Новости за 08.02.2024

Ислам финанслары өлкәсендә эшләргә әзер булган гыйлемле белгечләргә ихтыяҗ зур. Бу хакта "Татар-информ" хәбәрчесенә Ислам бизнесы һәм финанслары үсеше фонды президенты Линар Якупов сөйләде.

Татарстан Рәисе Рөстәм Миңнеханов һәм Федераль юл агентлыгы (Росавтодор) җитәкчесе Роман Новиков бүген юл төзелеше һәм перспективалы инвестицион проектларны гамәлгә ашыру өлкәсендә алга таба хезмәттәшлек мәсьәләләре турында сөйләште. Бу хакта республика җитәкчесе матбугат хезмәте хәбәр итә.

8 февраль мәгълүматлары буенча Россия гражданнары РФ Президентын сайлауда тавыш бирүдә катнашу турында 1880000 гариза биргән.

2 мартта Казан дәүләт мәдәният институтында «Сандугач-Соловей» ХI Халыкара вокалистлар конкурсы була. Бөтендөнья татар конгрессының матбугат хезмәте шул хакта хәбәр итә.

Трибьют – тере тавыш белән заманча башкаруны күздә тоткан, артистка һәм аның иҗатына хөрмәт белдерү йөзеннән уздырыла торган багышлау кичәсе.

Татарстан Республикасы яшәү һәм эчке туризм өчен Россиянең иң популяр төбәкләренең берсе буларак популярлыгын арттыруын дәвам итә. Моның турында аның күпсанлы рейтингларда позицияләре сөйли. Бу хакта «ПромРейтинг» мәгълүмат агентлыгы хәбәр итә.

Сәнгать фәннәре докторы, Галимҗан Ибраһимов исемендәге Тел, әдәбият һәм сәнгать институтының Сәнгать үзәге мөдире Рауза Солтанова Галиәсгар Камалның 145 еллыгына багышланган «ХХ йөз башы татар яңарышы һәм Галиәсгар Камал» түгәрәк өстәлендә драматургның рәсемнәр, карикатуралар ясавы турында сөйләде.

Казанның төрле мәчетләрендә Мигъраҗ кичәсе уңаеннан чаралар үтте. Мисал өчен, Апанай мәчетендә бу уңайдан Казан шәһәренең мөселман активы, җәмәгать эшлеклеләре, абыстайлар, мәчет каршындагы курсларда белем алучылар, ислам дине традицияләре белән кызыксынучы яшьләр һәм өлкәннәр катнашты. Бу хакта ТР Диния нәзарәте матбугат хезмәте хәбәр итә.

«Түбәтәй» ширкәте һәм Бөтендөнья татар яшьләре форумы Бәшир Рәмиев исемендәге IT-паркта татар тарихы һәм мәдәнияте турында ачык лекторий башлап җибәрде. Бу хакта Бөтендөнья татар конгрессының матбугат хезмәте хәбәр итә.

Түләп бетерә алмаган очракта да, ислам банкы ипотекасы халыкны тораксыз калдырмый. Бу хакта «Татар-информ» хәбәрчесенә Ислам бизнесы һәм финанслары үсеше фонды президенты Линар Якупов сөйләде һәм ислам ипотекасының гадәти ипотекадан аермасын аңлатты.

6-7 февральдә Казанда татар теле һәм әдәбиятыннан төбәкара олимпиада узды. 7 февральдә Кәрим Тинчурин исемендәге Татар дәүләт драма һәм комедия театры базасында олимпиаданың ябылу тантанасы булды. Чарада Бөтендөнья татар конгрессы Башкарма комитеты җитәкчесе Данис Шакиров катнашты. Бу хакта конгресс матбугат хезмәте хәбәр итә.

«Роскосмос» дәүләт корпорациясе Телеграм-каналына Үзәк Россиягә кичә килгән «Ольга» циклоны төшерелгән сурәтне куйды.

Ислам банкы продуктлары кыйбат йөрүе финанс оешмаларында акча булмавына бәйле. Бу хакта «Татар-информ» хәбәрчесенә Ислам бизнесы һәм финанслары үсеше фонды президенты Линар Якупов сөйләде.

Татарстан Рәисе Рөстәм Миңнеханов Телеграм-каналына Россия фәне көненә багышланган видео куйды.

Нәҗип Җиһанов исемендәге «Мирас» татар музыкасы фестиваленең беренче концерты татар музыкасының сәяхәтенә – аның башка халыклар аша яңгырашына багышланган иде. Дирижеры да кытай кешесе Тао Линь иде.

Татарстан башкаласы метрополитенында кәрәзле оператор элемтәсендә өзеклек булган. Бу хакта «Метроэлектротранс» МУП Телеграм-каналында хәбәр ителә.

Россия Президенты Владимир Путин Федераль Җыенга 27 яки 28 февральдә юллама белән чыгыш ясарга мөмкин. Бу хакта РИА Новости Федерация субъектлары җитәкчеләре белән бәйле чыганакларга сылтама белән хәбәр итә.

Казанда Г.Тукай исемендәге Татар дәүләт филармониясе бинасы реставрацияләнәчәк. Проектның тарихи-мәдәни экспертизасы нәтиҗәләре белән Татарстан мәдәни мирас объектларын саклау комитеты уртаклашты.

Россиядә коронавирус белән хәл контрольдә тотыла, дөньяда да ул бернинди куркыныч тудырмый, дип белдерде Россия Фәннәр Академиясе академигы Геннадий Онищенко.

Башкортстанның Милли музеенда Мортаза Рәхимовның 90 еллыгына багышланган «Башкортстан Республикасының Беренче Президенты» күргәзмәсе тантаналы рәвештә ачылды. Бу хакта «Башинформ» яза.

Татарстан Республикасы Рәисе Рөстәм Миңнеханов Татарстанның фәнни җәмәгатьчелек вәкилләрен Россия фәне көне уңаеннан тәбрикләде. Бу хакта ТР Рәисе матбугат хезмәте хәбәр итә.

Иске Татар бистәсендә Казан укытучылар семинариясе бинасы төзекләндереләчәк. Объектны тикшергәндә, терәк диварларда ярыклар табылган. Экспертиза проекты ТР Мәдәни мирас объектларын саклау буенча дәүләт комитеты сайтында бастырылган.

Бүген Татарстанда кар явачак, тәүлегенә 6 ммга кадәр булачак. Бу хакта ТР Гидрометүзәгенең матбугат хезмәте хәбәр итә.

Әлмәт ЗАГС идарәсендә кыска вакытлы ялга кайткан мобилизацияләнгән хәрбинең һәм аның кәләше Каринаның никахы теркәлде. Быел алар 55нче гаилә булып никахларын законлаштырган, дип яза «Әләмт таңнары» .

3-15 февраль көннәрендә Татарстанда XII «Ак халатлы фәрештәләр» фестивале уза. Ул укучыларны медицина һөнәрләре белән таныштыру максатыннан үткәрелә. Фестиваль кысаларында Шәмәрдән участок хас­таханәсе базасында «Ачык ишек­ләр көне» һөнәри юнәлеш би­рү чарасы үткәрелде. Бу хакта http://saby-rt.ru/ хәбәр итә.