"Математиканы тарыхчы окутат". Мектептерде мугалим тартыш
Кыргызстанда мугалим жетишсиздиги курч маселе бойдон калууда. Айрым мектептерде мугалим жетишпей бир жыл бою сабактар өтүлбөй жатса, айрым мектептерде башка сабактан берген мугалимдер сабак өтүүгө аргасыз. Билим берүү министрлиги жогорку окуу жайларда мугалимдик кесипке даярдаган бюджеттик орундардын санын көбөйтө турганын айтууда.