Новости за 07.02.2024

Татарстанда яшәүче гаиләләр өчен барлык ярдәм чаралары турында мәгълүмат урын алган яңа сайт булдырылды. Республика Премьер-министры урынбасары Ләйлә Фазлыева ТР Төбәк белән идарә итү үзәгендәге туры эфир (аның трансляциясе «ВКонтакте» социаль челтәрендә бара) вакытында шулай дип белдерде.

Татарстанда Россиядә Гаилә елына багышланган чаралар планы расланды. ТР Премьер-министры урынбасары Ләйлә Фазлыева туры эфир (аның трансляциясе «ВКонтакте» социаль челтәрендә бара) вакытында шулай дип белдерде.

Казан халыкара мөселман киносы фестиваленә гаризалар кабул итү компаниясе старт алды. «Гаризалар 2024 елның 1 июненә кадәр кабул ителә», дип хәбәр итә фестивальнең матбугат үзәге.

15 февральдә Татарстан Республикасы Милли музеенда уникаль чара – Төп нөсхә көне узачак. Тантаналы шартларда музей фондларыннан Муса Җәлилнең «Моабит дәфтәрләре»нең оригиналын чыгарачаклар – бу көнне аларны теләгән һәркем күрә алачак.

«Казан агломерациясе: сервейинг һәм мирасны саклау» китабын әзерләү һәм нәшер итү турында Казанның Кабул итүләр йортында фикерләштеләр. Очрашуда республика Рәисе ярдәмчесе Олеся Балтусова, Пространстволы планлаштыру институты директорының беренче урынбасары Максим Викулин, шәһәр төзелеш эшчәнлеген күзәтү мәсьәләләре юнәлеше җитәкчесе Максимилиан Гостевой, Татарстаның Төзелеш, архитектура һәм торак-коммуналь хуҗалык министрлыгы, республиканың Инвестицион үсеш агентлыгы, Казанның Башкарма комитеты... Читать дальше...

Россиядә ил буенча чит ил кешеләре өчен милли туристик маршрутлар ачарга тәкъдим иттеләр. Мондый алым чит илләрдән туристлар агымын арттырачак, диде Россия туриндустрия берлегенең керү туризмы комитеты җитәкчеләреннән берсе Алексей Венгин.

Татарстан Рәисе Рөстәм Миңнеханов белдергәнчә, Башкортстанның беренче Президенты Мортаза Рәхимов республика масштабындагы гына түгел, ә Россия күләмендәге зур дәүләт эшлеклесе иде. ТР җитәкчесе сүзләренчә, Рәхимов охшарга тырышу өчен үрнәк булып тора. Бу хакта ТР Рәисенең матбугат хезмәте хәбәр итә.

Татарстанның Тукай районында махсус операциядә катнашучы хәрбиләр өчен квадрокоптерлар җитештерелә. Волонтерлар махсус операция зонасына хәрбиләргә җибәргән дроннарның берничә төрен күрсәтте.

Татарстанда М5 автобуслары һәм йөк машиналары өчен хәрәкәт чикләүләрен һава торышы яхшырганчы озайттылар.

Казандагы «Киләчәк уеннары» мультиспорт турниры 2024 елдагы әһәмиятле вакыйга булачак. Мондый төрдәге беренче ярышлар булуга да карамастан, ул зур кызыксыну уятты. Анда 100дән артык илдән 2 меңгә якын кеше катнашыр дип көтелә, диде вице-премьер Дмитрий Чернышенко ТАСС агентлыгына биргән интервьюсында.

ТР Рәисе Рөстәм Миңнеханов Уфага Башкортстанның беренче Президенты Мортаза Рәхимовка һәйкәл ачу тантанасына килде. Һәйкәл Дәүләт җыелышы – Корылтай һәм республика Хөкүмәте биналары арасында урнаштырылган, дип хәбәр итә «Башинформ» агентлыгы.

