Вазорати корҳои дохилӣ эълон кард, ки Манучеҳр Шеров яке аз сокинони шаҳри Хоруғро бо иттиҳоми таҳқири намояндаи ҳокимият ва авбошӣ боздошт карда ва ӯро узви гуруҳи ҷиноие номидаанд, ки маъмурони милисаро маҷруҳ кардаанд.
Доллари амрикоӣ гарон бошад хуб аст ё рубли русӣ? Дар ин бора Барот Юсуфӣ ва Алишер Зарифӣ гузориш медиҳанд.
Баъзан атторон моҳҳову солҳоро барои таҳияву беҳбуди атри нав сарф мекунанд. Вале як идда ширкатҳои муосир метавонанд бо истифода аз зеҳни сунъӣ дар давоми чанд дақиқа атри фармоишӣ тавлид кунанд.
Ронандагони тоҷикро дар марзи Ӯзбекистону Қазоқистон монеъ кардаанд.
Салам Имомназаров қочоқбари маводи мухаддир аст ё қурбонии баҳсҳои сиёсӣ? Наздикони фарзанди раҳбари ғайрирасмии Бадахшон мегӯянд, ӯ бегуноҳ ҳаст.
Мусобиқаи қаҳрамонии футболи Тоҷикистон миёни дастаҳои лигаи олӣ рӯзи шанбеи 2-юми апрел оғоз меёбад, хабар медиҳад сомонаи Федератсияи футболи Тоҷикистон. Ба иттилои манбаъ, дар 31-умин мусобиқаи қаҳрамонии футболи Тоҷикистон даҳ бошгоҳи лигаи олӣ – «Истиқлол», КМВА (ҳарду аз Душанбе), “Хуҷанд”, “Эсхата” (ҳарду аз Хуҷанд), “Истаравшан” (Истаравшан), “Хатлон” (Бохтар) , «Файзканд» (Восеъ), «Равшан» (Кӯлоб), «Регар-ТадАЗ» (Турсунзода) ва «Равшан» (Зафаробод) - иштирок мекунанд. Мусобиқа дар ду марҳила доир мегардад. Читать дальше...
Эътилофи гуруҳе аз созмонҳои ҳомии ҳуқуқ дар Тоҷикистон мегӯянд, ки соли 2021 аз 24 нафар дар бораи бадрафторӣ ва ё шиканҷа ба онҳову хешовандонашон шикоят гирифтаанд.
Дар мусобиқаи байналмилалии ҷудо "Antalya Grand Slam 2022", ки рӯзҳои 1-3-юми апрел дар Анталияи Туркия баргузор мешавад, ҳашт варзишгари тоҷик иштирок хоҳанд кард. Ба иттилои сомонаи расмии Федератсияи байналмилалии ҷудо (IJF), дар мусобиқаи "Antalya Grand Slam 2022" иштироки 531 варзишгар (316 мард ва 215 зан) аз 64 кишвар дар назар аст. Тоҷикистонро дар сабқати мардон Меҳрзод Суфиев (-60 кг), Абубакр Шеров, Шаҳбоз Саидаброров (ҳарду дар вазни то 66 кг), Сомон Маҳмадбеков (-73 кг), Комроншоҳи Устопириён... Читать дальше...
Тибқи маълумоти Маркази омори Эрон, дар панҷ соли гузашта беш аз 131 ҳазор духтари зери сини 15-сола издивоҷ кардаанд, ки аз ин шумора беш аз 7500 маврид дар тобистони соли гузашта будааст.
Муовини вазири меҳнати Қазоқистон Ержан Биржанов 30-юми март дар нишасти хабарие иттилоъ дод, ки дар ҳоли ҳозир беш аз 101 ҳазор шаҳрванди Русия дар он кишвар қарор доранд. Аммо ба гуфтаи ӯ, шумораи умумии русиягиҳое, ки вориди ин кишвар мешаванд, "ҳанӯз ба сатҳи фоҷеавӣ нарасидааст". Бино ба иттилои расмӣ, дар ҳоли ҳозир 6350 шаҳрванди Русия бо ҳадафи корӣ дар Қазоқистон қарор доранд. "Соли гузашта 18 800 шаҳрванди Русия ба Қазоқистон омадаанд. Яъне, ҳоло вуруди шаҳрвандони Русия ба сатҳи фоҷеавӣ нарасидааст", - афзуд вай. Читать дальше...
Мусобиқоти қаҳрамонии велосипедронӣ ё дучархасавории Осиё дар шоҳроҳ, ки аз 25-ум то 30-юми март дар шаҳри Душанбе баргузор шуд, рӯзи панҷшанбе бо баргузории пойга миёни устодон ва ҳаваскорон ба поён расид. Дар рӯзи охирини мусобиқот устодони варзиши велосипедронӣ дар масофаи 61 км ва ҳаваскорон дар масофаи 111 км рақобат карданд. Дар мусобиқа миёни устодон, ки аз рӯи 5 синну сол сурат гирифт, намояндагони Узбекистон, Имороти Муттаҳидаи Араб ва Тоҷикистон ғолиб шуданд. Дар мусобиқаи дастаии устодон тими Ироқ пирӯз гардид. Читать дальше...