د بدخشان مسوولان: د غره ښووېدنې پېښې له کبله د ایسارو کسانو د ژغورلو چانس کم دی
د بدخشان په یاوان ولسوالۍ کې د غره ښووېدنې په پېښه کې د ایسارو خلکو د ژغورلو هڅې د واورې او توپاني هوا په خاطر ټکنۍ پر مخ ځي.
په بدخشان کې د طالبانو د اطلاعاتو او فرهنګ ریاست بېګا ناوخته لیکلي چې که څه هم د دفاع وزارت ژغورونکي ټیمونه سیمې ته رسېدلي، خو د ایسارو خلکو د ژغورلو چانس کم دی.
چارواکو د درېیو کسانو د ګیر پاتې کېدو خبره کړې، خو ځینو رسنیو د لږ تر لږه لسو کسانو د بند پاتې کېدو راپورونه ورکړي.
د غره د ښووېدو دا پېښه د پنجشنبې په ورځ پېښه شوې.