Новости за 13.02.2024

Муса Җәлилнең туган көне уңаеннан шагыйрьнең 1 Май мәйданындагы һәйкәленә чәчәкләр салыначак.

Россия Президентына кандидат Владимир Путинның сайлау штабы федераль дәүләт каналларында дебатларда катнашу өчен түләүсез теле- һәм радиоэфирдан баш тартты. Бу хакта РФ Үзәк сайлау комиссиясе утырышында билгеле булды. РИА Новости шул хакта яза.

Татарстанда «Сәламәтлек саклау» илкүләм проектының сигез федераль программасы гамәлгә ашырыла. Шуларның берсе - «Авыл табибы/фельдшеры», – дип сөйләде Рөстәм Миңнеханов Телеграм-каналында.

Бүген Балалар республика хастаханәсенә 13 яшьлек кыз китерелгән. Бу хакта «Татар-информ»га Татарстан Сәламәтлек саклау министрлыгында хәбәр иттеләр.

Татарстан Рәисе Рөстәм Миңнеханов Чаллы шәһәренә «НЕФАЗ» маркалы яңа 10 автобус ачкычын тапшырды. Шәһәр өчен күптән көтелгән вакыйга хисап сессиясе башланыр алдыннан булды.

Казан мәктәпләренең берсендә укучы кыз өченче каттан егылып төшкән, аны хастаханәгә алып киткәннәр.

Россиядә Гаилә елы һәм Татарстан мөселманнары Диния нәзарәте тарафыннан игълан ителгән Гаилә һәм хәләл яшәү рәвеше елы кысаларында Бөгелмәдә уникенче тапкыр Татарстан мәчетләре командалары арасында традицион мини-футбол турниры узды. Чара «Интер» автоүзәге кубогына оештырылды, дип хәбәр итә ТР Диния нәзарәте.

Февральдә иң югары түләүле вакансияләр бишлеген Казанда senior «1С» аналитигы җитәкләде. Белгечкә 200 меңнән 250 мең сумга кадәр хезмәт хакы тәкъдим итәләр. Бу хакта SuperJob үткәргән тикшеренүдә әйтелә.

15 февральдә герой-шагыйрь Муса Җәлилнең 118 еллыгы билгеләп үтелә. Бу истәлекле көндә Санкт-Петербургта шагыйрь-сугышчы Муса Җәлил һәйкәленә чәчәкләр кую тантанасы узачак. Бу хакта Татарстанның Санкт-Пеҗербургтагы һәм Ленинград өлкәсендәге Даими вәкиллеге матбугат хезмәте хәбәр итә.

Бүген 15.00 сәгатьтә Казанның «Чулпан» мәдәният үзәгендә «Гәүһәр» балалар фестивале узачак: бер сәхнәдә татар мәдәниятенең берничә сәнгать төре берләшәчәк. Бу хакта Казан мэриясе матбугат хезмәте хәбәр итә.

15 февральдә Ленинградны фашистлар блокадасыннан тулысынча азат итүнең 80 еллыгын бәйрәм итү хөрмәтенә Татарстан халкына бушлай юридик ярдәм күрсәтәчәкләр. Белгечләрнең консультацияләре Казанда ТР Халыклар дуслыгы йортында була. Бу хакта оештыручылар хәбәр итә.

2024 елның гыйнвар башыннан Россиянең ваклап сата торган кибетләрендә йомырканың дистәсе 129,08 сумга кадәр яки 3 процентка төшкән. Бу хакта ТАСС «Руспродсоюз» ассоциациясе идарәсе рәисе урнынбасары Дмитрий Леоновка сылтама белән хәбәр итә.

Россия Президенты Владимир Путинның Федераль Җыенга юлламасы февраль ахырында ук булырга мөмкин. Дәүләт Думасында КПРФ фракциясе утырышында партия лидеры Геннадий Зюганов шулай дип белдерде.

«Кави-Сәрвәр» операсының язылу тарихы турында документаль фильм төшерелгән. Фильм премьера узып нәкъ бер елдан Милли китапханәдә тамашачыга тәкъдим ителде.

Һәр өченче россияле (34 процент) пенсиягә чыккач башка шәһәрдә яшәргә хыяллана, тагын 35 проценты бу мәсьәлә турында уйланмаган, ә 31 проценты яшәү урынын алыштырырга әзер түгел. СберНПФ һәм «Работа.ру» үткәргән тикшеренү нәтиҗәләреннән шул билгеле булган. Бу хакта РБК яза.

29 гыйнвардан 5 февральгә кадәр Татарстанда кайбер яшелчәләрнең бәясе сизелерлек артты. Бу хакта Татарстанстат мәгълүматларыннан билгеле булды.

Казан шәһәре Башкарма комитеты Аппаратының иҗтимагый оешмалар белән үзара хезмәттәшлек бүлеге башлыгы Илнур Шакиров 53 яшендә вафат булган.

Казан Россиянең иң карлы шәһәрләре исемлегендә икенче урында. Gismeteo мәгълүматларына караганда, Татарстан башкаласында кар катламының биеклеге 8 февральгә 92 см ны тәшкил иткән. Бу хакта Казан мэриясе матбугат хезмәте хәбәр итә.

2024 елның 29 гыйнварыннан 5 февраленә кадәр Татарстанда бензинның бер маркасы һәм дизель ягулыгы бераз кыйммәтләнде. Бу хакта Татарстанстат мәгълүматларыннан күренә.

Бүген, 13 февральдә, Белоруссиядән һәм Россиянең үзәк районнарыннан килүче циклон Татарстанда кабат кар яудырачак һәм температура күтәреләчәк. Бу хакта ТР Гидрометеоүзәге хәбәр итә.

Россия Дәүләт Думасы депутаты Татьяна Ларионова Лениногорскида эшлекле сәфәрдә булды. Район башлыгы урынбасары Сергей Тимаков озатуында алар Балалар йортында «Биолаборатория»дә экскурсиядә булды. Монда аларга үләннәрне җыю, эшкәртү процессы турында сөйләделәр. Бу хакта «Заман сулышы» хәбәр итә.

Түбән Камада 2008-2009 елгы егетләр арасында бокс буенча Татарстан беренчелеге узды. Бу хакта «Алабуга нуры» Казан федераль университетының Алабуга институты матбугат хезмәтенә сылтама белән хәбәр итә.

Олы Кайбыч мәктәбендә дә бүген парламент дәресе узды. Җәмгыять белеме укытучысы Гөлчәчәк Гыйбадуллина 10-11 сыйныф укучылары белән үткәргән дәрестә район башлыгы урынбасары Рәмис Хәялиев һәм мәктәп директоры Исламия Мусина да катнашты. Бу хакта «Кайбыч таңнары» хәбәр итә.

Бөгелмә муниципаль районы Советының 2024 елның 7 февралендәге XXXI сессиясенең 1 номерлы карары белән «Татарстан Республикасы Бөгелмә муниципаль районы Башкарма комитеты җитәкчесе вазифасына конкурс игълан итү турында» карар кабул ителде. Бу хакта «Бөгелмә авазы» хәбәр итә.