаммадали Гераини мелдештерден бир жылга четтетти. Уюмдун тараткан маалыматына караганда, Гераи Белградда (Сербия) өткөн дүйнө чемпионаты маалында коомдук тартипти бузгандыгы үчүн ушундай жазаланды. Мохаммадали Гераи иниси Мохаммадреза күрөшүп жаткан таймаш маалында көрүүчүлөр отурган тараптан килемге бөтөлкө ыргыткан. Уюмдун тартип комитети анын негизинде балбанды алдыдагы бардык беттештерден бир жылга четтетти. Ошентип 29 жаштагы... Читать дальше...

"Хьюман Райтс Уотч" (HRW) укук коргоо уюму Кытай бийлиги соңку бир канча жылдан бери эки провинцияда жүздөгөн мечиттерди жаап, бузуп же башка максаттар үчүн өзгөртүп жатканын билдирди. Баш кеңсеси Нью-Йоркто жайгашкан уюмдун жаңы баяндамасында Бээжин бул кадамга ислам дининин жайылышына жол бербөө үчүн барып жатканы айтылат. Кытай бийлиги баяндама боюнча комментарий бере элек. Mечиттердин мунаралары буздурулган "Хьюман Райтс Уотч" 22-ноябрда жарыялаган көлөмдүү докладында Кытайдын кеминде... Читать дальше...

Ишемби күнү кечинде ХАМАС кыймылы Израилде мурда барымтага алган 20 кишини эл аралык Кызыл чырым уюмуна өткөрүп берди. Анын ордуна Израил ар кандай кылмыштар үчүн соттолгон 39 же 42 палестиналыкты бошотот. Ишембидеги туткун алмашуу иши буга чейинки төрт күндүк келишимдин экинчи бөлүгү болуп саналат. Бошотулгандардын арасында 13 израилдик жана жети чет элдик бар. Алдын ала маалыматтар боюнча, сегиз бала жана беш аял тууралуу сөз болуп жатат, алардын баарын ХАМАС 7-октябрда колго түшүргөн. Буга чейинки маалыматтар боюнча... Читать дальше...