ايران کې حکومت ضد لاريونونو زور اخيستی
د ایران د رژيم لهخوا د دوو ځوانو معترضینو تر اعدام وروسته د خلکو لاریونونو او غبرګونو زور اخیستی.
په تر ټولو تازه غبرګون کې د ایران د فوټبال د ملي ټیم غړي مهدي طارمي ویلي چې: "د دار په رسۍ سره عدالت نهشي ټینګېدی."
طارمي د ایران چارواکو ته په خطاب ویلي، په زندانونو کې ګڼشمېر اختلاسګر او جنایتکاران شته خو بېچاره ځوانان چې د پوښتنې څوک نهلري یو په یو اعداموئ.
د ایران قضایه قوې شنبه اعلان وکړ چې محمد مهدي کرمي او محمد حسیني د یوه بسیجي د وژلو په تور په کرج کې اعدام شول.
په دې سره په ایران کې د بندي معترضینو له ډلې څلور تنه اعدام شوي.
امریکا، اروپايي ټولنې او ملګرو ملتونو د ایران دا عدامونه په کلکه غندلي دي.
په خپله ایراني ځوانانو هم په تهران او نورو ښارونو کې د دغو اعدامونو پر ضد لاریونونه کړي چې له ډلې یې تازه ۱۳ تنه په بهشت زهرا سیمه کې نیول شوي هم دي.