Россиядә Белем.Фән Бөтенроссия агарту акциясе башлана. Илнең барлык төбәкләрендә ел саен 8 февральдә билгеләп үтелә торган Россия фәне көненә багышланган 300дән артык чара узачак. Акцияне Россиянең «Белем» җәмгыяте филиаллары оештыра. Ул яшь галимнәр һәм аларның остазларына яңа аудитория каршында чыгыш ясарга, барлык тыңлаучыларга фән өлкәсендә үз казанышлары хакында сөйләргә мөмкинлек бирәчәк.

Россия Фәннәр академиясе галимнәре, 2021 елдагы җанисәп нәтиҗәләренә таянып, татар теленең илдә иң киң таралган һәм еш кулланыла торган 5 тел арасына керүен ачыклаган. Бу хакта «Миллиард.Татар» хәбәр итә.

Махсус хәрби операция зонасына фура белән гуманитар йөк ташыган Актаныш кешесе авариядә һәлак булган. Бу хакта Дулкын-16 Telegram-каналында хәбәр иттеләр.

Филология фәннәре докторы, Галимҗан Ибраһимов исемендәге Тел, әдәбият һәм сәнгать институтының әдәбият белеме бүлеге мөдире Әлфәт Закирҗанов фикеренчә, язучы, драматург Шәриф Камал иҗаты татар халкының елъязмасы булып тора ала. Бу хакта ул Татар китабы йортында Шәриф Камалның 140 еллыгына багышланган «140 мизгел» дип исемләнгән күргәзмә ачылышында әйтте.

3 февраль көнне Курган өлкәсенең Шадринск шәһәрендә «Уйна, гармун» фестивале узды. Чарада Курган өлкәсеннән гармунчылар катнашты. Иң олы гармунчыга – 90 яшь. Бу хакта Бөтендөнья татар конгрессы матбугат хезмәте хәбәр итә.

Анталиянең Гаяз Исхакый исемендәге Татар китапханәсендә тарихта беренче тапкыр Татарстан туграсы (гербы) көне үткәрелгән.

Татарстан Рәисе Рөстәм Миңнеханов үз сәхифәсенә язылучыларны республиканың Дәүләт гербы көне белән котлады.

Федераль әһәмияткә ия мәдәни мирас объекты дип табылган Казанның Мәрҗани мәчетен агымдагы елда масштаблы реставрация эшләре көтә. Бу хакта ТР Мәдәни мирас объектларын саклау комитетының матбугат хезмәте хәбәр итә.

Язучылар берлегенең идарә утырышында каралган 5 язучыдан Ләис Зөлкарнәй кандидатурасы иң күп тавыш җыеп, Тукай премиясенә тәкъдим ителде.

Татарстанның Россия Федерациясендәге Тулы вәкаләтле вәкиллеге белән «ДОМ.РФ» оешмасы «Татарстанга гашыйк булу» уенын уздырачак. Бу хакта Татарстанның Россия Федерациясендәге Тулы вәкаләтле вәкиллеге матбугат хезмәте хәбәр итә.

Татарстан Язучылар берлеге идарәсе әдәби премияләрнең яңа лауреатларын раслады.

Татарстан Республикасы Дәүләт Советы Рәисе Фәрит Мөхәммәтшин Татарстан Республикасы Дәүләт гербы көне белән котлады.

Бүген, 7 февральдә, Татарстанда карлы һава торышы саклана, шул ук вакытта температура фоны шактый түбәнәя башлый. Бу хакта ТР Гидрометеоүзәге хәбәр итә.

«ЮВТ Аэро» авиакомпаниясе Казаннан Ташкентка һәм Бохарага туры рейслар ачарга планлаштыра. Үзбәкстанга очыш программасын киңәйтү турында Татарстан авиакомпаниясе генераль директоры Петр Трубаев хәбәр итте. ТАСС шул хакта яза.